Леонид Кузнецов (1927)

Леонид Кузнецов
Туган	5 март 1927(1927-03-05) Омск, Себер крае, РСФСР, СССР
Үлгән	16 март 2006(2006-03-16) (79 яшь) Ростов-на-Дону, Россия
Ватандашлыгы	СССР  Россия
Әлма-матер	И. Е. Репин исемендәге Санкт-Петербург сынлы сәнгать, скульптура һәм архитектура институты[d]
Һөнәре	мигъмар
Эш бирүче	Көньяк федераль университеты[d]

Леонид Владимирович Кузнецов (1927 елның 5 марты, Омск, Себер крае, ССРБ — 2006 елның 16 марты, Ростов-на-Дону, Россия) — совет архитекторы, Ростов-на-Дону шәһәр архитекторы. РСФСР атказанган архитекторы, Ростов дәүләт архитектура һәм сәнгать академиясенең шәһәр төзелеше кафедрасы профессоры, Архитекторлар берлегенең төбәк бүлеге әгъзасы.

Тормыш юлы

Леонид Кузнецов 1927 елның 5 мартында Омскта туган. 1930 еллар уртасында әтисе репрессияләнә.

1943 елда Леонид Ростов һөнәр училищесына укырга керә, бер үк вакытта кичке мәктәптә укый. Укуны тәмамлангач, әвәләүче-модельщик белгечлеген ала һәм 1953 елның октябрендә ССРБ Сәнгать академиясенең Рәсем сәнгате, скульптура һәм архитектура институтына укырга керә. 1959 елда архитектура факультетын тәмамлап, Кузнецов Ростов-на-Донуга кайта, анда ССРБ көньягындагы иң эре проект институтларында — «Обпроект», «Ростовгипрошахт», «Ростовгражданпроект» әшли. 1960—1970 елларда ул Ростов өлкәсе — Новочеркасск, Красный Сулин, Матвеев Курган, Зерноград, Яңа Шахтинск, Чертково һәм башка шәһәрләрне һәм бистәләрне планлаштыру белән шөгыльләнә.

1968 елда «Ростовгражданпроект» институты архитекторы Норальд Нерсесьянц белән бергә Ростов-на-Дону генераль планын эшли, ул 1971 елда раслана. Бу проект 25-30 ел дәвамында шәһәр халкының санын миллион кешегә кадәр арттыруны күздә тоткан һәм аның төньяк һәм көнбатыш юнәлешендә үсешенең төп этапларын билгеләгән. Ростов-на-Дону үсешенең ахыргы варианты 1976 елда Леонид Кузнецов тарафыннан архитекторлар Норальд Нерсесьянц һәм Юрий Трухачёв белән берлектә башкарылган.

Леонид Кузнецов өчен мөһим темаларның берсе — хәрби мемориаль һәйкәлләр булдыру. 1960 елларда ул РСФСРның Сәнгать фонды белән хезмәттәшлек итә һәм Ростов өлкәсе өчен һәлак булган совет сугышчыларына уннан артык һәйкәл проектын, аерым алганда, Каменск-Шахтинскийдагы мемориаль комплекс һәм Ростове-на-Донудагы Комсомол мәйданы композициясен эшли, анда 1941—1943 елларда шәһәрне саклаган һәлак булган комсомолларга стела төзелә.

1980 еллар уртасында Ростове-на-Донуда Архитектура институты төзелә, соңрак Ростов архитектура һәм сәнгать академиясенә (хәзер — Көньяк федераль университет составында) үзгәртеп корыла. Леонид Кузнецов бу вузларда укыта, ә соңгы елларда шәһәр төзелеше кафедрасында профессор вазыйфасын башкара.

2006 елның 16 мартында вафат була.

• 
  Ростов-на-Донуның Комсомол мәйданында стела
• 
  Каменск-Шахтинскийда мемориаль комплекс

Сылтамалар

• Леонид Владимирович Кузнецов(үле сылтама)
• Новочеркасские ведомости | Бедный всадник