Равил Моратов

Равил Моратов
Равил Моратов
Туган телдә исем	Равил Фатыйх улы Моратов
Туган	30 август 1949 (75 яшь); Норлат районы, Татарстан АССР, РСФСР, СССР
Ватандашлыгы	Россия
Һөнәре	сәясәтче
Сәяси фирка	Советлар Берлеге коммунистик фиркасе
Ата-ана	Фатыйх Ситдыйк улы Моратов (әти); Фаһимә Гадей кызы Моратова (әни);
Гыйльми дәрәҗә:	икътисад фәннәре докторы[d]
	Равил Моратов Викиҗыентыкта

Бу терминның башка аңлатмалары да бар, аларны карау өчен Моратов битенә күчегез.

Рави́л Фаты́йх улы Мора́тов (1949 30 августы) — Татарстан һәм Россия сәясәтчесе. Татарстанның беренче вице-премьеры (1995-2010).

Тормыш юлы

Моратов Равил Фатыйх улы 1949 елның 30 августында ТАССРның Октябрь районы “Төрнәс” совхозында туа.

Белеме

1980 елда "сәүдә икътисады" белгечлеге буенча Бөтенсоюз совет сәүдәсе читтән торып уку институтын тәмамлый.

Хезмәт эшчәнлеге

1964-1965 елларда ТАССР Октябрь районы Октябрь район кулланучылар берлегенең Мамык авыл кулланучылар ширкәте экспедиторы.
1966-1967 елларда Түбән Кама шәһәре “Татэнерготөзелеш” трестының 7 нче номерлы махсуслаштырылган идарәсенең слесарь- монтажчысы.
1967-1968 елларда Липецк шәһәре “Промтөзелеш” трестының “Үзәк метро төзелеше” махсуслаштырылган идарәсе слесарь-монтажчысы.
1968-1970 елларда Совет Армиясе сафларында хезмәт итә.
1970-1972 елларда ТАССР Октябрь районы Төрнәс спирт заводының смена технологы.
1972-1974 елларда Мәскәүдә Бөтенсоюз фәнни-реставрацион комбинатының Воронеж участогы слесарь-монтажчысы, балта остасы.
1974-1976 елларда ТАССР Октябрь районы кулланучылар берлегенең Мамык ваклап сату сәүдә предприятиесе директоры.
1976-1979 елларда ТАССР ның Норлат шәһәрендә сәүдә буенча Октябрь район кулланучылар берлеге идарәсе рәисе урынбасары.
1979-1983 елларда ТАССРның Чистай шәһәрендә Чистай кулланучылар берлеге идарәсе рәисе.
1983-1987 елларда Казан шәһәре Татарстан кулланучылар берлеге идарәсе рәисе урынбасары.
1987-1989 елларда ТАССР сәүдә министры.
1989-1991 елларда ТАССР Министрлар Советы Рәисе урынбасары.
1991-1995 елларда Татарстан Республикасы Премьер-министры урынбасары.
1995 елдан 2010 елның 22 апреленә кадәр Татарстан Республикасы Премьер-министрының беренче урынбасары.^[1]

Икътисад фәннәре докторы.

Дәүләт бүләкләре

“Почет билгесе” Ордены, 1986,
Дуслык ордены, 2006,
Татарстан Республикасы Мактау грамотасы, 1999,
“Казанның 1000 еллыгы истәлегенә” медале, 2005.

Искәрмәләр

↑ Рәсми Татарстан сайты, archived from the original on 2011-07-17, retrieved 2014-12-31

Чыганаклар

http://prav.tatar.ru/tat/pravit/1.htm(үле сылтама)

Сылтамалар

Шулай ук карагыз

[1] Рәсми Татарстан сайты, archived from the original on 2011-07-17, retrieved 2014-12-31

[1]