Миңневәли Галиев

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Миңневәли Галиев latin yazuında])
Навигациягә күчү Эзләүгә күчү
Миңневәли Галиев
Миңневәли Галиев.jpg
Туган 7 май 1930(1930-05-07)
Чистай кантуны, Татарстан АССР, РСФСР, СССР
Үлгән 28 декабрь 2016(2016-12-28) (86 яшь)
Ярыслау, Ярыслау өлкәсе, Россия
Ватандашлыгы Flag of Russia.svg Россия
Һөнәре чаңгы узышчысы

Миңневәли (Николай[1]) Хафиз улы Галиев (1930 елның 7 мае, Чистай кантуны, Татарстан АССР, РСФСР, СССР2016 елның 28 декабре, Ярыслау, Ярыслау өлкәсе, Россия) — ССРБ спортчысы (чаңгычы), тренер, ССРБ чемпионы (1959), ССРБның халыкара дәрәҗәле спорт остасы.

Тормыш юлы[үзгәртү | вики-текстны үзгәртү]

Миңневәли Галиев 1930 елның 7 маенда Татарстан АССРның Чистай районында туган[1]. Ярыслауның РСФСРның атказанган тренеры Александр Федорович Филипповның шәкерте. Карьерасы башында төбәк ярышларында катнаша. 1951 елда армиягә алына. Армиядә чаңгы спорты белән шөгыльләнүен дәвам итә һәм РСФСР җыелма командасы составына керә. Кораллы Көчләр беренчелегендә бишенче урынны яулый.

Беренче тапкыр 1954 елда СССР чемпионатында катнаша һәм 30 чакрымга узышта 49 нчы урын ала. Олимпия алды сезонында Ленинградта СССР кубогы кысаларында узган контроль ярышларда уңышлы чыгыш ясый — 15 чакрымга узышта җиңү яулый, ә 30 чакрымга узышта Владимир Кузиннан калышып, икенче урынны ала[2].

1956 елгы кышкы Олимпия уеннарында Италияның Кортина д'Ампеццо шәһәрендә бер дисциплинада — 1956 елның 30 гыйнварында 15 чакрымга узышта катнаша, анда 61 катнашучы арасында 18 нче урынны ала һәм Советлар Берлегеннән дүрт катнашучы арасында соңгысы була.

1957 елгы ССРБ чемпионатында РСФСР җыелма командасы составында эстафетада бакыр медаль яулый. Киләсе чемпионатында «Труд» җәмгыяте һәм Ярыслау шәһәре данын яклап, 30 чакрымга узышта бакыр медаль яулый. 1959 елда 15 чакрымга узышта ССРБ чемпионы була. Шулай ук 1959 елда ВЦСПС беренчелеге җиңүчесе була.

Башка халыкара ярышларда катнаша, шул исәптән 1957 елда Финляндиядә узган ярышларда 15 чакрым дистанциягә узышуда катнаша һәм 30 чакрым дистанциягә икенче урынны ала. 1958 елда Лаһтида узган дөнья чемпионатында 30 чакрым дистанциядә иң көчле унлыкка керә. 1961 елда Чехословакиядә узган ярышларда җиңү яулый.

Спорт карьерасын тәмамлагач, тренерлык эшенә күчә. Тренерларның югары мәктәбен тәмамлый (Ленинград, 1959). «Олимп» балалар спорт клубын җитәкли (Ярыслау). 1990 елларда Ярыслау шәһәренең 3 нче балалар-яшүсмерләр спорт мәктәбендә тренер-укытучы булып эшли[3]. Галиевта тәрбияләнүчеләр арасында — ССРБ чемпионатында катнашучы Владимир Любаткин, РСФСР (Россия) җыелма командасы әгъзалары Ренат Сәфәров һәм Роман Сторожев, «Труд» ДСО үзәк советы җыелма командасы әгъзасы Алексей Ванин.

Ярыслауның Идел Аръягы районында яшәгән. 2016 елның 28 декабрендә вафат була[3].

Искәрмәләр[үзгәртү | вики-текстны үзгәртү]

  1. 1,0 1,1 УРОЖЕНЦЫ РТ - УЧАСТНИКИ И ПОБЕДИТЕЛИ ЗИМНИХ ОЛИМПИЙСКИХ ИГР
  2. Огонёк, № 3, 15 января 1956 года
  3. 3,0 3,1 Ушёл из жизни чемпион СССР по лыжным гонкам Галиев Николай

Сылтамалар[үзгәртү | вики-текстны үзгәртү]