Илшат Таҗетдинов

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Илшат Таҗетдинов latin yazuında])
Навигациягә күчү Эзләүгә күчү
Илшат Таҗетдинов
Туган 20 май 1969(1969-05-20) (52 яшь)
Баймак районы, Башкорт Автономияле Совет Социалистик Республикасы, РСФСР, СССР
Әлма-матер Башкортстан Республикаcы Башлыгы каршындагы Башкортстан дәүләт хезмәте һәм идарә итү академиясе

 

Таҗетдинов Илшат Азамат улы (20 май 1969 ел) — галим-икътисадчы, дәүләт һәм югары мәктәп эшлеклесе. 2018 елның октябреннән Башкортстан Хөкүмәте Премьер-министрының урынбасары — Башкортстан Хөкүмәте Аппараты җитәкчесе вазифасын вакытлыча башкаручы[1]. Икътисад фәннәре докторы, доцент. Башкортстан Республикасының атказанган икътисадчысы. «Башкортстан Республикасында күрсәткән хезмәтләре өчен» ордены кавалеры (2019).

Биографиясе[үзгәртү | вики-текстны үзгәртү]

Илшат Азамат улы Таҗетдинов 1969 елның 20 маенда Баймак районы 2нче Эткол авылында туган. Туган авылында сигез классны тәмамлаганнан соң, Уфадагы Рәми Гарипов исемендәге интернат-мәктәбендә белем ала[2].

1987-1989 елларда Совет Армиясендә хезмәт итә.

Башкорт дәүләт университетының математика һәм икътисад факультетларын, Башкортстан Президенты каршындагы Башкортстан дәүләт хезмәте һәм идарә итү академиясен тәмамлый[2].

Илшат Азамат улы Таҗетдинов — икътисад фәннәре докторы[3], доцент, бюджет федерализмына багышланган хезмәтләр һәм мәкаләләр авторы[2].

Башкортстан Республикасының I класслы дәүләт киңәшчесе[2].

Хезмәт юлы

1993-1994 елларда — Башкорт дәүләт университетының икътисад факультеты, стажер-тикшеренүче;

1994-1997 елларда — Башкорт дәүләт университеты, аспирант;

1997-1998 елларда — Башкортстан Президенты каршындагы Башкортстан дәүләт хезмәте һәм идарә итү академиясенең фәнни-тикшеренү һәм мәгълүмати-аналитик үзәге, гыйльми хезмәткәр;

1998-2000 елларда — Башкортстан Президенты хакимиятенең Баш мәгълүмат-аналитик идарәсенең икътисад үсеше бүлеге, баш белгеч;

2001 елда — Башкортстан Республикасының Финанс министрлыгында социаль сфераны һәм фәнне финанслау бүлеге, бүлек начальнигы урынбасары ;

2001-2004 елларда — Башкортстан Республикасының Финанс министрлыгында мәгарифне, фәнне һәм мәдәниятне финанслау бүлеге, бүлек начальнигы ;

2004-2008 елларда — Башкортстан Президенты Хакимияте, Икътисад үсеше һәм социаль сәясәте идарәсе, идарә начальнигы;

2008-2010 елларда — Башкортстан буенча Федераль казначействосының идарәсе, Идарә начальнигы урынбасары;

2010 елда — Башкорт дәүләт университеты, икътисад һәм акча буенча беренче проректор[3].

2010 — хәзерге вакытка кадәр Башкортстан Хөкүмәте Премьер-министрының урынбасары — Башкортстан Хөкүмәте Аппараты җитәкчесе вазифасын вакытлыча башкаручы.

Мактаулы исемнәре һәм башка бүләкләре[үзгәртү | вики-текстны үзгәртү]

  • «Башкортстан Республикасында күрсәткән хезмәтләре өчен» ордены кавалеры (2019)[4].
  • Башкортстан Республикасының атказанган икътисадчысы[5].

Искәрмәләр[үзгәртү | вики-текстны үзгәртү]

Чыганаклар[үзгәртү | вики-текстны үзгәртү]