Тәлгать Нәҗмиев

Тәлгать Нәҗмиев
Туган телдә исем	Тәлгать Самат улы Нәҗмиев
Туган	1 март 1950(1950-03-01) ССРБ, РСФСР, ТАССР, Кукмара районы, Байлангар
Үлгән	4 октябрь 2014(2014-10-04) (64 яшь) РФ, ТР, Саба районы, Байлар Сабасы
Милләт	татар
Ватандашлыгы	ССРБ ССРБ→ РФ
Һөнәре	язучы, журналист
Җефет	Лемара (Фатыйхова)
Балалар	улы Нияз, кызы Гөлназ
Ата-ана	Самат (әти) Габидә (әни)
Бүләк һәм премияләре	Татарстанның атказанган мәдәният хезмәткәре, республика журналистларының Х. Ямашев исемендәге бүләге лауреаты, «Бәллүр каләм» призы иясе.

Тәлгать Самат улы Нәҗмиев — татар язучысы, журналист, Татарстанның атказанган мәдәният хезмәткәре, республика журналистларының Х. Ямашев исемендәге бүләге лауреаты, «Бәллүр каләм» призы иясе. 2001 елдан Татарстан Язучылар берлеге әгъзасы.

Тормыш юлы

Тәлгать Нәҗмиев 1950 елның 1 мартында Татарстанның Кукмара районы Байлангар авылында колхозчы гаиләсендә туа. 1969-1972 елларда Совет армиясе сафларында хезмәт итә, кайткач Саба районының мәдәният бүлегендә автоклуб мөдире булып эшли. Шәмәрдән эшче-яшьләр кичке мәктәбендә укып, аттестат ала. Казан Дәүләт Университетының татар теле һәм әдәбияты бүлеген тәмамлаган (читтән торып уку бүлеген, 1973—1978).

1972-1975 елларда районда җирле тапшырулар оештыра. Аннары КПСС райкомының пропаганда һәм агитация бүлеге инструкторы итеп күчерелә.

Тәлгать Нәҗмиев 1981 елда «Җиңү байрагы» (хәзерге «Саба таңнары») газетасы мөхәррире итеп билгеләнә һәм бу вазыйфаны 2009 елга кадәр алып бара.

Аның «Җирдә калсын эзләрең», «Керик әле Саба урманнарына», «Яшә, Саба-Йорт!», «Туган туфрак кадере», «Саба шагыйрьләре», «Сабаларда эчәр суым булгач» китаплары дөнья күрде.

2001 елдан Татарстан Язучылар берлеге әгъзасы.

2014 елның 4 октябрендә вафат, Байлар Сабасы зиратында җирләнде.

Чыганак

• Татар календаре, 2010. «Мәгариф нәшрияты», Казан.

Сылтамалар

• Язучы-публицист, журналист Тәлгать Нәҗмиев вафат
• Тәлгат Самат улы Нәҗмиев (1950-2014). «Саба таңнары», 8.10.2014
• Төп басма китаплары. Иҗаты турында мәкаләләр исемлеге. matbugat.ru