Мөхтәр Карамышев
.svg){kind=small}
| Мөхтәр Карамышев | |
|---|---|
| Туган | 1895 Макар[d], Ишембай районы |
| Үлгән | билгесез |
| Әлма-матер | Макар урта мәктәбе[d] |
| Катнашкан сугышлар/алышлар | Беренче бөтендөнья сугышы һәм Алман-совет сугышы |
Мөхтәр Батыргәрәй улы Карамышев (1895, Стәрлетамак өязе Макар авылы (хәзерге Башкортостанның Ишембай районы — билгесез) — Башкорт милли хәрәкәте эшлеклесе.
Биографиясе[үзгәртү | вики-текстны үзгәртү]
Карамышев Мөхтәр Батыргәрәй улы Уфа губернасы Стәрлетамак өязе Макар авылында (хәзерге Башкортостанның Ишембай районы) туган, Башкорт милли хәрәкәте эшлеклесе. Карамышевлар нәселеннән. Беренче дөнья, Гражданнар һәм Бөек Ватан сугышларында катнашучы.
Орск шәһәрендә училище һәм педагогик курслар тәмамлаган. 1915-1917 елларда рус армиясендә прапорщик; 1918-1919 елларда Башкорт гаскәрендә ротмистр (1918). 1917 елның сентябреннән Стәрлетамак өязе Иске Сәет авылы (хәзерге Башкортостанның Ишембай районы) мәктәп мөдире булып эшли.
1918 елның гыйнварыннан башлап Юрматы кантун башкармасы әгъзасы, июльдән — Башкорт гаскәре инспекторы һәм Башкорт хәрби шурасының корал мөдире, бер үк вакытта августа — шураның артиллерия бүлеге җитәкчесе, сентябрьдә — 1‑нче Башкорт кавалерия полкы командиры, декабрьдә — «Стәрлетамак фронтының Башкорт кораллы көчләре» оператив группасы командующие[1].
1919 елда Башкортстан хәрби-революцион комитетының азык- бүлеге мөдире була, аннары Морак авылы һәм Морак районы гарнизоны начальнигы, апрельдән алып Башкортстан хәрби эшләр буенча халык комиссариатының гомуми бүлеге начальнигы, августта — Табын кантунының революцион комитеты рәисе, декабрьдә — Тамъян-Катай кантонының хәрби комиссары. 1920 елда Макарда укытучы, соңрак Юрматы кантунының игенчелек бүлеге мөдире, Дыван-Кошчы кантуны Халык комиссарлары советы рәисе, 1921 елның февраленнән «Белрайлесконтора»» предриятиесе, октябрьдә — Стәрлетамак каласы Башкортстан республикася социаль тәэминат халык комиссариаты комиссары.
Соңрак Урта Азиягә чыгып китә, аннары Винница шәһәре (Украина ССР ы) яши. 1941 елда үз теләге белән фронтка китә һәм шунда һәлак була.
Гаилә[үзгәртү | вики-текстны үзгәртү]
Картатасы — Йосыф (Мөхәммәтйосыф) Ибраһим улы Карамышев, Башкорт гаскәре майоры[2];
Атасы — Батыргәрәй Йосыф улы Карамышев, укытучы;
Әнисе — Кәбирә Әхмәтҗән кызы Вәлидова;
Агайлары:
- Әмир Батыргәрәй улы Карамышев (1893-1918) — 1917-1918 елларда Башкорт милли хәрәкәте эшлеклесе;
- Гәрәй (Мөхәмәтгәрәй) Батыргәрәй улы Карамышев — Башкорт милли хәрәкәте эшлеклесе;
- Сөләймән Батыргәрәй улы Карамышев — Башкорт милли хәрәкәте эшлеклесе;
Апа — Рузилә, 112-нче Башкорт кавалерия дивизиясенең табибы[3].
Хәтер[үзгәртү | вики-текстны үзгәртү]
Искәрмәләр[үзгәртү | вики-текстны үзгәртү]
- ↑ Таймасов Р. С. Участие башкир в Гражданской войне: книга первая. В лагере контрреволюции (1918 — февраль 1919 гг.):Монография.- Уфа: РИЦ БашГУ, 2009. — 200 с. — C.194.
- ↑ по другим данным — генерал-майор
- ↑ Әйле З. Ҡарамышевтар нәҫеле. // Киске Өфө. — 2012. — № 8. — Б.7.(башк.)
Сылтамалар[үзгәртү | вики-текстны үзгәртү]
- Карамышев Мөхтәр Батыргәрәй улы(үле сылтама)
- YouTube сайтында Карамышевлар
Әдәбият[үзгәртү | вики-текстны үзгәртү]
- Ярмуллин А. Ш. Автономияле Башкортстан байрагы астында. — Уфа, 2009