Ильяс Сәлахов
| Ильяс Сәлахов | |
|---|---|
 | |
| Туган телдә исем | Ильяс Рәхимҗан улы Сәлахов |
| Туган | 1 декабрь 1961 (62 яшь) СССР, РСФСР, ТАССР, Әлмәт районы, Түбән Абдул |
| Милләт | татар |
| Ватандашлыгы |  СССР → РФ |
| Һөнәре | педагог, ректор (директор) |
| Бүләк һәм премияләре |  |
Ильяс Сәлахов, Ильяс Рәхимҗан улы Сәлахов (1961 елның 1 декабре, СССР, РСФСР, ТАССР, Әлмәт районы, Түбән Абдул) — Татарстанның мәгариф һәм җәмәгать эшлеклесе, Әлмәт дәүләт муниципаль хезмәт институты ректоры (2009—2017), Волжск дәүләт су транспорты университетының Казан филиалы директоры (2017 елдан). Татарстанның атказанган укытучысы (2007), педагогика фәннәре кандидаты (2006). БТКның Әлмәт бүлеге җитәкчесе (2013—2017)[1]. Рафаил Төхфәтуллин премиясе лауреаты.
Тәрҗемәи хәле[үзгәртү | вики-текстны үзгәртү]
1961 елның 1 декабрендә Әлмәт районы Түбән Абдул авылында туган. Елховой урта мәктәбен, Алабуга дәүләт педагогия институтының (2011 елдан КФУның Алабуга институты) гомумтехник фәннәр факультетын (1990), Мәскәү дәүләт технология һәм идарә университетын (2005) тәмамлаган. 2005 елда Татар дәүләт гуманитар-педагогика университетында «Урта һөнәри уку йортлары студентларының базар мөнәсәбәтләренә социомәдәни җайлашуының педагогик технологияләре» темасына кандидатлык диссертациясе яклап (фәнни җитәкчесе Даутова Г. Җ.), педагогика фәннәре кандидаты гыйльми дәрәҗәсе ала[2][3]. 10 монография, 3 фәнни-методик хезмәт, 50дән артык мәкалә авторы. Берләшкән Милләтләр Оешмасының ассоциацияләнгән әгъзасы — Халыкара фәннәр академиясе академигы (2011 елдан).
Бердәм Россия исемлеге буенча Әлмәт шәһәр шурасы депутаты[4]
Хезмәт юлы[үзгәртү | вики-текстны үзгәртү]
1984-1985 елларда — Әлмәт районы Елховой урта мәктәбендә хәрби әзерлек укытучысы.
1990 елда Алабуга дәүләт педагогия институтының гомумтехник фәннәр факультетын тәмамлагач, Алабуганың 2нче урта мәктәбендә педагог-оештыручы, 1992 елда ачылган татар гимназиясе директоры булып эшли.
1998 елдан — Әлмәтнең 3нче урта мәктәбе директоры.
2003—2009 елларда — Әлмәт сәүдә-икътисад техникумы директоры.
2009—2017 елларда — Әлмәт дәүләт муниципаль хезмәт институтында ректор. Аның җитәкчелегендә Әлмәттә сәүдә-икътисад техникумы белән муниципаль институт берләшеп, Әлмәт дәүләт муниципаль хезмәт институты (рус. АГИМС) оештырыла, күпбаскычлы укыту системасы барлыкка килә. 2012 елда институтның гыйльми шурасы карары белән әдәби иҗат белән шөгыльләнүче студентларны бүләкләү өчен Клара Булатова исемендәге премия булдырыла. Вузда шулай ук Ризаэддин Фәхреддин мирасын фәнни өйрәнү лабораториясе оештырылган – әлеге юнәлештә ирешкән уңышлары өчен Әлмәт дәүләт муниципаль хезмәт институты Ризаэддин Фәхреддин исемендәге республика премиясенә лаек була.
Ильяс Сәлахов тәкъдиме белән Әлмәт районы Елховой урта мәктәбендә алдынгы укучыларны бүләкләү өчен Татарстанның атказанган мәдәният хезмәткәре, язучы, авылдашлары Әсгать Сәлах исемендәге премия булдырылган.
