Мөслим җәмигъ мәчете
| Мөслим җәмигъ мәчете | |
| Дәүләт |
 Россия |
|---|---|
| Мәчет | |
 | |
| Ил | РФ |
| авыл | Мөслим |
| Координатлары | 55°19′20″ 53°18′55″ (G) (O) (Я) |
| Дин | Ислам |
| Мәхәллә | Мөслим районы мөхтәсибәте |
| Кайсы дини агымга карый | хәнәфи |
| Бина төре | мәчет |
| Нигезләнгән | 2015 |
| Төзелеш еллары | 2015—2017 еллар |
| Төп даталар: 2017 (ачылу)
| |
| Халәте | гамәлдә |
| Сайт | Рәсми сайт |
Мөслим җәмигъ мәчете — Татарстанның Мөслим районы үзәге Мөслим авылында урнашкан мөселманнар гыйбадәтханәсе, Аллаһ йорты, районның үзәк (җәмигъ) мәчете. Татарстан мөселманнары Диния нәзарәте карамагында. 2017 елның 18 августында ачылган. Адресы: 423970 ТР Мөслим районы Мөслим авылы, Пушкин урамы, 92нче Б йорт[1].
Районның имам-мөхтәсибе:
- 2017 елның 18 августыннан 2019 елның 15 февраленә кадәр[2]) — Венер (Габделкәрим) хәзрәт Моратов (Түбән Кама җәмигъ мәчетеннән күчеп килгән, тумышы белән Минзәлә районы Аю авылыннан)[3].
- 2019 елның 22 февраленнән — Расих хәзрәт Каюмов (Элемтә авылы мәчетенең имам-хатыйбы)[4].
Тарих
[үзгәртү | вики-текстны үзгәртү]
 Тышкы рәсемнәр
| |
|---|---|
|
Мәчет ачылышыннан фотосурәтләр. |
2015 елның 11 сентябрендә Мөслимнең өченче мәчете[5] төзелешендә беренче нигез ташы салына. Тантанада ТР мөфтие урынбасары Рөстәм Хәйруллин катнаша.
2016 елның 15 октябрендә мәчеткә айлы манара куела[6].
2017 елның 18 августында мәчет ачыла, беренче азан әйтелә, беренче җомга намазы укыла. Татарстан мөселманнары Диния нәзарәте вәкиле буларак, Татарстанның баш казые Җәлил хәзрәт Фазлыев, шулай ук Казанның Идел буе һәм Вахитов районнары имам-мөхтәсибе (2017 елның августына кадәр Түбән Кама имам-мөхтәсибе, тумышы белән Сарман авылыннан) Йосыф хәзрәт Дәүләтшин һ.б. катнаша.
Бина
[үзгәртү | вики-текстны үзгәртү]Бер манаралы, ике яруслы мәчет. Манарасы 30 м биеклектә, мәйданы ~800 м². Мәчеттә ирләр һәм хатын-кызлар өчен аерым ике намаз (гыйбадәт) залы, яңа технологияләр буенча эшләнгән интерактив китапханә һәм музей, өч уку бүлмәсе, ашханә, имам-хатыйб бүлмәсе, никах һәм балага исем кушу тантаналары өчен махсус зал һ.б. бүлмәләр бар. Бер меңгә якын кешене сыйдыра. Идәненә 700 мең сумлык келәм җәелгән.
Кызыклы факт
[үзгәртү | вики-текстны үзгәртү]Җәмигъ мәчете халык телендә «Аэропорт мәчете» дип йөртелә, чөнки мәчет төзелгән урында элек Мөслим аэропорты булып, Казанга, Бөгелмәгә, Сарманга, Минзәләгә, Актанышка Ан-2, аннары Ил-14 очкычлары көненә икешәр рейс ясап, әйләнеп кайта торган була [7].
Мәгърифәт үзәге музее
[үзгәртү | вики-текстны үзгәртү]2025 елның 8 мартында Җәмигъ мәчетендә «Вакыт комы» дип исемләнгән Мәгърифәт үзәге ачылган. Биредә интерактив музей эшли: анда имамнар һәм абыстайлар турында зур мәгълүмат урын алган. Үзәкне ачуда Татарстан Мөфтие Камил хәзрәт Сәмигуллин, Мөслим муниципаль районы башлыгы Альберт Хуҗин, Мөслим районы имам-мөхтәсибе Илгиз хәзрәт Сөнгатуллин катнашкан. Язучы Фоат Садриев Мәгърифәт үзәге музеена татарча хәрефләре булган экслюзив язу машинкасы тапшырган[8][9].
Моны да карагыз
[үзгәртү | вики-текстны үзгәртү]Искәрмәләр
[үзгәртү | вики-текстны үзгәртү]- ↑ МЕСТНАЯ МУСУЛЬМАНСКАЯ РЕЛИГИОЗНАЯ ОРГАНИЗАЦИЯ - ПРИХОД МЕЧЕТИ "ДЖАМИГ" МУХТАСИБАТА МУСЛЮМОВСКОГО РАЙОНА ЦЕНТАРИЛИЗОВАННОЙ РЕЛИГИОЗНОЙ ОРГАНИЗАЦИИ - ДУМ РТ(үле сылтама)
- ↑ Мөслим имам-мөхтәсибе һәлак булды 2019 елның 17 февраль көнендә архивланган.. ТР МДН рәсми сайты, 15.02.2019
- ↑ Г. Моратовның Вконтактедагы сәхифәсе
- ↑ Имамнар җыелышы узды. Мөслим-информ, 22.02.2019
- ↑ Чынлыкта, дүртенче мәчет. 1901 елда төзелгән Мөслим мәчете мәдрәсә булып хезмәт итә 2017 елның 31 август көнендә архивланган.
- ↑ Мәчеткә айлы манара куелды. Мөҗәһит Әхмәтҗанов сайты, 15.10.2016 2017 елның 19 август көнендә архивланган.
- ↑ Әхмәдулла Әхмәтгалиев. Мөслим төбәге. Тарихи сәхифәләр. Яр Чаллы: «Яр Чаллы типографиясе» ДУП, 2003. 103нче биттә.
- ↑ Фоат Садриев Мөслимдәге Мәгърифәт үзәге музеена үзенең язу машинкасы тапшырды. Татар-информ, 12.03.2025
- ↑ Рамазан-2025: Мөфти Мөслимдә Мәгърифәт үзәген ачты һәм районкүләм ифтарда катнашты. ТР МДН сайты, 8.03.2025
Әдәбият
[үзгәртү | вики-текстны үзгәртү]- Рөстәм Зарипов. Яхшылык ихлас булсын. «Татарстан яшьләре», 2017 ел, 31 август.
- Мөслимдәге Җәмигъ мәчете үз ишекләрен ачты. 2017 елның 24 август көнендә архивланган. Мөслим районының рәсми мәгълүмат сайты muslumirc.ru, 18.08.2017