Николай Дроздов

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Николай Дроздов latin yazuında])
Навигациягә күчү Эзләүгә күчү
Николай Дроздов
Nikolay Drozdov in Australia 2.jpg
Туган 20 июнь 1937(1937-06-20)[1][2] (84 яшь)
Мәскәү, СССР[3]
Ватандашлыгы Flag of the Soviet Union.svg СССР
Flag of Russia.svg Россия
Әлма-матер МДУның география факультеты[d] һәм Мәскәү дәүләт университеты[3]
Һөнәре табигать фәннәре белгече, телеалыпбаручы, журналист, хайванатбелгеч, университет профессоры, профессор
Эш бирүче МДУның география факультеты[d][3]
Гыйльми дәрәҗә: биология фәннәре докторы[d]
Гыйльми исем: профессор[d] һәм профессор[3]

Commons-logo.svg Николай Дроздов Викиҗыентыкта

Николай Николаевич Дроздов (1937 елның 20 июне, Мәскәү, ССРБ) — Совет һәм Россия галим-зоологы һәм биогеограф, биология фәннәре докторы, МДУ география факультеты профессоры (2000 елдан). «Хайваннар дөньясында» телетапшыруын алып баручы (1977—2018), сәяхәтче һәм фәнне популярлаштыручы. Россия телевидение академиясе әгъзасы (1996), җәмәгать эшлеклесе һәм табигатьне саклау пропагандисты. Россия Федерациясенең атказанган журналисты (2018), Россия Федерациясе хөкүмәте премиясе лауреаты (2017).

Тормыш юлы[үзгәртү | вики-текстны үзгәртү]

Әнисе кулында, сулда — бабае Сергей Иванович, уңда — әтисе абыйсы Сергей белән, 1940 ел

Николай Дроздов 1937 елның 20 июнендә Мәскәүдә туа.

Әтисе — Николай Сергеевич Дроздов (1902—1963), 2 нче Мәскәү медицина институтының органик химия кафедрасы профессоры. Әтисе ягыннан ике туган бабасы — митрополит Филарет (Дроздов), 1994 елда Урыс православ чиркәве тарафыннан изгеләр исемлегенә кертелгән. Әнисе — Надежда Павловна Дрейлинг (1906—1993), Мәскәүнең 5 нче шәһәр хастаханәсе табиб-терапевты[4].

Мәктәптә укыганда Рязань өлкәсенең Рыбновский районында ат заводы табунщигы булып эшли. Мәктәпне тәмамлаганнан соң Мәскәү дәүләт университетының биология факультетына укырга керә[5][6].

Биология факультетының икенче курсыннан киткәннән соң тегү фабрикасында эшли, башта укучы булып, аннары ир-атларның өске киемен тегү буенча 7 нче разрядлы остага кадәр барып җитә[7].

1952—1955 елларда Пётр Смолин җитәкчелегендә БТСҖ (Бөтенроссия табигатьне саклау җәмгыяте) биология түгәрәге эшендә актив катнаша. 1956—1957 елларда В. П. Потёмкин исемендәге Мәскәү шәһәр педагогика институтының табигать факультетында укый. 1963 елда МДУ география факультетының биогеография кафедрасын тәмамлый, 1966 елга кадәр анда аспирантурада укый.

Фәнни һәм иҗтимагый эш[үзгәртү | вики-текстны үзгәртү]

1967 елда «ССРБның арид өлкәләренең һәм аларның орнитофаунасының мәдәни ландшафтлары» темасына кандидатлык диссертациясен яклый[8]. Шуннан бирле МДУ география факультетының биогеография кафедрасында эшли — башта кечкенә, аннары өлкән фәнни хезмәткәр, 1979 елдан — доцент. 1999 елда докторлык диссертациясен яклый. 2000 елдан профессор[9].

1968 елда беренче тапкыр «Хайваннар дөньясында» телевизион тапшыруында чыгыш ясый. 1977 елдан башлап әлеге программаның алып баручысы.

1971—1972 елларда Австралия Милли университетының (Канберра, Австралия) зоология факультетында 10 айлык фәнни стажировка уза. Австралиянең күп кенә өлкәләрен йөреп чыккан һәм бу сәяхәтне «Бумеранг очышы» китабында тасвирлаган.

Николай Дроздов Заирда, 1975 ел

1975 елда Совет делегациясе составында Киншаса шәһәрендә (Заир) Халыкара табигатьне саклау һәм табигый байлыклар берлегенең (ХТСБ) XII генераль ассамблеясында эшли. Милли парклар буенча ХТСБ комиссиясе әгъзасы итеп сайлана. Шул ук 1975 елда, Һиндстанда булганнан соң, Дроздов вегетариан була[10].

ССРБ территориясе буенча күп санлы фәнни экспедицияләрдә катнаша (Камчаткага, Ерак Көнчыгышка, Курил утрауларына, Памирга, Тянь-Шаньга, Каракумнарга). 1979 елда Эльбруска күтәрелә.

1996 елдан БМО Генераль секретаре каршындагы тотрыклы үсеш буенча югары консультатив совет әгъзасы була.

