Polipropilen

Polipropilen - ul totıp qarawğa maylısıman, aq töstäge termoplastik material. Polietilen kebek ük anı da yuğarı molequlyar çikle uğlevodorodlarğa (molequlyar massası 80 000—200 000) kertergä mömkin.

Bu polimer ağressiv tiräleklärgä çıdam. Polietilennan ayırmalı bularaq, ul yuğarıraq temperaturada (160—170°C) yomşara häm aña qarağanda nığraq.

Polipropilen ütä çıdamlı izolyatsiä, torbalar, maşina detal'läre, ximik apparaturalar yasaw öçen totıla. Küp tapqırlar bögelü-sığılularğa häm ışqılularğa şaqtıy çıdam buluı arqasında annan bik nıq arqannar işärgä, yätmä yasarğa, texnika öçen tuqımalar äzerlärgä mömkin. Polipropilennan eşlängän äyberlär, polietilennan eşlängännärenä qarağanda, yuğarıraq temperaturalarda (120—140 °S qa qädär) qullanıla ala.