Игорь Путин

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Игорь Путин latin yazuında])
Навигациягә күчү Эзләүгә күчү
Игорь Путин
200px
Туган телдә исем Игорь Александр улы Путин
Туган 30 март 1953(1953-03-30) (66 яшь)
ССРБ, РСФСР, Ленинград
Милләт урыс
Ватандашлыгы ССРБFlag of the Soviet Union.svg ССРБ
Русия байрагы РФ
Әлма-матер Нижегородский институт управления[d]
Һөнәре хәрби, бизнесмен
Балалар улы Роман
Ата-ана

Игорь Путин, Игорь Александр улы Путин (рус. Игорь Александрович Путин, 1953 елның 30 марты, Ленинград) — РФ эшмәкәре, АвтоВазбанк, Мастер-банк, Урыс җир банкы директорлар шурасы әгъзасы. РФ Президенты В. В. Путинның туганнан туганы.

Тәрҗемәи хәле[үзгәртү | вики-текстны үзгәртү]

1953 елның 30 мартында Ленинградта Александр Спиридон улы Путинның хәрби гаиләсендә туган. Игорь Путинның әтисе Александр Спиридон улы белән В. В. Путинның әтисе Владимир Спиридон улы (19111999) — бертуганнар, Игорь белән Владимир Путиннар — туганнан туганнар.

Әтисен башта Ковров дивизиясенә, соңрак Рәзән югары команда автомобиль укуханәсенә укытучы итеп күчерәләр. Игорь Путин Рәзән югары команда автомобиль укуханәсен (1974), Нижгарда Идел-Нократ дәүләт хезмәте академиясен (2000), «автотранспорт техникасы мөһәндисе» һәм «юрист» белгечлекләре буенча Мәскәү икътисад һәм хокук институтын (2003) тәмамлаган.

1974-1998 елларда ССРБ (1991 елдан РФ) Кораллы көчләрендә Уссурийскида, Урта Азиядә, Казакъстанда хезмәт итә. Иң соңгы хезмәт иткән урыны — Сарытау өлкәсе Вольск хәрби тыл укуханәсе (автомобиль әзерлеге кафедрасы башлыгы урынбасары). 1998 елда «подполковник» хәрби дәрәҗәсендә отставкага чыгып, Рәзәндә урнаша.

1998-2000 елларда Рәзән өлкәсе дәүләт статистика комитеты баш белгече, рәис урынбасары.

2000-2005 елларда Рәзән өлкәсе лицензия пулаты рәисе.

2005 елда «Иделбурмаш» холдингына керүче Самар резервуар заводы (рус. СЗВ) директолар шурасы рәисе итеп сайлана. СЗВ нефть һәм нефть продуктлары өчен вертикаль цилиндрик резервуарлар җитештерә.

2007 елның маеннан «АвтоВазбанк сәнәгать коммерция банкы» ААҖ (рус. АВБ) директорлар шурасы әгъзасы.

2010 елның сентябреннән Мастер-Банк вице-президенты.

2012 елның июненнән Урыс җир банкы (рус. РЗБ), Сәнәгать саклык банкы (рус. ПСБ), Якутия «СУ-888» төзелеш компаниясе директорлар шурасы әгъзасы.

2014-2015 елларда Inoventica холдингы директорлар шурасы әгъзасы.

Иҗтимагый эшчәнлеге[үзгәртү | вики-текстны үзгәртү]

2002 елда «Бердәм Русия» фиркасе тарафдарларының Рәзән координация шурасы рәисе. 2006 елга кадәр «Бердәм Русия» фиркасе, 2006 елның октябреннән Сергей Мироновның «Гадел Русия» фиркасе әгъзасы.

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]