2017 елдан — «Волжск дәүләт су транспорты университеты» диңгез һәм елга транспорты федераль дәүләт университетының Казан филиалы директоры[5].
Бүләкләре, мактаулы исемнәре[үзгәртү | вики-текстны үзгәртү]
- 2006 — «Мәгарифтәге казанышлары өчен» күкрәк билгесе белән бүләкләнгән.
- 2007 — Татарстанның атказанган укытучысы
- Рафаил Төхфәтуллин премиясе
- 2016 — БТКның «Татар милләтенә күрсәткән олы хезмәтләр өчен» медале
- Халыкара мәгариф һәм педагогика фәннәре академиясенең К. Д. Ушинский исемендәге ордены[6]
Гаилә хәле[үзгәртү | вики-текстны үзгәртү]
Өйләнгән, балалары: ике кызы, улы.
Искәрмәләр[үзгәртү | вики-текстны үзгәртү]
- ↑ Әлмәт оешмасында яңа җитәкче. БТК сайты, 11.10.2013
- ↑ Салахов Ильяс Рахимзянович. Лучшие педагоги России(рус.)
- ↑ Салахов, Ильяс Рахимзянович — Педагогические технологии социокультурной адаптации. РГБ(рус.)
- ↑ Салахов Ильяс Рахимзянович.(үле сылтама) Найди своих депутатов(рус.)
- ↑ Сведения о руководстве Казанского филиала ФГБОУ ВО «Волжский государственный университет водного транспорта»(үле сылтама)
- ↑ Марина Юдкевич. Ректора заподозрили в воровстве. Вечерняя Казань, 24.09.2014(рус.)
Әдәбият[үзгәртү | вики-текстны үзгәртү]
- Рауза Гаррапова. Халкыбызның фидакарь улы. Мәгариф, 2016 ел, ноябрь, 104-105нче бит.
Сылтамалар[үзгәртү | вики-текстны үзгәртү]
- Руководство ГАОУ ВО АГИМС(рус.)
- Салахов Ильяс Рахимзянович. Деловой центр РТ — интернет-портал TatCenter.ru(рус.)
- Салахов Ильяс Рахимзянович. Татары без границ(рус.)
- Кабинетный капитан. 2021 елның 2 декабрь көнендә архивланган. shtab.navalny.com
Моны да карагыз[үзгәртү | вики-текстны үзгәртү]
| «Татарстан Республикасының Атказанган укытучысы» мактаулы исеме ияләре | |
|---|---|
| А | |
| Ә | |
| В | |
| Г | |
| З | |
| И | |
| К | |
| М | |
| С | |
| Т | |
| Ү | |
| Х | |
| Һ | |
| Ш | |
| Я | |
«Бөтендөнья татар конгрессы» иҗтимагый берләшмәләре халыкара Берлегенең  «Татар милләтенә күрсәткән олы хезмәтләр өчен» медале лауреатлары | ||
|---|---|---|
| билгесез | | |
| 2007 ел | ||
| 2012 ел | ||
| 2013 ел | ||
| 2014 ел | ||
| 2015 ел | ||
| 2016 ел | ||
| 2017 ел | ||
| 2018 ел | ||
| 2019 ел | ||
| 2020 ел | ||
| 2021 ел | ||
| 2022 ел | ||
| 2023 ел | ||
- 1 декабрь көнне туганнар
- 1961 елда туганнар
- Әлифба буенча шәхесләр
- Әлмәт районында туганнар
- «Татар милләтенә күрсәткән олы хезмәтләр өчен» медале лауреатлары
- Алабуга дәүләт педагогия институтын тәмамлаучылар
- Укытучылар
- Татарстанның атказанган укытучылары
- Ректорлар
- Педагогика фәннәре кандидатлары
- Вуз укытучылары
- «Мәгарифтәге казанышлары өчен» күкрәк билгесе белән бүләкләнүчеләр