Минзәлә Изге Николай чиркәве
| Чиркәү | |
Минзәлә Изге Николай чиркәве
Никольский собор | |
 | |
| Ил | Татарстан |
| Шәһәр | Минзәлә |
| Дин | Православие |
| Мәхәллә | Казан епархиясе Чулман аръягы благочиние округы |
| Бина төре | өч башлы гыйбадәтханә |
| Төзелеш еллары | 1807—1813 еллар |
| Халәте | гамәлдә |
Минзәлә Изге Николай чиркәве (рус. Собор в честь святителя Николая Чудотворца, Никольский собор) — Рус православие чиркәвенең (Мәскәү патриархаты) Татарстан митрополиясе Казан епархиясе Чулман аръягы благочиние округына караучы дини оешма.
Җитәкчесе — иерей Роман Храмутичев.
Адресы: ТР Минзәлә, М. Җәлил урамы, 14нче йорт.
Тарих[үзгәртү | вики-текстны үзгәртү]
1813 елда Минзәлә шәһәрендә яшәүчеләр акчасына (иң күп акчаны унтер-әфисәр Дмитрий Ситников кертә) таштан ампир стилендә төзелгән. 1878 елның 1 маенда шәһәрдә чыккан янгында зур зыян күргән. 1880-1890 елларда Алабуганың беренче гильдия сәүдәгәрләре И.И. һәм И.Г. Стахеевлар, Казанның беренче гильдия сәүдәгәре П.В. Щетинкин акчасына яңадан корылган. 1938 елның 29 апрелендә шәһәр халык депутатлары шурасы президиумы карары белән ябылган, авыл хуҗалыгы техникумына бирелгән, озак еллар кинотеатр (1940 елдан), тегермән (1956 елдан) итеп файдаланылган. Шәһәрнең 225 еллыгына район администрациясе башлыгы карары белән дин тотучыларга кайтарып бирелгән. Рөстәм Тарико акчасына һәм «Ритэк» фирмасының матди ярдәме белән үзгәртеп корылган, дин тотучыларга ишекләрен ачкан.
Әдәбият[үзгәртү | вики-текстны үзгәртү]
- Республика Татарстан: Православные памятники (середина XVI — начало XX веков). Казань: «Фест», 1998.