Лидия Мухаринская

Лидия Мухаринская
Лидия Мухаринская
Туган	27 март 1906; Тбилиси, Россия империясе
Үлгән	1987; Минск, Беларус Совет Социалистик Республикасы, СССР
Күмү урыны	Төньяк зират[d]
Ватандашлыгы	Гөрҗистан
Әлма-матер	Мәскәү дәүләт консерваториясе
Һөнәре	музыка белгече, фольклорчы
Эш бирүче	Беларус дәүләт музыка академиясе[d]
Гыйльми дәрәҗә:	сәнгать белеме нәмзәте[d]

Википедиядә Мухаринская фамилияле башка кешеләр турында мәкаләләр дә бар.

Лидия Мухаринская ( 27.03.1906, Тифлис, Грузия - 24.05.1987, Минск, Беларусия) - этномузыка белгече, тарихчысы, укытучы, публицист. Беларусия ССРының атказанган артисты (1974). Сәнгать фәннәре кандидаты (1968). Доцент (1969). БССР Композиторлар Союзы әгъзасы.

Биография[үзгәртү | вики-текстны үзгәртү]

Лидия Сауловна Мухаринская 1906 елның 14 мартында (яңа стиль буенча 27 март) Тифлистә туган.

Бик иртә әтисен, аннары әнисен дә югалта. Мәскәүдә апалары белән яши. 1937 елда, Лидия консерваториядә укыганда, аның ике апасы кулга алына һәм 10 елга иректән мәхрүм ителә.

Лидия Мухаринская А.К. Глазунов исемендәге музыка көллиятендә белем ала.

1932 елда Мәскәү дәүләт консерваториясенең тарихи-теоретик факультетына укырга керә (А.А. Хохловкина сыйныфы).

1939 елда Римский-Корсаков исемендәге Мәскәү дәүләт консерваториясен тәмамлый. А.В.Луначарский исемендәге Белорус дәүләт консерваториясенә эшкә җибәрелә.

1941 елның 22 июнендә Мәскәүгә командировкага килә, Л.А. Мазель кафедрасында чыгыш ясый.

Минсктига кире кайта алмый, шәфкать туташлары консерваториясенә языла. Аны тәмамлангач, 1941 елның сентябрендә аны 324 нче укчылар дивизиясенең медсанбатына җибәрәләр, һәм ул Көнигсбергка кадәр барып җитә. Сугышны Ерак Көнчыгышта тәмамлый.

1945-1946 елларда Мәскәүнең Ленинград районы музыка училищесында укытучы булып эшли, 1947 елда Горький консерваториясендә (хәзерге М. И. Глинка исемендәге Түбән Новгород дәүләт консерваториясе), 1947-1948 елларда кабат Мәскәүдә Мәскәү консерваториясе каршындагы музыка мәктәбендә укыта.

1948 елда Беларусиягә кайта һәм гомеренең ахырына кадәр Беларус дәүләт консерваториясендә һәм Беларусия ССР композиторлар берлегендә укытучылык, фәнни һәм публицистик эшчәнлек белән шөгыльләнә.

1968 елд Мәскәү консерваториясендә «Современная белорусская народная песня (Белорусское народное песнетворчество советской эпохи): Историческое развитие. Интонационный склад» темасына кандидатлык диссертациясен яклый.

1969 елдан - Беларусия консерваториясенең доценты.

Озак еллар Дмитрий Шостакович белән элемтәдә тора, яшь чактан гомеренең соңгы елларына кадәр пианист Мария Гринберг белән дус була^[1].

II дәрәҗә Ватан сугышы ордены һәм медальләр белән бүләкләнә.

1987 елның 24 маенда Минскида үлә. ^[2]

Россия Дәүләт әдәбият һәм сәнгать архивында Л.С.Мухаринская белән бәйле документлар бар. ^[3]

Чыганаклар[үзгәртү | вики-текстны үзгәртү]

- Мухаринская Лидия Сауловна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 443. — 737 с.
- Юдзеніч Н. Л. Мухарынская // Беларуская музыка. Мiнск, 1977. Вып. 2.(белор.)

Искәрмәләр[үзгәртү | вики-текстны үзгәртү]

↑ Лидия Сауловна Мухаринская (1906—1987)
↑ МУХАРИНСКАЯ Лидия Сауловна, archived from the original on 2022-02-04, retrieved 2022-02-04
↑ Мухаринская Лидия Сауловна(үле сылтама)

Сылтамалар[үзгәртү | вики-текстны үзгәртү]

- Мухаринская Лидия Сауловна
- Лидия Сауловна Мухаринская (1906—1987)
- Друг и учитель всей семьи(үле сылтама)
- Фольклористка Лидия Мухаринская в воспоминаниях учеников и друзей
- [intoclassics.net/publ/5-1-0-245 Лидия Сауловна Мухаринская. В ПОИСКАХ СОВРЕМЕННОГО ОБРАЗА]

[1] Лидия Сауловна Мухаринская (1906—1987)

[2] МУХАРИНСКАЯ Лидия Сауловна, archived from the original on 2022-02-04, retrieved 2022-02-04

[3] Мухаринская Лидия Сауловна(үле сылтама)

[1]

[2]

[3]