Камил Галимов (табиб)
| Камил Галимов | |
|---|---|
 | |
| Туган телдә исем | Камил Нуриман улы Галимов |
| Туган | 6 июнь 1962 (62 яшь) Башкортстан, Уфа |
| Ватандашлыгы |  ССРБ→ Россия |
| Һөнәре | табиб |
| Балалар | икәү: кызы Диана |
| Гыйльми дәрәҗә: | медицина фәннәре кандидаты[d] |
| Сайт | http://www.bonpet.ru/ |
Камил Галимов (Камил Нуриман улы Галимов) – табиб-хирург. Мәскәүдә ветеринария клиникасына нигез салучы. BONPET ЯАҖ (Мәскәү) генераль директоры. Медицина фәннәре кандидаты. Россия ветеринария хезмәткәрләре һөнәри берлеген оештыручыларның берсе.
Тәрҗемәи хәле
[үзгәртү | вики-текстны үзгәртү]
1962 елның 6 июнендә Уфада табиблар гаиләсендә туган. ВЛКСМ ның 15 еллыгы исемендәге дәүләт медицина институтын (1985), Мәскәүдә ЦОЛИУВта аспирантура (1992) тәмамлаган. Чит илдә (Утрехт, Һолландия) ветеринария буенча махсуслашу үткән. Уфада 10- санлы шәһәр клиникасында ординатура, Мәскәүдә ЦОЛИУВ микрохирургия кафедрасында (проф. В.С. Крылов җитәкчелегендә) клиник ординатура (1997) үтә. 1993 елда «Хроник вена җитенкерәмәве шартларында тирән веналарның клапаннарын микрохирургия юлы белән төзәтү» темасына кандидатлык диссертациясе яклый.
Хезмәт юлы
[үзгәртү | вики-текстны үзгәртү]- 1986 Уфада 10-санлы клиникада күз табибы-хирург.
- 1987-1989 Россия медицина фәннәре академиясенең хирургия фәнни үзәге (рус. РНЦХ РАМН) клиник ординаторы, аспирант.[1]
- 1989-1991 Мәскәүнең 71- санлы клиникасында табиб-хирург.
- 1991-1993 Мәскәүнең 56- санлы клиникасында табиб-хирург.
- 1993 елдан «Бон-Пет» ЯАҖ генераль директоры.
Хезмәттәге уңышлары
[үзгәртү | вики-текстны үзгәртү]Мәскәүдә беренчеләрдән булып ветеринария клиникасы оештыра. Клиникада 8 000 уңышлы операция уздыра. Малларны дәвалау тәҗрибәсенә микрохирургия һәм яңадан үстерү алымнарын кертеп җибәрә. Йорт хайваннарын дәвалауда эндохирургия алымнарын куллана башлый. 1994 елда микрохирургия техникасын кулланып, йорт хайваннарында аяк күчереп утыртуны (реплантация) уңышлы башкара. Патентлары, махсуслашкан матбугат чараларында фәнни мәкаләләре бар.
Камил Галимов: «Йорт хайваннары тотучыларның күпчелеге бик тәрбияле, тәртипле кешеләр булуга игътибар итәм. Мөгаен, кешеләргә “кече туганнар” белән аралашуның уңай йогынтысы бардыр. Шуңа күрә хайваннарны коткару, алар турында кайгырту кешеләргә яхшырак, йомшак күңелле булырга ярдәм итә, дип уйлыйм. Үземнең дә бу эшкә катнашым булу белән мин бәхетле».[2]
Мавыгулары
[үзгәртү | вики-текстны үзгәртү]Шигърият белән мавыга. «Салават уклары» (Стрелы Салавата) (2006) шигырьләр җыентыгы чыгарган.
Сылтамалар
[үзгәртү | вики-текстны үзгәртү]Искәрмәләр
[үзгәртү | вики-текстны үзгәртү]- ↑ Фәнни үзәк сайты, archived from the original on 2015-05-11, retrieved 2015-02-17
- ↑ Бон-Пет клиникасы рәсми сайтында