Калып:Тарих/Шәп мәкалә
Алтын Урда (Жучи улусы) – 1240нчы елларда барлыкка килгән, Көнчыгыш Аурупа, Урал, Себер территорияларында урнашкан дәүләт.
Монгол империясы Чыңгыз хан тарафыннан дүрт өлешкә бүленә. Аларның көнчыгышта урнашканы иң олы улына, Жучи ханга бирелә. Әмма Жучи хан Чыңгыз ханнан 6 айга иртәрәк үлгәч, аның өлеше Чыңгыз ханның оныгы, Жучиның улы Батуга тия. Ләкин, Чыңгыз ханның васыятендә әйтелгәнчә, әлеге биләмә Жучи улусы дигән исемдә йөртелә бирә. Хәер, Жучи улусы дигән биләмә 1207 елдан ук гамәлдә була.