Контроль эш

Контроль эш

Вена университетында укучы студентлар контроль эш башкара

Контроль эш — белем, күнекмәләр, сәләтләр яки физик мөмкинлекләр дәрәҗәсе үлчәнә торган эш. Ул белем бирү эшчәнлегенең нәтиҗәлелеген билгеләү чарасы буларак кулланыла.

Контроль эш телдән, кәгазьдә, компьютерда, контрольдә тотылган мохиттә (мәсәлән, кайбер физик тестлар) яки ачык мохиттә (мәсәлән, машина йөртү имтиханы) билгеле бер вакыт эчендә, күзәтчелек астында үткәрелергә мөмкин. Берничә сораудан, күнегүләрдән яки биремнәрдән торырга мөмкин.

Тестларның катлаулылыгы төрлечә булырга мөмкин — теләсә нинди материаллар тыелырга мөмкин, яисә сорауларга җавап бирү өчен бер яки берничә өстәмә корал, мәсәлән, белешмәлек (чит телләрдәге контроль эшләр өчен сүзлек рөхсәт ителергә мөмкин) яки калькулятор кулланылырга мөмкин.

Нәтиҗәләр

Шпаргалка

Имтиханнар, гадәттә, уку йортына һәм илгә карап, 0 дән 10 га кадәр, 1 дән 12 гә кадәр, яки L дан А га кадәр рейтингка ия.

Англия һәм АКШта бәяләүләр A дан F га кадәр була, анда A, B һәм C уңай бәяләүләр, ә D, E һәм F канәгатьләнерлек түгел бәяләүне аңлата. Рәсәйдә биш баллы бәяләү системасы бар, анда «5» — «бик яхшы», «4» — «яхшы», «3» — «канәгатьләнерлек» (канәгатьләнерлек билгеләр), «2» — «канәгатьләнерлек түгел». Элегрәк Рәсәй мәгариф системасында «1» (уңышсыз) билгесе куела иде, ләкин хәзерге вакытта бу билге сирәк кулланыла һәм күпчелек Рәсәй мәктәпләрендә куелмый («уңышсыз» билгесе кулланылганда, гадәттә шпаргалкалар һәм башка рөхсәтсез материаллар кулланган яки эш тәртибен бозган укучыларга куела), гәрчә бик сирәк очракларда хәтта «0» билгесе дә кулланыла (гадәттә, сәбәпсез имтиханга килмәгән өчен куела).

Контроль эш төрләре

Тикшеренүче Д.Салинас: «Контроль эш — белемне бәяләүнең иң традицион ысулы, ул берничә гомуми үзенчәлекне күздә тота», — дип саный (2002):

• шәхси башкару;
• чикләнгән вакыт;
• белешмә материалларны куллана алмау;
• алдауны тыю;
• тынлыкта башкарылу.

Контроль эшләрнед төрле төрләре бар:

• ачык сораулар белән;
• ябык сораулар белән;
• җавапларны сайлау мөмкинлеге белән;
• телдән үтәлә торган.

Сылтамалар

• Uzbekistán suspende el servicio de móvil para evitar trampas en los exámenes.
• Esther García (2009). «Metaevaluación». En Román Reyes (Dir): Diccionario Crítico de Ciencias Sociales. Terminología Científico-Social, Tomo 1/2/3/4, Ed. Plaza y Valdés, Madrid-México 2009. Consultado el 8 de mayo de 2017.
• MURILLO Pacheco, José Luis (2017). «Principios y propiedades de la evaluación». En José Murillo Pacheco. Sembrando conocimiento. La Paz, Bolivia: Catacora, La Paz, Bolivia. p. 17-20. ISBN 978-99974-75-12-1.
• Airasian, P. (1994) "Classroom Assessment, « Second Edition, NY» McGraw-Hill.
• Cangelosi, J. (199) «Designing Tests for Evaluating Student Achievement.» NY: Addison-WeslHow to make achievement tests and assessments, " 5th edition, NY: Allyn and Bacon.
• Haladyna, T.M. & Downing, S.M. (1989) Validity of a Taxonomy of Multiple-Choice Item-Writing Rules. "Applied Measurement in Education, " 2(1), 51-78.