Мәхмүзә Гайнуллина

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Мәхмүзә Гайнуллина latin yazuında])
Навигациягә күчү Эзләүгә күчү
Мәхмүзә Гайнуллина
Туган 6 сентябрь 1937(1937-09-06) (84 яшь)
Яңа Күл, Нуриман районы, Башкорт Автономияле Совет Социалистик Республикасы, РСФСР, СССР
Ватандашлыгы Flag of the Soviet Union.svg СССР
Әлма-матер Башкорт дәүләт медицина университеты
Һөнәре тикшеренүче
Гыйльми дәрәҗә: медицина фәннәре докторы[d]

Мәхмүзә Гайнуллина (6 сентябрь 1937 ел) — галим-профпатолог, җәмәгать эшлеклесе. Медицина фәннәре докторы (1999). Русия Федерациясенең һәм Башкортстан Республикасының Журналистар берлекләре әгъзасы (1997). Русия Федерациясенең (1999) һәм Башкорт АССРның (1989) атказанган табибы. Нуриман районының мактаулы гражданы.

Башкорт хатын-кызлары җәмгыяте әгъзалары — Нуриман районында. Гайнуллина Мәхмүзә Кәлимулла кызы райондашлары белән очрашуда (уңнан 2-нче). 2009
Җәмәгать эшлеклеләре (Сулдан уңга) — галимнәр Райхана Кунакова, Айсылу Юнысова, Мәхмүзә Гайнуллина һәм шагыйрь Гүзәл Ситдикова

Биографиясе[үзгәртү | вики-текстны үзгәртү]

Мәхмүзә Кәлим кызы Гайнуллина 1937 елның 6 сентябрендә Башкорт АССРның Нуриман районы Яңа Күл авылында туган.

1973 елда Башкорт дәүләт медицина институтын уңышлы тәмамлагач, 2 еллык клиник ординатурада укыган.

1975 елдан Уфадагы Хезмәт медицинасы һәм кеше экологиясе фәнни-тикшеренү институтында хезмәт юлын башлый. 1985-2002 елларда анда баш табиб була.

1987 елда «медицина фәннәре кандидаты», ә 1999 елда «медицина фәннәре докторы» гыйльми дәрәҗәсенә диссертация яклый.

1974-1999 елларда Башкортстан телевидениесендәге «Сәламәтлек» тапшыруының авторы һәм алып баручысы була. Русия Федерациясенең һәм Башкортстан Республикасының Журналистлар берлекләре әгъзасы (1997).

2002 елдан «Эшләп йөрүчеләрнең репродуктив саулыгын саклау» лабораториясе җитәкчесе[1].

Гыйльми эшчәнлеге[үзгәртү | вики-текстны үзгәртү]

Фәнни эшләре нефть эшкәртү һәм нефтехимия сәнәгатендә эшләгән хатын-кызларның саулыгын тикшерүгә багышланган. 93 фәнни хезмәт авторы, 1 монография язган[2].

Җәмәгать эшчәнлеге[үзгәртү | вики-текстны үзгәртү]

Мединститутта укыганда факультетның комсомол оешмасы секретаре, соңрак институтның ВЛКСМ комитеты секретаре урынбасары була. Хезмәт медицинасы һәм кеше экологиясе фәнни-тикшеренү институтында эшләгән елларында партия бюросы секретаре итеп сайлана (1982-1989), КПСС-ның Киров райкомының бюро әгъзасы була (1989-1990).

Башкортстанның Профсоюзлар Федерация Советы әгъзасы (2000 елдан), ФНПР Генсоветының Гендер сәясәте буенча эксперт советы әгъзасы (2000 елдан), Башкортстан Профсоюзлар Федерациясенең Хатын-кызның социаль тигезлеге мәсьәләләре буенча комиссия рәисе (2001 елдан), Башкортстан Республикасының Башкорт хатын-кызлары җәмгыяте идарәсе әгъзасы (1998 елдан)[3].

Мактаулы исемнәре һәм башка бүләкләре[үзгәртү | вики-текстны үзгәртү]

  • Башкортстан Республикасының атказанган фән эшлеклесе
  • Русия Федерациясенең атказанган табибы (1999)
  • Башкорт АССР-ның атказанган табибы (1989)
  • ВЛКСМ Үзәк Комитетының Мактау Грамотасы (1973)
  • ССРБ-ның «Хезмәт батырлыгы өчен» медале (1974)
  • РФ Сәламәтлек саклау министрлыгының Почет Грамотасы (1999)
  • «Русия Профсоюзларына 100 ел» медале (2005).

Чыганаклар[үзгәртү | вики-текстны үзгәртү]

  • Гайнуллина Мәхмүзә Кәлимулла кызы // Башкорт энциклопедиясе — Уфа: «Башкорт энциклопедиясе» гыйльми-нәшрият комплексы, 2015-2020. — ISBN 978-5-88185-143-9.
  • Энциклопедия Известные ученые
  • Башкорт хатын-кызы мең еллыклар чигендә. Уфа, 2000.

Искәрмәләр[үзгәртү | вики-текстны үзгәртү]

  1. Известные ученые
  2. Известные ученые
  3. Башҡорт ҡатын-ҡыҙы мең йыллыҡтар сигендә. Өфө, 2000