Идрис Кәлимуллин

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Идрис Кәлимуллин latin yazuında])
Навигациягә күчү Эзләүгә күчү
Идрис Кәлимуллин
Кәлимуллин.jpg
Туган телдә исем Идрис Батыршәех улы Кәлимуллин
Туган 30 март 1965(1965-03-30) (53 яшь)
Coat of Arms of Bashkir ASSR.png БАССР, Илеш районы, Шәммәт
Яшәгән урын Максим Рыльски урамы[d], Өфә[1]
Милләт татар
Һөнәре җырчы, театр артисты
Сайт http://www.sayar-idris.ru/

Идрис Кәлимуллин – күренекле актер һәм популяр җырчы, Башкортстанның халык, Татарстанның атказанган артисты, Бөтенрусия эстрада конкурслары лауреаты.

Тәрҗемәи хәл[үзгәртү | вики-текстны үзгәртү]

Идрис Кәлимуллин Илеш районының Шәммәт авылында туган. Кечкенәдән җырларга, бигрәк тә театр уйнарга яраткан. Шушы мавыгулар аны 1982 елда Уфа дәүләт сәнгать институтына алып килгән.

Институтны тәмамлаганнан соң Идрис Батыршәех улы Уфада яңа гына барлыкка килгән Яшь тамашачы театрында эш башлый. Сәләтле актерны тиз күрәләр, ул труппаның әйдәүче актеры булып китә. Әмма Идрис эзләнүләр юлын сайлый һәм менә инде ул — яңа гына ачылган «Нур» татар дәүләт театрында тамашачының яраткан актеры.

Киләсе борылыш 1997 ел белән бәйле. Идрис Кәлимуллин театрдан китә һәм үз эшен ача. Әйтергә кирәк, сәхнәгә багышланган дистә елда ул 20дән артык кабатланмас образ тудырган. Мирхәйдәр Фәйзинең “Ак калфак”ында — Бакый, Илдар Юзеевның “Кыз казлары артыннан” әсәре буенча куелган спектакльдә — Малик, Гаяз Исхакыйның “Зөләйха”сында — Сәлимҗан, Шекспирның “Ромео белән Джульетта”сында Ромео һәм башка рольләрне чагу башкарып, тамашачы күңелен яулый актер.

Театрдан китеп, Идрис “Сәйяр” дигән үз эстрада театрын булдыра. “Сәйяр” тиз арада популярлык яулый һәм бүген дә уңышлы эшләвен дәвам итә.

Чыганаклар[үзгәртү | вики-текстны үзгәртү]

  1. Жители.инфо сайты