Коллоид химия

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Коллоид химия latin yazuında])
Навигациягә күчү Эзләүгә күчү

Коллоид химия, коллоидлар химиясе — дисперс системаларның һәм аларның өслек күренешләренең физик химиясен өйрәнүче фән.

Дисперс системаларның барлыкка килү һәм таркалу процессларын һәм шулай ук аларның башлыча фазалар бүленеше чигендә урнашкан өслектәге күренешләре белән бәйле характерлы үзенчәлекләрен тикшерә.

«Коллоид химия» термины шуның белән бәйле: традиция буенча коллоидлар дип югарырак дисперслы системаларны (коллоид системаларны) атаганнар. Коллоид химия — физик химиянең аерым бүлеге (тикшеренүләрнең физик ысулларын кулланып, химик күренешләрнең гомуми закончалыкларын өйрәнүче фән). Коллоид химия биология, медицина, ветеринария һ.б. табигать фәннәре белән тыгыз бәйләнгән. Тере организмнар, нигездә, югары молекуляр кушылмалардан торучы катлаулы югары дисперслы системалардан гыйбарәт. Шунлыктан организмда процессларның нормаль һәм патологик барышы күп яктан Коллоид химия законнары белән билгеләнә. Коллоид химия ысуллары — диализ, электродиализ, ультрафильтрлау, коагуляция, электрофорез, абсорбция, хромотография һ.б. биологик тикшеренүләр вакытында (ферментларны, токсиннарны, антибиотикларны һ.б.ны чистарту, хайван мембраналарының үткәрүчәнлеген тикшерү, канны, аксымнарны һ.б.ны тикшерү) киң кулланалар.

Чыганаклар[үзгәртү | вики-текстны үзгәртү]

  • Ветеринарная медицина:Русско-татарский энциклопедический словарь / Авт.-сост.: В39 Ф.Набиев, Ф.Кабиров, Г.3.Идрисов, М.X.Харисов; Под общ. ред. Ф.Г.Набиева.— Казань: Магариф, 2010.— 495 с.