Ринат Билалетдинов

Ринат Билалетдинов
Ринат Билалетдинов
Туган телдә исем	Ринат Сәяр улы Билалетдинов
Туган	17 август 1957 (66 яшь); Мәскәү
Милләт	татар
Ватандашлыгы	СССР; Россия
Һөнәре	футболчы, тренер
Җефет	Әдилә Абделәхәт кызы
Балалар	Марат, Динияр, Данил
Спорт такымы әгъзасы	ЦСКА, Спартак[d], Локомотив, Шинник, Знамә Труда[d] һәм Уничов[d]
	Ринат Билалетдинов Викиҗыентыкта

Википедиядә Билалетдинов фамилияле башка кешеләр турында мәкаләләр дә бар.

Ринат Билалетдинов (1957 елның 17 августында Мәскәүдә туа) – совет һәм Россия футболчысы, тренер. СССРның спорт мастеры, Россиянең атказанган тренеры.

Ринат Сәяр улы Билалетдинов Мәскәүдә, Түбән Новгород татарлары гаиләсендә дөньяга килгән. «Туган як» гәзите хәбәр иткәнчә, аның нәсел тамырлары Суыксу һәм Краснай авылларына барып тоташа.^[1]

Хезмәт юлы[үзгәртү | вики-текстны үзгәртү]

Уенчы буларак карьерасы: футболда тәүге адымнарын «Союз» авиация заводының спорт клубында башлый. Ил футболында уенчы буларак карьерасы «Спартак» (Кострома), «Локомотив» (Мәскәү), «Шинник» (Ярославль), «Орехово» (Мәскәү өлкәсе) командалары белән бәйләнгән. 1993-1995 елларда Чехиянең УНЕКС клубында уйный. Тренерлык эшчәнлеге: 1995 елда Мәскәүгә әйләнеп кайта һәм Тренерларның югары мәктәбен тәмамлый. Соңрак «Спартак-2» клубының балалар спорт мәктәбендә тренер булып эшли. 1997 елда икенче лигадагы МИФИның (Мәскәүдәге Россия футбол клубы) баш тренеры итеп билгеләнә. 2004-2010 елларда – «Локомотив»ның (Мәскәү) дубль составының баш тренеры. 2007 елның ноябрь-декабрь айларында «Локомотив»ның төп командасының баш тренеры вазифаларын башкарып ала. 2010 елда Билалетдинов Россиянең премьер-лигасында уйнаган 30дан артык уенчыны әзерләп биргән өчен Россиянең атказанган тренеры исеменә лаек була. Аның шәкертләре арасында соңрак премьер-лига, беренче дивизион клубларында уйнаучы 3 дистәдән артык футболчы бар. Шуларның берсе – улы Динияр Биләлетдинов. 2014 елның 10 гыйнварыннан Казанның «Рубин» клубын җитәкли, клуб белән килешүе ел ярым вакытка исәпләнгән. Ринат Билалетдинов соңгы елларда футбол эксперты буларак та танылу алды. Аныж кулы астында клуб 2014/15 сезон ахырында 5нче урынга менә һәм Европа Лигасына чыгыш ясау хокукын ала. 2015 елның 15 сентябрендә эштән җибәрелә.