Лев Шәрифуллин

Лев Шәрифуллин
Туган телендәге исеме	Лев Равил улы Шәрифуллин
Туган	2 февраль 1930(1930-02-02) СССР, РСФСР, ТАССР, Минзәлә кантоны, Мөслим
Үлгән	14 декабрь 1988(1988-12-14) (58 яшь) СССР, РСФСР, ТАССР, Казан
Милләт	татар
Ватандашлыгы	СССР
Әлма-матер	Казан дәүләт аграр университеты
Һөнәре	агроном, проректор
Бүләк һәм премияләре	Мари АССР Дәүләт премиясе[d]

Лев Шәрифуллин, Лев Равил улы Шәрифуллин (Лев Равилович Шарифуллин, 1930 елның 2 феврале, СССР, РСФСР, ТАССР, Минзәлә кантоны, Мөслим — 1988 елның 14 декабре, СССР, РСФСР, ТАССР, Казан) — агроном, авыл хуҗалыгы фәннәре докторы (1983), профессор (1987), Мари АССР Фәннәр академиясенең мөхбир әгъзасы. Мари АССР дәүләт бүләге иясе (1988). 1965—1968 елларда КПССның Әлки район комитеты 1нче секретаре.

Тәрҗемәи хәле

1930 елның 2 февралендә Татарстан АССР Минзәлә кантоны (1930 елның 10 августыннан Мөслим районы) Мөслим авылында туган.

Урта мәктәпне, М. Горький исемендәге Казан авыл хуҗалыгы институтын гел «бишле»гә тәмамлаган (1953).

Хезмәт юлы

1944 елдан — ТАССРның Мөслим районы Ольгино авылы күмәк хуҗалыгының тракторчы-комбайнчысы.

1953—1957 елларда — Бөгелмә районы Соколка МТСы баш агрономы.

1957 елдан — Бөгелмә районы «Соколка» совхозы директоры.

1960 елдан — Балык Бистәсе районы башкарма комитеты рәисе.

1962—1965 елларда — Арчада территориаль колхозлар-совхозлар идарәсендә җитәкче.

1965—1968 елларда — КПССның Әлки район комитеты 1нче секретаре.

1968—1985 елларда — Татарстан авыл хуҗалыгы фәнни-тикшеренү институтында (сугарулы азык җитештерү һәм уңышны программалаштыру мәсьәләләре белән шөгыльләнгән).

1986 елның гыйнварыннан 1988 елның декабренә кадәр — Йошкар-Оладагы Мари дәүләт университетының фән буенча проректоры һәм үсемлекчелек кафедрасы мөдире

КПССның XXII съезды^[d] делегаты (1961). 1963—1967 елларда ТАССР Югары Советы депутаты.

Фәнни эшчәнлеге

1967 елда — авыл хуҗалыгы фәннәре кандидаты, 1983 елда — «Татарстан АССРда (Идел буе урман-дала зонасы) көзге арыштан югары уңыш алуның фәнни нигезләре һәм алымнары» (рус. «Научные основы и приёмы получения высоких урожаев озимой ржи в Татарской АССР (зона лесостепи Поволжья)») темасына авыл хуҗалыгы фәннәре докторы дигән гыйльми дәрәҗәләргә диссертацияләр яклаган. Хезмәтләре агротехника^[d], авыл хуҗалыгы культуралары уңышын программалаштыру, сугарулы җир эшкәртү^[d] технологияләренә багышланган. 191 фәнни хезмәт, 10 китап авторы. Мари АССР Фәннәр академиясенең мөхбир әгъзасы.

Кайбер китаплары

• «Программалаштырылган уңыш факторлары» («Факторы запрограммированных урожаев»; автордаш, 1974);
• «Сугарулы кыр көче» («Сила орошаемого поля»; 1977);
• «Көзге арыш («Озимая рожь»; автордаш, 1981);
• «Көзге арыш үстерүнең интенсив технологиясе» («Интенсивная технология возделывания озимой ржи»; автордаш, 1989)

Вафаты

1988 елның 14 декабрендә Казан шәһәрендә вафат. Шәмсир зиратында җирләнгән.

Бүләкләре, мактаулы исемнәре

• 1966 — Хезмәт Кызыл Байрагы ордены
• 1987 – Мари АССР Дәүләт премиясе^[d]
• медальләр

Әдәбият

• Шәрифуллин Лев Равил улы / Мөслим — безнең йөрәкләрдә (китапны төзүче Мөҗәһит Әхмәтҗанов). Казан: «Ихлас», 2018. — Б.175. ISBN 978-5-907039-08-7

Сылтамалар

• Шарифуллин Лев Равилович. Татарская энциклопедия TATARICA
• Шарифуллин Лев Равилович.(үле сылтама) Слава-Дан Республики Татарстан(рус.)
• Шарифуллин Лев Равильевич. Виртуальный музей Великой Отечественной войны Республики Татарстан(рус.)