Изге Андрей

Wikipedia — ирекле энциклопедия проектыннан
Моңа күчү: навигация, эзләү
Апостол Андрей
Martyrdom of andrew.jpg
Туган телдә исем Беренче дәшелгән Андрей
Туган 6 ел (б.э.к)
Вифсаида
Үлгән 70(0070)
Патра
Үлем сәбәбе распятие[d]
Милләт яһүд
Һөнәре балыкчы, вәгазьче
Җефет
Commons-logo.svg Апостол Андрей Викиҗыентыкта

Апостол Андрей (Беренче дәшелгән Андрей, грек. Ανδρέας, лат. Andreas) — христианлыкта Гайсә Мәсихнең унике апостолының (шәкертенең) берсе, апостол Петрның бертуганы.

Инҗилләрдә[үзгәртү | вики-текстны үзгәртү]

Андрей хакында Маттай (10:2), Марк (3:18), Лүк (6:14) Инҗилләрендә һәм Апостолларның эшләре китабында (1:13) бирелгән апостол исемлекләрендә хәбәр итәләр.

Андрей, бертуганы Петр кебек үк, Вифсаида шәһәрендә туа һәм балыкчылык белән шөгыльләнә.

Андрей Гайсә чакыруына җавап биреп, дингә килгән беренче шәкерт була, шуңа күрә аны еш кына Беренче дәшелгән дип атыйлар.

Яхъя Инҗиле буенча, Андрей дингә Гайсәнең чукынуыннан соң килә. Ул, Гайсәнең биш мең кешене ашату могҗизасы алдыннан, балык һәм икмәкләр турында әңгәмә кора, соңрак, апостол Филипп белән бергә, Гайсә янына еллиннарны китерә.

Риваятьләрдә[үзгәртү | вики-текстны үзгәртү]

Беренче дәшелгән Андрей белән бик күп дини риваятьләр бәйле. Аның, христианлык өчен традицион җирләрдән тыш, Скифиядә һәм хәтта борынгы урыс җирләрендә дә дин таратуы турында легендалар таралган.

Апостол Андрейны Патра шәһәрендә, 70 еллар тирәсендә, кыек итеп куелган тәрегә асып үтерәләр. Ул үлгән урында хәзер Грециянең иң зур чиркәве, Беренче дәшелгән Андрей җәмигы урнашкан. Апостолны җәзалау өчен кулланылган кыек тәрене Андрей тәресе дип атыйлар.

Табыну[үзгәртү | вики-текстны үзгәртү]

Император Констанций II идарәсе чорында, 357 елның 3 мартында апостол Андрейның калдыкларын тантаналы рәвештә Патрадан Константинопольгә күчерәләр һәм Изге Апостоллар гыйбадәтханәсендә урнаштыралар.

Апостол Андрей Константинополь православ чиркәвенең нигезләүчесе һәм күктәге химаячесе дип санала.

Апостолның хәтер көне, юлиан тәкъвиме буенча, 30 ноябрьдә (13 декабрь) һәм 30 июньдә (13 июль) бәйрәм ителә.

Изге Андрей — Украина, Русия,Шотландия, Румыния, Греция, Сицилия, Амальфаның һәм балыкчылар, диңгезчеләрнең изге химаячысы.

Сылтамалар[үзгәртү | вики-текстны үзгәртү]