Илназ Заһитов
| Илназ Заһитов | |
|---|---|
 | |
| Туган | 30 апрель 1976 (47 яшь) Татар Әҗби, Актаныш районы, Татарстан АССР, РСФСР, СССР |
| Яшәгән урын | Ленин районы, Ижау[1] |
| Ватандашлыгы |  Россия |
| Һөнәре | алкалы һоккей уйнаучы |
| Балалар | Алинә Заһитова |
| Спорт такымы әгъзасы | Авангард, Ижсталь[d], Нефтяник һәм Нефтяник Лениногорск[d] |
Илназ Нәсыйх улы Заһитов (1976 елның 30 апреле, Татар Әҗби, Актаныш районы, Татарстан АССР, РСФСР, СССР) — СССР һәм РФ хоккейчысы (сакчы) һәм хоккей тренеры, Ижау «Ижстале»ның баш тренеры (2015—2016), Югары хоккей лигасының көмеш приз иясе (2016).
Фигуралы шуу буенча Олимпия чемпионы Алинә Заһитованың әтисе.
Биография[үзгәртү | вики-текстны үзгәртү]
Илназ Заһитов Актаныш районының Татар Әҗбие авылында туа[2]. Ижау шәһәренең 12 нче мәктәбе һәм «Ижсталь» Олимпия резервының махсуслаштырылган балалар-яшүсмерләр спорт мәктәбенең шәкерте.
Профессиональ карьерасын 1991/1992 сезонында 15 яшьтә башлый, ул Удмуртиянең төп командасында соңгы Совет Беренчелегендә дебют ясый, ярыш уйнату барышында СССР—БДБ Ачык чемпионаты була. Уналты яшендә ул, дубль белән билгеләнеп, үзенең беренче алкаларын кертә. Бу хәл 1992 елның 16 декабрендә «Ижсталь»ның ЦСК ВВС-Маяк клубына каршы күчмә матчында була.
«Ижсталь»ның команда сезоннары саны буенча рекорд хуҗасы (Роберт Харисов белән бергә). 2014/2015 елгы Чемпионат Илназ Заһитов өчен «сталеварлар» формасында унбишенче була.
Алдагы 14 сезон эчендә (1991/1992 — 1992/1993, 1995/1996 — 2001/2002, 2008/2009 — 2011/2012, 2013/2014) рәсми ярышларда «Ижсталь» байрагы астында 638 уен үткәрә, 209 (67+142) нәтиҗәле балл җыя[3].
Спорт карьерасын тәмамлангач, 2015 елда Ижауның «Ижсталь» командасын җитәкли. 2015/2016 сезонында команданы Югары хоккей лигасының (ЮХЛ) көмеш медальләренә китерә.
2016 елның 14 декабрендә клубның баш тренеры итеп Сергей Душкин билгеләнә, Заһитов тренер вазыйфасына күчерелә.
2019 елның июль аенда Казанның «Ак Барс» яшьләр командасының — «Ирбис»ның баш тренеры итеп билгеләнә[4]. 2020 елда «Ирбис»ның баш тренеры вазыйфасыннан китүе турында билгеле була[5].
Илназ Заһитовның ике кызы да фигуралы шуу белән профессиональ рәвештә шөгыльләнә. 2018 елның гыйнварында олы кызы Алинә хатын-кызлар арасында фигуралы шуу буенча Европа чемпионатында җиңү яулый, 2018 елның 12 февралендә команда ярышларында XXIII кышкы Олимпия уеннарының көмеш призёры була, ә 2018 елның 23 февралендә шәхси беренчелектә Олимпия чемпионы була. 2019 елның 21 мартында Алинә Япониядә фигуралы шуу буенча Дөнья чемпионатында җиңә[6].
Казанышлар[үзгәртү | вики-текстны үзгәртү]
- Югары хоккей лигасының көмеш призёры («Ижсталь», 2016)
Искәрмәләр[үзгәртү | вики-текстны үзгәртү]
Сылтамалар[үзгәртү | вики-текстны үзгәртү]
- Илназ Заһитов Elite Prospects сайтында