Колинда Грабар-Китарович

Колинда Грабар-Китарович
Колинда Грабар-Китарович
Хорватия президенты
	Вазыйфада; 19 февраль 2015 – 18 февраль 2020
Аңа кадәр	Иво Йосипович
Дәвамчысы	Зоран Миланович
Хорватиянең тышкы эшләр һәм Европа интеграциясе министры
	Вазыйфада; 2005 елның 17 феврале – 2008 елның 12 гыйнвары
Шәхси мәгълүмат
Туган	29 апрель 1968 (56 яшь); ЮСФҖ, Хорватия СҖ, Риека
Сәяси фирка	HDZ
Җефет	Яков Китарович[d]
Белем	Загреб университеты,; Вена дипломатик академиясе

Колинда Грабар-Китарович (хорв. Kolinda Grabar-Kitarović, 1968 елның 29 апреле, ЮСФҖ, Хорватия СҖ, Риека) — Хорватия сәясәтчесе, 2005—2008 елларда Хорватиянең тышкы эшләр һәм Европа интеграциясе министры. 2015 елның 19 февраленнән Хорватия Республикасы президенты (хорв. Predsjednica Republike Hrvatske).

Тәрҗемәи хәле

1968 елның 29 апрелендә Югославиянең Хорватия социалистик республикасы Риека шәһәрендә туган. АКШта инглиз телен өйрәнгән. Загреб университетының сәяси фәннәр факультетында халыкара мөнәсәбәтләр өлкәсендә магистр дәрәҗәсе ала. Инглиз, испан, португал телләрен камил белә.

1992 елда сәяси карьерасы башлана: башта Хорватия фән һәм технология министрлыгының халыкара хезмәттәшлек департаментында, соңрак Хорватия тышкы эшләр министрлыгында киңәшче.

1995 елдан Хорватия тышкы эшләр министрлыгының Төньяк Америка департаменты башлыгы.

1997—2000 елларда Хорватиянең Канададагы илчесенең урынбасары.

2003 елның ноябрендә Хорватия парламентына сайлана.

2003 елның декабрендә Хорватиянең Европа интеграциясе министры.

2005 елның февраленнән Хорватия тышкы эшләр министры. Төп бурычы — илне Европа Берлегенә һәм НАТОга якынайту.

2008—2011 елларда Хорватиянең Канададагы илчесе.

2011 елның 4 июленнән БМО Генераль сәркатибенең гаммәви дипломатия эшләре буенча урынбасары.

2014—2015 елларда узган Хорватия президентын сайлауларның икенче турында илнең гамәлдәге президенты Иво Йосиповичны (хорв. Ivo Josipović), 1 % тан артыграк (50,74 % : 49,26 %) тавыш җыеп, җиңә^[1].

2015 елның 19 февраленнән президент вазифаларына керешә. Хорватия тарихында беренче хатын-кыз президент.

Бүләкләре, мактаулы исемнәре

Король Томислав ордены
Король Петар Крешимир IV ордены
Король Дмитар Звонимир ордены
Кенәз Трпимир ордены
Кенәз Бранимир ордены
Кенәз Домагой ордены
Никола Шубич Зрински ордены
Бан Елачич ордены
Анте Старчевич ордены
Хорватиянең Таң йолдызы ордены
Хорват хачы ордены
Хорват өчяфрагы ордены
Хорват үрүе ордены

Гаиләсе

Ире (1996 елдан) — Яков Китарович. Кызлары Катарина (2001), уллары Лука (2003).

Искәрмәләр

↑ Кандидат от оппозиции победила действующего президента Хорватии. lenta.ru, 12.01.2015

Сылтамалар

Predsjednica Republike Hrvatske 2018 елның 22 апрель көнендә архивланган.
Grabar-Kitarovic: Croatia's first female president. 2018 елның 28 июль көнендә архивланган. yahoo.com, 12.01.2015

[1] Кандидат от оппозиции победила действующего президента Хорватии. lenta.ru, 12.01.2015

[1]