Марс Рәмиев

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Марс Рәмиев latin yazuında])
Навигациягә күчү Эзләүгә күчү
Җенес ир-ат
Туу датасы 26 май 1936(1936-05-26)
Туу урыны Ташугыз, Төрекмән Сәвит Сатсиялислар Җөмһүрияте, СССР
Үлем датасы 19 август 2003(2003-08-19) (67 яшь)
Сәяси фирка әгъзасы Советлар Берлеге коммунистик фиркасе
Бүләкләр
Хезмәт Кызыл Байрак ордены

Марс Камил улы Рәмиев — ССРБ хуҗалык, дәүләт һәм сәяси эшлеклесе.

Биографиясе[үзгәртү | вики-текстны үзгәртү]

Марс Камил улы Рәмиев 1936 елның 26 маенда Төрекмән ССРның Ташкавыз шәһәрендә туган. КПСС әгъзасы.

1954 елдан — хуҗалык, иҗтимагый һәм сәяси эштә.

Хезмәт эшчәнлеген 1954 елда Ташауз шәһәрендә яшь техниклар станциясенең авиамодель эше буенча инспектор булып башлый[1].

1955 елда Казан авиация институтына укырга керә, аны тәмамлаганнан соң, 1961 елда Казан вертолет заводына җибәрелә, анда остадан башлап агрегат-җыю цехы начальнигына кадәр юл үтә.

Яхшы техник белемнәре һәм җитештерү тәҗрибәсе булган оста оештыручы буларак, М.К.Рәмиев 1969 елда Казан вертолет заводы парткомы секретаре итеп, ә 1971 елда КПССның Киров райкомының беренче секретаре итеп сайлана.

1978-1979 елларда М.К.Рәмиев — КПССның Бөгелмә шәһәр комитеты беренче секретаре, 1979-1983 елларда - КПССның Казан шәһәр комитеты беренче секретаре.

1983 елдан М.К. Рәмиев хуҗалык эшләрендә була: ТАССРның ягулык сәнәгате министры булып эшли, аннары 1994 елга кадәр - Татар территориаль урман ягулыгы җитештерү берләшмәсенең генераль директоры.

М.К.Рәмиев зур иҗтимагый эш алып бара: 8-9 чакырылыш Югары Советы депутаты, Казан шәһәр Советы депутаты итеп сайлана. 10 нчы чакырылыш РСФСР Югары Советы депутаты булып сайлана.

Аның хезмәт казанышлары югары дәүләт бүләкләре — өч Кызыл Байрак Хезмәт ордены һәм медаль белән билгеләп үтелә[2].

2003 елда Казанда вафат була.

Искәрмәләр[үзгәртү | вики-текстны үзгәртү]

Сылтамалар[үзгәртү | вики-текстны үзгәртү]