Искәндәр Галимов (1950)

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Искәндәр Галимов (1950) latin yazuında])
Искәндәр Галимов
Туган телдә исем Искәндәр Галимҗан улы Галимов
Туган 6 июнь 1950(1950-06-06) (73 яшь)
Казан, РСФСР, СССР
Яшәгән урын Чехов урамы, Казан[1]
Әлма-матер Русия ЭЭМның идарә итү академиясе[d]
Катнашкан сугышлар/алышлар Икенче чечен сугышы
Гыйльми дәрәҗә: юридик фәннәр нәмзәте[d]
Википедиядә Галимов фамилияле башка кешеләр турында мәкаләләр дә бар.

Бу Татарстан Республикасы буенча эчке эшләр министры (1993-1998) турында мәкалә, Яр Чаллының Үзәк районы башлыгы турында биредә укыгыз.

Искәндәр Галимҗан улы Галимов (1950 елның 6 июне, Казан, РСФСР, СССР) — ССРБ һәм Россия хокук саклау органнары эшлеклесе, Россия эчке эшләр органнарының атказанган эшлеклесе (2008), Татарстан Республикасы буенча эчке эшләр министры (1993-1998), РФ ЭЭМ мәгълүмати-архив хезмәте башлыгы (2002-2005), РФ эчке эшләр министры ярдәмчесе (2005-2006), РФ ЭЭМ Җинаятьчеләрне эзләү департаменты башлыгы (2006-2010, 2006-2008 елларда в.б.).

Тормыш юлы[үзгәртү | вики-текстны үзгәртү]

Искәндәр Галимов 1950 елның 6 июнендә Казанда туа. 1967 елда Казан урта мәктәбен тәмамлый. 1967—1968 елларда Казан медик-инструменталь заводында токарь булып эшли. 1968—1970 елларда Совет Армиясе сафларында хезмәт итә. Демобилизациядән соң 1970—1971 елларда «Татсельхозмонтаж» трестында оператор булып эшли.

1971 елдан Эчке эшләр органнарында. 1973 елда ССРБ Эчке эшләр министрлыгының Алабуга махсус урта милиция мәктәбен тәмамлый. 1980 елда ССРБ ЭЭМ академиясен тәмамлый. 1998 елда «Оешкан җинаятьчелеккә каршы көрәш проблемалары: Татарстан Республикасы материаллары буенча» темасына юридик фәннәр кандидаты гыйльми дәрәҗәсенә диссертация яклый[2].

1973 елдан Казан шәһәре Мәскәү районы эчке эшләр бүлегенең җинаятьчеләрне эзләү инспекторы, 1976 елдан Казанның Бауман районы җинаятьчеләрне эзләү инспекторы. 1977—1982 — инспектор, аеруча мөһим эшләр буенча җинаятьчеләрне эзләү буенча өлкән инспекторы, Татарстан АССР Эчке эшләр министрлыгының авыр җинаять буенча җинаятьчеләрне эзләү бүлеге башлыгы.

1982—1984 елларда — җинаятьчеләрне эзләү бүлеге башлыгы — Яр Чаллы шәһәре Эчке эшләр идарәсе башлыгы урынбасары. 1984 елдан — Яр Чаллы шәһәре Эчке эшләр идарәсе башлыгы. 1988 елның маеннан — Казан шәһәре Эчке эшләр идарәсе башлыгы.

1993 елның июненнән 10 июненә кадәр — Татарстан Республикасы буенча Эчке эшләр министры.

Россия Федерациясе Президентының 1995 ел, Указы белән «милиция генерал-лейтенанты» дигән махсус исем бирелә.

1998 елдан 2002 елның маена кадәр — Россия Федерациясе Эчке эшләр министрлыгының үзәк аппаратында Россия Эчке эшләр министрлыгының икътисади җинаятьләргә каршы көрәш буенча Баш идарә башлыгы урынбасары. 2002 елның маеннан 2005 елның августына кадәр — Россия Эчке эшләр министрлыгының Баш мәгълүмат-архив хезмәте башлыгы[3]. 2005 елның августыннан — Россия Федерациясе Эчке эшләр министры ярдәмчесе. Күп тапкырлар катлаулы хәлдә булган төбәкләргә һәм Төньяк Кавказдагы хәрби хәрәкәтләр зонасына — Чечен Республикасына һәм Дагстан Республикасына озак вакытлы командировкаларга җибәрелә.

2006 елның июленнән 10 июленә кадәр — Россия Эчке эшләр министрлыгының Җинаятьчеләрне эзләү департаменты башлыгы вазыйфаларын башкаручы, 2008 елның 10 июленнән 31 августына кадәр — департамент башлыгы[4][5].

Россия Федерациясе Президентының 2009 елның 22 февралендәге Указы белән «милиция генерал-полковнигы» дигән махсус исем бирелә.

2013 елның октябреннән — Россия Эчке эшләр министрлыгының Мәскәү шәһәре буенча Баш идарәсе каршындагы Иҗтимагый совет әгъзасы[6].

Бүләкләр[үзгәртү | вики-текстны үзгәртү]

  • Батырлык Ордены;
  • Дуслык Ордены;
  • Почет Ордены;
  • «Җәмәгать тәртибен саклау буенча бик яхшы хезмәт күрсәткән өчен» медале
  • Россия Федерациясенең атказанган эчке эшләр органнары хезмәткәре (2008);
  • Исемле корал — Макаров пистолеты;
  • «Фидакарь хезмәт өчен» медале (2010)[7];
  • Самбо буенча ССРБның спорт остасы

Искәрмәләр[үзгәртү | вики-текстны үзгәртү]

  1. ↑ https://gitely.info/kazan
  2. ↑ По информации на сайте «Электронная библиотека диссертаций»
  3. ↑ «Время новостей», № 93, 28 мая 2002 г.
  4. ↑ Указ Президента Российской Федерации от 10.07.2008 г. № 1057 «О назначении на должность сотрудников органов внутренних дел Российской Федерации»
  5. ↑ Указ Президента Российской Федерации от 31.08.2010 г. № 1090 «Об освобождении от должности сотрудников органов внутренних дел Российской Федерации»
  6. ↑ Утвержден состав Общественного совета при ГУ МВД России по г. Москве/Интернет-портал ГУ МВД России по городу Москве, 31 октября 2013.. әлеге чыганактан 2017-02-02 архивланды. 2017-01-21 тикшерелгән.
  7. ↑ [Указ Президента Республики Татарстан от 4 июня 2010 года № УП-369 «О награждении медалью Республики Татарстан „За доблестный труд“»]

Сылтамалар[үзгәртү | вики-текстны үзгәртү]

Моны да карагыз[үзгәртү | вики-текстны үзгәртү]

Чыганак — https://tt.wikipedia.org/w/index.php?title=Искәндәр_Галимов_(1950)&oldid=4104601