Каймалы аучы

Каймалы аучы
Халыкара фәнни исем	Dolomedes fimbriatus Карл Александр Клерк, 1757
Таксономик ранг	төр
Югарырак таксон	Dolomedes[d]
Таксонның халык атамасы	Raft spider, Gerande oeverspin, lovčík vodní, rantahämähäkki, Stor rovedderkop һәм myredderkopp
Таксон синонимы	Dolomedes italicus[d]
Бүләкләр	spider of the year[d] (2020)
Каймалы аучы Викиҗыентыкта

Каймалы аучы (лат. Dolome­des fimbriatus) - күчмә аучылар гаиләлегеннән булган үрмәкүч. Русиянең барлык Европа өлешендә таралган. Татарстан территориясендә Лаеш, Яшел Үзән, Мамадыш районнарында күренә.

Тасвирлау

Ана доломедның озынлыгы - 13-18 мм, ата затныкы - 10-12 мм. Башкүкрәк һәм корсагы кызгылт көрән төстә, ян кырыйлары буйлап сары сызыклар сузылган, аяклары сары, кара төкчәле. Доломед, башка үрмәкүчләрдән аермалы буларак, ау ятьмәләре кормый, ә корбанын эзәрлекли. Суда һәм су янында яшәүче бөҗәкләр белән туклана. Су өстеннән яхшы йөгерә, йөзә һәм чума. Кайвакыт балык маймычларына, чукмарбашларга һөҗүм итә. Аталанулары язын була. 3-4 атнадан соң ана доломед әзерләнгән кузыга 500-600 йомырка сала. Нәсел барлыкка килгәнче, хелицерлары беләнтотып, ул аны барлык җирдә дә үзе белән йөртә яки яр буе үсемлекләренә асып куя һәм саклый. Яшь үрмәкүчләр җәй уртасында чыга. Агымсыз су буйларында, сазлык үсемлекләре арасында яши. Лишайниклы-мүкле, нарат җиләкле наратлыкларны, усаклык һәм су баса торган болыннарны үз итә.

ТРның Кызыл китабына кертелгән.

Чыганаклар

• ТР Фәннәр академиясенең Татар энциклопедиясе институты
• Татар энциклопедиясе. Казан, 2008. 2016 елның 4 март көнендә архивланган