2000 елда Петрозаводск дәүләт университетында «Җирнең аридик төбәкләрендә фауна, хайваннар дөньясы һәм биологик төрлелекне саклау» темасына биология фәннәре докторы дәрәҗәсенә диссертация яклый[11].

2014 елда 5 чакырылыш Россия Иҗтимагый палатасына сайлана (2017 елга кадәр)[12]. «Без Россияне яратабыз» халыкара иҗтимагый хәрәкәтенең иҗтимагый советына керә[13].

Бүләкләр[үзгәртү | вики-текстны үзгәртү]

  • «Хайваннар дөньясында» программасы коллективын Ю. А. Сенкевич исемендәге РГҖ алтын медале белән бүләкләү, 2018 ел
    1995 — Альберт Эйнштейн исемендәге ЮНЕСКО көмеш медале[14];
  • 2003 — Академик Владимир Уткин исемендәге көмеш медаль — Мәскәүдә Рязань якташлыгы оештырган һәм аның эшчәнлегенә Рязань өлкәсе үсеше мәнфәгатьләрендә зур өлеш керткән өчен;
  • 2006 — Почёт Ордены — илнең телерадиотапшырулар үсешенә зур өлеш керткәне һәм күпьеллык нәтиҗәле эшчәнлеге өчен[15];
  • 2007 — Рязань өлкәсенең мактаулы гражданины — Рязань өлкәсенең рухи һәм мәдәни-мәгариф үсеше бурычларын чишүгә зур өлеш керткән өчен;
  • 2011 — IV дәрәҗә «Ватан алдындагы хезмәтләр өчен» ордены — илнең телерадиотапшыруын үстерүдә зур казанышлары һәм күпьеллык нәтиҗәле эшчәнлеге өчен[16];
  • 2017 — «Чуваш Республикасы алдындагы казанышлары өчен» ордены медале[17];
  • 2018 — Россия Федерациясенең атказанган журналисты[18].

Гаилә[үзгәртү | вики-текстны үзгәртү]

  • Икенче хатыны — Татьяна Петровна Дроздова, Мәскәү балалар һәм яшүсмерләр иҗаты сараенда биология укытучысы булып эшләгән[19].

Кызлары:

  • Надежда (беренче никахтан) — биолог, 1997 елда «Московия» телеканалында «Бик ерак Мәскәү өлкәсе» программасын алып барган.
  • Елена (икенче никахтан) — ветеринар[20].

Оныклары — Филарет (2004), Ян (2010).

Искәрмәләр[үзгәртү | вики-текстны үзгәртү]

  1. Discogs — 2000.
  2. ČSFD — 2001.
  3. 3,0 3,1 3,2 3,3 3,4 https://xn--80aefaodigjrnecy.xn--p1ai/
  4. Николай ДРОЗДОВ. Медицинская газета (2007-02-23).
  5. Познер, Владимир. Прощание с иллюзиями. — Москва: АСТ, 2014. — С. 150. — 478 pages с. — ISBN 9785170773282.
  6. Николай Дроздов: С Познером мы никогда не дружили!. Собеседник (2020-06-28).
  7. Николай Дроздов: «Прожить 100 лет — не проблема». Восточный округ (2014-09-05). әлеге чыганактан 2019-01-30 архивланды. 2019-01-30 тикшерелде.
  8. Дроздов Н. Н.. Культурные ландшафты аридных областей СССР и их орнитофауна // диссертация ... кандидата географических наук.. 2021-01-28 тикшерелде.
  9. К юбилею Николая Николаевича Дроздова. МГУ им. М.В. Ломоносова (2017-06-20).
  10. Николай Дроздов: «Я знаю 7 овощей, продлевающих молодость». Собеседник (2017-06-20).
  11. Дроздов Н.Н.. Фауна, животное население и охрана биологического разнообразия в аридных регионах Земли // диссертация ... доктора биологических наук в форме научного доклада.. 2021-02-20 тикшерелде.
  12. Николай Дроздов и Константин Райкин вошли в новый состав Общественной палаты. ТАСС (2014-05-31).
  13. Общественный совет. әлеге чыганактан 2018-04-27 архивланды. 2018-04-26 тикшерелде.
  14. Annual Report 1995 (PDF). ЮНЕСКО. әлеге чыганактан 2012-06-25 архивланды. 2012-06-23 тикшерелде.
  15. Указ Президента Российской Федерации от 27 ноября 2006 года № 1316, archived from the original on 2011-11-01, retrieved 2021-09-22 
  16. Указ Президента Российской Федерации от 16 ноября 2011 года № 1492 «О награждении государственными наградами Российской Федерации»
  17. Указ Главы Чувашской Республики от 23 июня 2017 года № 68 «О награждении медалью ордена „За заслуги перед Чувашской Республикой“ Дроздова Н. Н.»
  18. Указ Президента Российской Федерации от 27 декабря 2018 года № 756 «О награждении государственными наградами Российской Федерации»
  19. Газета «Бульвар Гордона» | Николай ДРОЗДОВ: «Сейчас у меня дома ни одного животного нет. Даже скорпионов друзьям раздал!»
  20. Николай ДРОЗДОВ: «Я мечтал стать кентавром…» — akazak.ru

Сылтамалар[үзгәртү | вики-текстны үзгәртү]