Pensilvaniä universitetı

Файл:Upenn shield.png

Pennsylvania universitetı

Pennsylvania universitetı (Пенсильвания университеты). Şulay uq, qısqartılğan Penn iseme belän dä atala. AQŞnıñ Pennsylvania ştatınıñ Philadelphia şähärendä urnaşqan xosusıy, dinnär belän bäylänmägän, universitet.Ul AQŞnıñ yäş buyınça dürtençe universitetı, Ürmäle göl ligası äğzası.

Universitetnı oyıştırıp cibärüçe Benjamin Franklinnıñ küzallawı buyınça, bu uqu yortı kommersia häm cämäğeyät fännäre belän berrättän iğtibarnı klassikağa häm teologiagä dä yünälter dip kötelgän.

Xäzerge waqıtta 4,500 çaması professor-uqıtuçı 10,000 baqalawriat häm 10,000 mağistrlıq studentlarına xezmät kürsätä. Penn humanitar fännär buyınça iñ aldınğı universitetlarnıñ berse.

2007 yıl budjetı farazı buyınça, Penn Ürmäle göl ligası äğzaları arasında, iñ küp aqça sarıf itüçe bularaq tanılırğa mömkin. Barlığı 4.77 milliard dollar plannaştırılğan.

Tarix

1740 yılda Philadelphianıñ bertörkem keşeläre, evangelist (Evangelist) George Whitefield atakay öçen doğa qılu binası salu maqsatı belän berläşälär. Läkin baştan uq finanslar probleması kilep tua. Şuña kürä dä oyıştıruçılar Benjamin Franklin taraflarına möräcäğät itärgä mäcbür bula. Franklin Trust äğzaların berläşterep, eşkä kereşä. 1751 yılda Akademia berençe studentların qabul itä. Penn AQŞta berençe medisina mäktäben oyıştırıp cibärä.

Pennsylvania universitetınıñ dewizı Legis sine moribus vanae (Latinçadan, Äxlaqsız qanunnar faydasız).

Campus

Penn universitetınıñ arxitekturasında beryülı Oxford häm Cambridge universitetları binalarınıñ elementların tabıp bula. Xäzerge campus 269 aqr çaması bir bili.

Akademia

Файл:300px-Penn campus 2.jpg

Universitet işegaldı

Baqalawr däräcäsendä

• Sänğät häm fän mäktäbe (The School of Arts & Sciences)

• İnjenerlıq häm Ğamläi fännär mäktäbe (The School of Engineering and Applied Science (SEAS)

• Şäfqät tutaşları mäktäbe (The School of Nursing)

• Wharton biznes mäktäbe (The Wharton School)

Mağistr däräcäsendä

• Annenberg kommunikasialär mäktäbe (Annenberg School for Communication)

• Mäğrifät mäktäbe (Graduate School of Education)
• Xoquq mäktäbe (Law School )

• Sänğät häm fänär mäktäbe (Graduate School of Arts & Sciences)

• Teş medisinası mäktäbe (School of Dental Medicine)

• Dizayn mäktäbe (School of Design)

• Wharton mäktäbe (Wharton School) h.b.

Universitet rangları, däräcälär

• US News & World Report gäzite isäpläwençä, baqalawr belgeçlege buyınça 7 urın (2007)
• Newsweek – globäl universitetlar arasında unikençe
• Washington Monthly buyınça, Amerika millätenä kitergän fayda buyınça xosusıy yuğarı belem birü yortları arasında 13nçe.

Keşelär

Universitet prezidentları (soñğı ğasır)

	Prezidentlar	Citäkçelek yılları
1	Thomas Sovereign Gates	(1930–1944)
2	George William McClelland	(1944–1948)
3	Harold Edward Stassen	(1948–1953)
4	William Hagan DuBarry	(1953–1953)
5	Gaylord Probasco Harnwell	(1953–1970)
6	Martin Meyerson	(1970–1981)
7	Sheldon Hackney	(1981–1993)
8	Claire Fagin	(1993–1994), Waqıtlıça
9	Judith Rodin	(1994–2004)
10	Amy Gutmann	(2004–Present)

Sıltamalar

Pennsylvania universitetıniñ räsmi bite