Илфат Миңнегалиев (2004)
 Илфат Миңнегалиев | |
|---|---|
 | |
| Туган телендәге исеме | Илфат Айрат улы Миңнегалиев |
| Туган | 7 октябрь 2004 (21 яшь) РФ, ТР, Азнакай районы, Азнакай |
| Милләт | татар |
| Ватандашлыгы |  РФ |
| Әлма-матер | Идел буе дәүләт физик культура, спорт һәм туризм университетын[1] |
| Һөнәре | көрәшче |
| Ата-ана |
|
| Бүләк һәм премияләре | Дөнья чемпионы РФ чемпионы ТР чемпионы  |
Илфат Миңнегалиев, Илфат Айрат улы Миңнегалиев (Ильфат Айратович Миннегалиев; 2004 елның 7 октябре, РФ, ТР, Азнакай районы, Азнакай) ― спортчы, көрәш буенча Россия җыелма командасы әгъзасы, милли көрәш буенча дүрт тапкыр дөнья һәм Россия чемпионы, билбаулы көрәш буенча Европа чемпионы, Дөнья кубогы җиңүчесе, Дөнья чемпионаты, Күчмә халыклар уеннары призёры [2], ике төрдә дә күп тапкырлар Татарстан чемпионаты һәм беренчелеге җиңүчесе. Көрәш буенча «Ел спортчысы – 2025»[3]. Беренче тренеры ― Айрат Ясир улы Миңнегалиев[4]. Россиянең спорт мастеры (2025)[5].
Тәрҗемәи хәле
[үзгәртү | вики-текстны үзгәртү]2004 елның 7 октябрендә[6] Азнакайда өч балалы гаиләдә туган. Апасы һәм энекәше бар. Тамырлары Чалпы[7] һәм Чубар Абдул авылларыннан. Азнакай шәһәренең 9нчы номерлы мәктәбендә укыган[8]. Идел буе дәүләт физик культура, спорт һәм туризм университеты (рус. Поволжский ГУФКСиТ) студенты [9].
Көрәш белән җиде яшьтән профессиональ рәвештә шөгыльләнә. Әтисе Айрат Ясир улы (Азнакай районы Чубар Абдул авылы тумасы [10]) ― көрәш буенча тренер, әлеге спорт төренең барлык үзенчәлекләренә төшендергән[11].
Татарстан Республикасы Азнакай муниципаль районы «Юбилейный» спорт мәктәбе өстәмә белем бирү муниципаль бюджет учреждениесе тәрбияләнүчесе[12].
Спорттагы уңышлары
[үзгәртү | вики-текстны үзгәртү]Спортчының Азнакайда беренче тренеры ― Айрат Ясир улы Миңнегалиев, Татарстан Республикасының физик культура һәм спорт отличнигы. [13], Казанда тренеры ― халыкара класслы спорт остасы Динар Кәримуллин. 18 яшькә хәтле туган ягы Азнакай өчен көрәшкән. Олылар сафына күчкәч, Лаеш районы өчен чыгыш ясый[14]
- 2018 ― 2002-2004 елгы яшүсмерләр арасында Татарстан Республикасының Беренче Президенты Кубогына көрәш буенча республика ярышлары (Актаныш авылында) ― 40 кг авырлык категориясендә 1нче урын[15]
- Милли көрәш буенча 4 тапкыр (2025 елга) дөнья чемпионы,
- илнең җыелма командасы составында Дөнья кубогы иясе,
