Михаил Глубоковский

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Михаил Глубоковский latin yazuında])
Навигациягә күчү Эзләүгә күчү
Михаил Глубоковский
Mikhail Gloubokovsky.jpg
Туган 20 сентябрь 1948(1948-09-20) (73 яшь)
Смоленск, РСФСР, СССР
Әлма-матер Петербург дәүләт университеты
Һөнәре ихтиолог, сәясәтче, дәүләт эшлеклесе, РФ Дәүләт думасы депутаты
Эш бирүче Мәскәү дәүләт университеты
Җефет Эльмира Гусейновна Глубоковская[d]
Гыйльми дәрәҗә: биология фәннәре докторы[d]

Commons-logo.svg Михаил Глубоковский Викиҗыентыкта

Михаил Глубоковский (20 сентябрь 1948, Смоленск, ССРБ) — Русия галиме һәм сәясәт эшлеклесе, Бөтенрусия балык хуҗалыгы һәм океанография институтының гыйльми җитәкчесе, Мәскәү дәүләт университетының биология факультетының ихтиология кафедрасы профессоры. М.В. Ломоносов исемендәге Мәскәү дәүләт университетын тәмамлаган, биология фәннәре докторы.

Биографиясе[үзгәртү | вики-текстны үзгәртү]

Михаил Константинович Глубоковский 1948 елның 20 сентябрендә Смоленскида хәрби очучы һәм табиб гаиләсендә туа.

1971 елда Жданов исемендәге Ленинград дәүләт университетын тәмамлый. Туфрак биологиясе факультетын биолог-зоолог һөнәре буенча тәмамлый. 1990 елда «Сөмбаш балыкларның эволюцион биологиясе» темасына докторлык диссертациясен яклый.

1971 елда СССР Фәннәр академиясенең Ерак Көнчыгыш бүлекчәсе биология институтында хезмәт эшчәнлеген башлый. Стажердан алып ССРБ фәннәр Академиясенең Ерак Көнчыгыш бүлекчәсе биология институтының популяцион биология лабораториясе мөдире вазифасын алып бара. 1989 елда фәнни эшләр буенча директор урынбасары була. 1990 елда «Сөмбаш балыкларның эволюцион биологиясе» темасы буенча докторлык диссертациясен яклый.

Дәүләт һәм сәяси эшчәнлеге[үзгәртү | вики-текстны үзгәртү]

1993 елда, актив социаль әһәмиятле проектларын алга җибәрүче билгеле галим буларак, Русия Федерациясе Федераль Җыелышының Дәүләт Думасы депутаты итеп Приморье краеннан сайлана.

1993 елдан 1996 елга кадәр — депутат, Русия Федерациясе Федераль Җыелышы Дәүләт Думасының Мәгариф, фән һәм мәдәният буенча комитеты рәисе урынбасары. «ЯБЛОКО» фракциясе әгъзасы.

1996 елдан 2000 елга кадәр — депутат, Мәгариф һәм фән буенча комитет җитәкчесе урынбасары, Русия Федерациясе Федераль Җыелышының Табигать ресурслары һәм табигатьтән куллану буенча комитеты рәисе[1].

2000 ел — статс-секретарь, Русия Федерациясенең фән һәм технологияләр министры урынбасары.

2000 елдан 2002 елга кадәр — Русия гыйльми җәмгыятьләр Берлеге президенты .

2002 елда — Русия Федерациясе Федераль Җыелышына Приморье краеның Законнар чыгару Җыелышына Федерация Советы әгъзасы.

2002 елдан алып 2005 г. — Приморье крае вице-губернаторы, Мәскәүдәге вәкиле.

2005 елдан 2008 елга кадәр — Русия Федерациясе Авыл хуҗалыгы министрлыгының балыкчылык хуҗалык сәясәте департаменты директоры урынбасары.

2008 елдан 2009 елга кадәр — Русия Федерациясенең балыкчылык буенча Дәүләт комитеты җитәкчесе киңәшчесе.

Фәнни эшчәнлеге[үзгәртү | вики-текстны үзгәртү]

2010 елда Бөтенрусия балык хуҗалыгы һәм океанография фәнни-тикшеренү институты директорының беренче урынбасары вазифасын били. 2012 елда институт белән җитәкчелек итә. 2017 елдан аның гыйльми җитәкчесе. Институт вәкиле һәм абруйлы Русия галиме сыйфатында Русия делегацияләренең Тын океанның көньяк өлешендә, Русия-Иран Комиссиясенең су биоресурслары белән идарә итү буенча халыкара сөйләшүләрдә һәм составына керә. Антарктиканың диңгезе экологиясен саклау буенча комиссияда Русия эченнән вәкил урынбасары. Әлеге вакытта Каспийның су биоресурслары буенча Комиссиянең Русия өлешен җитәкли. Каспий диңгезендә балыкларның бикре төрләрен тыю өчен актив чыгыш ясый.

Ведомствоара ихтиология комиссиясе рәисе урынбасары булып тора (Анкара), ССРБ Министрлар Советының 1949 елның 24 февралендәге 781-нче карары белән оештырылган Ведомствоара ихтиология Комиссиясе эшчәнлеген дәвам итүче буларак эшли башлаган. Фәнни эшчәнлек ведомствоарa координация, балык хуҗалыгының төп фәнни-техник мәсьәләләр буенча карарлар кабул итү максатында оештырыла һәм балыкчылык буенча федераль агентлык каршындагы даими эшләүче киңәшмә органы булып тора.

80-гә якын китап бастыра һәм дүрт гыйльми басма авторы булып тора. Русиядә билгеле галимнәр белән автордашлыкта «Халыкара балыкчылык — Русия мәнфәгатьләре» (2013 ел) соңгы эшләренең берсе. Күмәк монографиясендә Русия юрисдикциясе зонасына караган Дөнья океанының су биологик ресурсларын алуның арзан юллары бәяләнә. Атлантик, Тын һәм Көньяк океаннар өчен Русия балыкчыларының халыкара су биологик ресурсларының ачык запасын куллануына җентекле анализ ясала. Шулай ук балыкчылык өлкәсендә Русия Федерациясенең күп яклы һәм ике яклы килешүләр чикләрендә ватан балыкчылыгы мәнфәгатьләрен яклау буенча тәкъдимнәр эшләнә.

Шәхси тормышы[үзгәртү | вики-текстны үзгәртү]

Өйләнгән, улы һәм ике кызы бар. Хатыны — Эльмира Глубоковская, V һәм VI чакырылыш Русия Федерациясе Федераль Җыелышы Дәүләт Думасы депутаты.

Искәрмә[үзгәртү | вики-текстны үзгәртү]

Сылтамалар[үзгәртү | вики-текстны үзгәртү]