Мәгариф (журнал)

“Мәгариф” – айлык иҗтимагый-педагогик һәм фәнни-методик гомумтатар журналы.

Оештыручысы – “Татмедиа” ачык акционерлар җәмгыяте. Редакция Татарстанның Казан шәһәрендә урнашкан.

“Мәгариф” журналы татар мәктәпләре, гимназияләре, лицейлары өчен алдынгы тәҗрибә уртаклашу өчен мөнбәр ролен үти. Ул - укытучыларның, мәгариф системасында эшләүчеләрнең өстәл китабы. Алдынгы педагогик фикер булдыруда, “Мәгариф” илкүләм проектын тормышка ашыруда, белем бирүдә һәм тәрбия процессындагы көнүзәк мәсьәләләрне яктыртуда актив катнаша.

Яңа методикаларны һәм технологияләрне, мәдәният һәм әдәбият казанышларын тарату, мәгарифне мәгълүматлаштыру, алдынгы технологияләрне куллану, укучыларның һәм укытучыларның сәламәтлеге турында кайгырту, әхлакый, рухи һәм хезмәт тәрбиясе, сәләтле балалар белән эшләү мәсьәләләре, Россиянең һәм Татарстанның мәгарифкә, тел сәясәтенә кагылышлы законнарын гамәлгә ашыру басманың игътибар үзәгендә тора.

“Мәгариф” журналы, Татарстаннан тыш, Россия Федерациясенең татарлар күпләп яшәгән 20 төбәгендә тарала.

Журналның яңа логотибы “Мәгариф”тә озак еллар сакланып килгән традицияләрне дә, инновацияләргә ачык булуын да күрсәтә. Анда статьялар берничә телдә басыла. Шуңа күрә журналның логотибында язуларның берничә телдә булуы, татар теленең латин язуында бирелүе дә мантыйкка сыя торган хәл. Үзәктәге “А” хәрефе өскә томырылган кебек итеп ясалган, ул биеклеккә, үсешкә һәм лидерлыкка омтылышны гәүдәләндерә. Инглиз телендә бирелгән “education” сүзе логотипның бер өлеше булып тора. Татарстан Республикасының бүгенге белем бирү системасы (ул “Мәгариф” журналында чагылыш таба) дөнья педагогларының алдынгы тәҗрибәсен һәм яңадан-яңа казанышларын үзләштерергә әзер булуын күрсәтә.

Баш мөхәррир – Миргалимов Илдар Флүс улы.

E–mail: magarif@bk.ru

Файдалы сылтамалар:

http://tat.tatar-inform.ru/news/2014/02/26/95161/