- күп тапкыр Татарстан чемпионаты һәм беренчелеге җиңүчесе,
- 5нче дөньякүләм Күчмә Халыклар уеннарының өченче урын иясе,
- Сабан туйлары батыры,
- 2022 ― «Ел спортчысы» («Татарстанның спорт өметләре» / «Спортивные надежды Татарстана» номинациясендә)[16]
- 2022 ― 2004-2005 елгы спортчылар арасында «Татарстан яшьләре» газетасы призына көрәш буенча Республика беренчелеге (Казан, «Тулпар» спорт комплексы) – 55 килограмм авырлыкта чемпион[17]
- 2023 елда билбау көрәше буенча Европа һәм Россия чемпионы (60 кг га кадәр авырлык категориясендә) [18]
- 2024 ― 18-20 яшьлек яшүсмер кызлар һәм егетләр арасында билбау көрәше буенча Россия беренчелеге ― 1нче урын[19]
- 2024 ― 18-20 яшьлек яшүсмер кызлар һәм егетләр арасында билбау көрәше буенча дөнья беренчелеге – 3нче урын [19]
- 2024 ― ир-атлар һәм хатын-кызлар арасында билбау көрәше буенча дөнья чемпионаты (Казан) ― 3нче урын
- 2025 ― Россиянең спорт мастеры, шулай ук халыкара класслы спорт мастеры нормативын үтәгән[20]
- 2025 ― көрәш буенча Россия чемпионатында (Казанда «Ак Барс» көрәш сараенда) алтын медаль (60 кг га кадәр авырлык категориясендә). Дөнья чемпионатында (19-23 июнь, Казан) һәм көрәш буенча Дөнья Кубогында (5-7 июль, Мәскәү) катнашу өчен Россия җыелмасына кертелгән[21]
- 2025 ― Дөнья Кубогы (Уфада узган) иясе
- 2025 ― билбау көрәше буенча Дөнья кубогы (II Бөтендөнья милли көрәш төрләре уеннары кысаларында. Новочебоксарск) ― ике тапкыр Дөнья кубогы җиңүчесе (62 кг га кадәр авырлык категориясендә классик стильдә)[22][23]
- 2025 ― билбау көрәше буенча дөнья чемпионатында (Фөҗәйрә шәһәре, Берләшкән Гарәп Әмирлекләре) алтын медаль (62 кг га кадәр авырлык категориясендә)[24]
- 2025 – билбау көрәше буенча Россия Кубогы ― 60 кг авырлык категориясендә җиңүче (Красноярск өчен көрәшүче Артем Сагалаковны берничә секундта 5:0 исәбе белән откан)[25]
- 2026 ел ― каһарман-шагыйрь Муса Җәлил истәлегенә «Ватаным Татарстан» газетасы гамәлгә куйган көрәш турнирының (Чаллы шәһәренең Боз сараенда узган) 60 кг үлчәү авырлыгында 1нче урын[26].
- 2026 ― көрәш буенча Россия чемпионатының (Казанның «Ак Барс» көрәш сарае) 60 кг үлчәү авырлыгында җиңүчесе [27].
- 2026 ― Ташкентта узган ир-атлар арасында ачык халыкара турнирда татар көрәше кагыйдәләре буенча уздырылган көрәш нәтиҗәләре буенча үз үлчәү категориясендә җиңүче[28].
