Henrix IV

Henrix IV frantsuzça Henri IV (III) baskça Henrike IV (III)
Henrix IV
Bayraq Frantsiä patşası 1589-1610
aña qädär:	Henrix III
däwamçısı:	Lüdovik XIII
Bayraq Navarra patşası 1572-1610
Tuu:	13 dekäber 1553(1553-12-13)
Ülem:	14 may 1610(1610-05-14) (56 yäş)
Dinastiä:	Burbon
Äti:	Antuan de Burbon
Äni:	Janna d'Albre
Xatını:	1.Margarita Valua, 2. Mariä Mediçi

Henrix IV Böyek yäki Añri IV (Henrix Navarradan, Henrix Burbon, frantsuzça Henri IV, Henri le Grand, Henri de Navarre; 1553-1610, Parij) - Frantsiä Dini suğışlarında hugenotlar citäkçese, Navarra patşası 1572 yıldan (Henrix III bularaq), Frantsiä patşası 1589 yıldan (räsmi - 1594 yıldan), Burbonnar frantsuz patşalar näselenä nigez saluçı.

Henrix IV häykäle, Parij, Yaña küper

Tormış yulı

Henrix IV Navarradan

1553 yılda däw äti Henrix d'Albre kirmänendä, Po şähärendä dönyağa kilä. Änise Janna d'Albre anı protestant ruxına tärbiyäli.

1561 yılda Henrixnıñ ätise Antuan de Burbon ulın patşalar sarayına, Parijqa alıp kilä. Henrix şahzadälär belän üsep tora.

Henrix häm "patşabikä Margo" (Margarita Valua)

Berençe Dini suğıştan soñ Henrix solıxnı saqlar öçen patşalar sarayında qalğan.

1567 yılda Bearn şähärenä qayta.

1568 yılda protestant admiral Gaspar de Kolinyi citäkçelegendä öçençe dini suğışta qatnaşa.

1572 yılda änise Janna d'Albre ülgännän soñ, Henrix II iseme astında Navarra täxetenä utıra.

1572 yılda Yekaterina Mediçi taläbe buyınça Karl IX señlese Margarita Valua ğa öylänä. Şuşı öyläneşü protestantlar katoliklar belän tatulaştırır öçen ütkärelgän.

24 avgustta Varfolomey tönendä Henrixnıñ tarafdarları - protestantlar Parijda üterelä.

Varfolomey tönendäge suyışta isän qalğan Henrix berniçä tapqır din alıştıra, 1594 yılda "Parij messağa layıq bula" dip äytkäç, katoliklıqnı qabul itä. 1495 yılda Rim papası annan çirkäwdän quunı töşerä.

1598 yılda Henrix IV protestantlarğa dini irekne birgän Nant färmanın imzalağannan soñ, Hugenotlar suğışları tämamlana.

Ministr Sülli eşçänlegenä tayanıp, Hentix IV tışqı säyäsättä xristian patşalar Bötenawrupa berlegen tözemäkçe bulğan.

1610 yılda katolik dindarı Fransua Ravalyak tarafınnan üterelä. Sen-Deni patşalar abbatlığında kümelgän.

Täxet mirasçısı Lüdovik XIII buyğa citkängä qädär, Henrivnıñ tol xatını Mariä Mediçi regent bulıp iğlan itelä, 1617 yılğa qädär xakimlek itä.

Monı da qarağız

• Nant färmanı
• Varfolomey töne

Ädäbiät

• Балакин В. Д. Генрих IV. — Молодая гвардия, 2011. — 325 с. — ISBN 978-5-235-03407-5.
• Баблон Ж.-П. Генрих IV. Ростов-на-Дону, 1999.
• Плешкова С. Л. Генрих IV Французский. — Вопросы истории. — 1999. — № 10. — С. 65-81.

Франция корольләре һәм императорлары (987—1870) Капетинглар (987—1328) 987 996 1031 1060 1108 1137 1180 1223 1226 Гуго Капет Роберт II Генрих I Филипп I Людовик VI Людовик VII Филипп II Людовик VIII 1226 1270 1285 1314 1316 1316 1322 1328 Людовик IX Филипп III Филипп IV Людовик X Иоанн I Филипп V Карл IV Валуа (1328—1589) 1328 1350 1364 1380 1422 1461 1483 1498 Филипп VI Иоанн II Карл V Карл VI Карл VII Людовик XI Карл VIII 1498 1515 1547 1559 1560 1574 1589 Людовик XII Франциск I Генрих II Франциск II Карл IX Генрих III Бурбоннар (1589—1792) 1589 1610 1643 1715 1774 1792 Генрих IV Людовик XIII Людовик XIV Людовик XV Людовик XVI 1792 1804 1814 1824 1830 1848 1852 1870 — Наполеон I (Бонапартлар) Людовик XVIII Карл X Луи-Филипп I (Орлеан йорты) — Наполеон III (Бонапартлар)