Идегәй Таҗетдинов

Идегәй Таҗетдинов
Туган телдә исем	Идегәй Борис улы Таҗетдинов
Туган	13 гыйнвар 1933(1933-01-13) СССР, Үзбәкстан ССР, Ташкент,
Үлгән	11 август 1979(1979-08-11) (46 яшь) СССР, Украина ССР, Днепропетровск өлкәсе , Днепродзержинск
Милләт	татар
Ватандашлыгы	СССР
Һөнәре	футболчы, тренер
Җефет	Алла Сергеевна (Шулепина)
Бүләк һәм премияләре	Үзбәкстан ССР атказанган тренеры (1977)
Спорт такымы әгъзасы	Пахтакәр

Идегәй Таҗетдинов, Идегәй Борис улы Таҗетдинов (Идгай Борисович Тазетдинов; 1933 елның 13 гыйнвары, СССР, Үзбәкстан ССР, Ташкент ― 1979 елның 11 августы, СССР, Украина ССР, Днепропетровск өлкәсе, Днепродзержинск) ― совет футболисты, ярымсакчы, тренер. СССР спорт мастеры (1962). Үзбәкстан ССР атказанган тренеры (1977).

Тәрҗемәи хәле

1933 елның 13 гыйнварында Үзбәкстан ССР башкаласы Ташкент шәһәрендә татар гаиләсендә туган.

Клуб карьерасы

Ташкентның «Медик» балалар командасында уйный башлаган, аннары — «Труд»та уйнаган. 1953―1955 елларда «Б» классында «Спартак» Ташкент^[d] өчен чыгыш ясаган. 1956 елдан ― «Пахтакор» клубында. Дүрт ел эчендә «Б» классында 108 матч уйнаган, 21 гол керткән, 1958 елдан — команда капитаны. «А» классында 1960―1963 елларда 94 матч уйнаган, 12 гол керткән.

1956 елда СССР халыклары Спартакиадасының футбол турында Үзбәкстан ССР җыелмасы составында катнашкан.

Тренерлык карьерасы

1964―1965 елларда ― «Политотдел»^[d] (1996—2003 елларда «Дустлик») командасында уйнаучы тренер, 1969 елга кадәр «Политотдел»да тренер. «Янгиер»^[d] (1971―1972), «Андижан»^[d] (1973), «Янгиарык»^[d] (1974) командаларының өлкән тренеры. «Янгиер» командасы җитәкчесе (1976).

1977 елдан ― «Пахтакор» клубы тренеры.

1979 елда СССР халыклары Спартакиадасының футбол турнирында Үзбәкстан ССР җыелмасы тренеры.

«Пахтакор» футбол командасына куелган һәйкәл фрагменты. Проектның инициаторы Алла Шулепина―Таҗетдинова

Команда белән бергә 1979 елның 11 августында Днепродзержинск өстендә авиаһәлакәттә^[d] һәлак булган. Ике Ту-134 самолеты бәрелешүендә шулай ук «Пахтакор» клубының 13 уенчысы һәм тренерлар штабының тагын 2 әгъзасы һәлак булган. 1979 елгы «Пахтакор» фаҗигасе ― совет футболының иң коточкыч фаҗигаләренең берсе, ундүрт футболчы, табиб, тренер һәм клуб администраторы авиаһәлакәттә һәлак булган.

Ташкентның беренче шәһәр зиратында^[d] «Пахтакор» командасы футболчылары мемориалында җирләнгән.

Шәхси тормышы

1961 елның гыйнварында өйләнгән. Хатыны Алла Сергеевна Шулепина-Таҗетдинова, «Киноактер» иҗади җитештерү берләшмәсе җитәкчесе булып эшләгән.

Казанышлары

Уенчы буларак

«Политотдел»^[d]

• СССРның икенче лигасы^[d]
  • Бронза призер (1): 1964

Мактаулы исемнәре

• СССР спорт мастеры: 1962
• Үзбәкстан ССР атказанган иренеры: 1977

И. Б. Таҗетдинов (үлгәннән соң) «Шөһрәт» медале (Shuhrat medali, Үзбәкстан) белән бүләкләнгән.

Сылтамалар

• Спортчының профиле teams.by (рус.)
• Профиль findagrave.com
• Тазетдинов Идгай Борисович (1933.13.I −1979.11.VIII) (рус.)