- 2026 ― көрәш буенча Дөнья чемпионаты (Миңгәр, Саба районы, Татарстан, Россия) ― 60 кг үлчәү авырлыгында җиңүче[29]
Искәрмәләр
[үзгәртү | вики-текстны үзгәртү]- ↑ https://e-academy.sportacadem.ru/student-portfolio/portfolio/с00023266?ysclid=mjo4rchod161808083
- ↑ Көрәш буенча дүрт тапкыр дөнья чемпионы Илфат Миңнегалиев Азнакайда тавыш бирде. Татар-информ, 14.09.2025
- ↑ Зөлфия Шәвәлиева. Татарстан көрәшчеләре узган елның иң яхшы спортчылары исемлегенә керде. Татар-информ, 16.12.2025
- ↑ Таңсылу Саниева. Көрәш буенча дүрт тапкыр дөнья чемпионы Илфат Миңнегалиев Азнакайда тавыш бирде. Татар-информ, 14.09.2025
- ↑ Приказ Министерства спорта РФ от 19.02.2025 г. № 30-нг(үле сылтама)
- ↑ Список кандидатов в спортивные сборные команды Республики Татарстан. minsport.tatarstan.ru, 2023
- ↑ Авылыбыз оныгы, көчле көрәшче егетебез. Чалпы Вконтакте, 25.01.2025
- ↑ Статистика игрока Миннегалиев Ильфат Айратович. Школьная волейбольная лига
- ↑ Портфолио студента «Миннегалиев Ильфат Айратович»(үле сылтама)
- ↑ Авылдашыбыз Айрат Ясир улы Миңнегалиев. Чубар Абдулово Вконтакте, 23.12.2022
- ↑ Илнар Камаев. Илфат Миңнегалиев: «Көрәшчеләр хәзер күбрәк техникага һәм динамикага омтылалар». Шәһри Казан, 19.01.2025
- ↑ Золото мирового масштаба! Наш чемпион. t.me/Official_Aznakay, 1.12.2025
- ↑ Миннегалиев Айрат Ясирович. МБУДО СШ «Юбилейный» АМР РТ
- ↑ Мария Шадрина. Ильфат Миннегалиев из Лаишевского района стал чемпионом России по корэш! «Камская новь», 28.04.2025
- ↑ Корэш. МБУДО СШ «Юбилейный» АМР РТ, 14.04.2018
- ↑ "Спортсменом года" в номинации «Спортивные надежды Татарстана» стал наш земляк, Ильфат Миннегалиев.(үле сылтама) Услышано в Азнакаево, 23.12.2022
- ↑ Таңсылу Саниева. Азнакай көрәшчесе Татарстан чемпионы исеменә лаек булды. «Маяк», 1.03.2022
- ↑ Определились победители и призеры чемпионата России по поясной борьбе корэш. Министерство спорта Республики Татарстан, 30.04.2023
- 1 2 Борьба на поясах 2024. edu.tatar.ru/aznakaevo
- ↑ Два азнакаевских борца стали чемпионами мира. Азнакаевский муниципальный район, 26.06.2023
- ↑ Ильфат Миннегалиев из Лаишевского района взял золото на Чемпионате России по корэш. Лаишевский муниципальный район Вконтакте, 29.04.2025
- ↑ Виктория Антонова. Борец из Азнакаево стал двукратным победителем Кубка мира. almetievsk-ru.ru, 12.10.2025
- ↑ Зөлфия Шәвәлиева. Илфат Миңнегалиев II Бөтендөнья милли көрәш төрләре уеннары җиңүчесе булды. Татар-информ, 12.10.2025
- ↑ Тансылу Саниева. Азнакаевский борец признан чемпионом мира по борьбе на поясах. Азнакаево, 1.12.2025
- ↑ Зөлфия Шәвәлиева. 2025 елның соңгы көрәш ярышында: «Көрәшеп калыгыз, икенче елга тәртипкә салабыз!». Интертат, 11.12.2025
- ↑ Зөлфия Шәвәлиева. Муса Җәлил истәлегенә багышланган көрәш турнирының 2026 елгы җиңүчеләре билгеле булды. Татар-информ, 14.02.2026
- ↑ Зөлфия Шәвәлиева. Россия чемпионатында тугыз Татарстан көрәшчесе чемпион исемен яулады. Интертат, 18.04.2026
- ↑ Үзбәкстанда Сабантуй бәйрәме кысаларында көрәш буенча турнир узды.Татар-информ, 31.05.2026
- ↑ Зөлфия Шәвәлиева. Татарстан көрәшчеләре дөнья чемпионатында 7 алтын медаль яулады. Интертат, 28.06.2026
Сылтамалар
[үзгәртү | вики-текстны үзгәртү]- Портфолио студента «Миннегалиев Ильфат Айратович»(үле сылтама)
- Лилия Йосыпова. «Көндәшләрем белән дустанә мөнәсәбәттә без» 2025 елның 27 март көнендә архивланган. «Ирек мәйданы», 2024