Михаэль Фридерих

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Михаэль Фридерих latin yazuında])
Навигациягә күчү Эзләүгә күчү
Михаэль Фридерих
Туган телдә исем алман. Dr. Michael Friederich
Туган 1962(1962)
Милләт алман
Һөнәре төрки телләр белгече, әдәбият белгече

Михаэль Фридерих (алман. Michael Friederich) – төрки телләр белгече, Г.Тукай иҗатын өйрәнүче алман галиме, язучысы. 1962 елда туган.

Фәнни эшчәнлеге[үзгәртү | вики-текстны үзгәртү]

1983-1990 елларда Фрайбург, Бамберг, Вена, Синҗан университетларында төрки һәи иран телләре, ислам гыйлеме буенча белем ала.

1987-1989 елларда Шеңҗан-Уйгыр автономияле районында (Кытай) яшәп, уйгыр телен, әдәбиятен һәм мәгарифе хәл-әхвәлен өйрәнә. Уйгыр дәреслекләрендә Габдулла Тукай исеме еш очравына, аның шигырьләре уйгыр классиклары дәрәҗәсендә өйрәнелүгә гаҗәпләнә, һәм бу Г.Тукай иҗатын тирәнтен өйрәнүгә сәбәп була.

Тукай[үзгәртү | вики-текстны үзгәртү]

1992 елда Казанга беренче мәртәбә килә. 1993 елның октябреннан 1994 елның февраленә кадәр Казан архивларында эшли. Тукайның тәрҗемәи хәлен, иҗатын һәм совет әдәби фәнендә Тукайны өйрәнүне хронологик тәртиптә тикшереп, монография яза.[1] Шуның нигезендә 1996 елда Бамберг университетында докторлык дәрәҗәсе ала. Китап 2001 елда Алман көнчыгышны өйрәнү җәмгыяте бүләгенә лаек була. И. Гыйләҗев тәрҗемәсендә Казанда русча басыла (2011)

Төрки халыкларны өйрәнүен дәвам итә. 2002-2004 елларда Үзбәкстан, Төркиядә татар диаспорасы тарихын өйрәнүе мәгълүм.

Сайланган хезмәтләре[үзгәртү | вики-текстны үзгәртү]

  1. Ostturkestan?, Xinjiang?, Uyghurestan?, Bundesinstitut für Ostwissenschaftliche und Internationale Studien, Көлн, 1995.
  2. Uyghurisch Lehrbuch, 2002. ISBN 9783895002991.

Искәрмәләр[үзгәртү | вики-текстны үзгәртү]

  1. Friederich Michael. Ghabdulla Tuqaj (1886-1913). Ein hochgelobter Poet im Dienst von tatarischer Nation und sowjetischem Sozialismus. - Wisbaden, 1998.

Чыганаклар[үзгәртү | вики-текстны үзгәртү]

  1. Фридерих Михаэль. Габдулла Тукай как объект идеологической борьбы. Пер. И. Гилязова. Казань, 2011.- 343 стр. ISBN 978-5-298-02085-5

Тышкы сылтамалар[үзгәртү | вики-текстны үзгәртү]

  1. http://cesww.fas.harvard.edu/ces_dis_Turkic_Studies.html