Ринат Галиев (1955)
| Ринат Галиев | |
|---|---|
 | |
| Туган телендәге исеме | Ринат Гайсә улы Галиев |
| Туган | 5 гыйнвар 1955 (71 яшь) СССР, РСФСР, БАССР, Стәрлетамак |
| Ватандашлыгы |  СССР  РФ |
| Әлма-матер | Себер федераль университеты[1] һәм Красноярск дәүләт техника университеты[d] |
| Һөнәре | сәнәгать предприятиесе директоры |
| Бүләк һәм премияләре |    |
Татнефть җитәкчесе белән бутамагыз.
Ринат Галиев, Ринат Гайсә улы Галиев (Ринат Гайсеевич Галиев (Галеев); 1955 елның 5 гыйнвары, СССР, РСФСР, Башкорт АССР, Стәрлетамак) ― россияле сәнәгатькәр, техник фәннәр докторы, 2007 елдан бүгенге көнгә кадәр ― Красноярскиның «Радиосвязь» ФҖП АҖ генераль директоры. Красноярск крае Закон чыгару Җыелышы депутаты (2018―2021). Красноярск краеның мактаулы гражданины (2024). Россия Федерациясенең Хезмәт Каһарманы (2025).
Тәрҗемәи хәле
[үзгәртү | вики-текстны үзгәртү]1955 елның 5 гыйнварында Башкортстан АССР Стәрлетамак районы Левашево авылында (хәзер Стәрлетамак шәһәре микрорайоны) туган. 1970―1974 елларда Стәрлетамак төзелеш техникумында белем алган.
Белеме: югары, техник фәннәр докторы; Красноярск политехник институты, «Сәнәгать һәм гражданлык төзелеше факультеты, кичке бүлек, 1982 ел; Себер федераль университеты, радиотехника факультеты, читтән торып уку бүлеге, 2007 ел; техник фәннәр кандидаты, 2011 ел[2].
Хезмәт юлы
[үзгәртү | вики-текстны үзгәртү]1974―1975 елларда ― «Красноярскпромстрой» трестының СУ-9 мастеры;
1975―1977 елларда Совет Армиясендә хезмәт иткән;
1977―1982 елларда ― Красноярск политехник институтының өлкән инженеры, баш механигы;
1982―1985 елларда ― «Красноярскпромстрой» трестының СУ-9 ПТК идарәсе участогы башлыгы, баш инженеры;
1985―1987 елларда ― Красноярск «Радиотехника заводы» җитештерү берләшмәсе генераль директорының капиталь төзелеш буенча урынбасары;
1988―1990 елларда ― Красноярск телевизорлар заводының конструкторлык бюросы башлыгы урынбасары;
1990―2006 елларда ― «Радиосвязь» фәнни-җитештерү предприятиесе акционерлык җәмгыяте[3] (ФҖП АҖ) генераль директоры урынбасары; 2006―2007 елларда ― баш инженеры; 2007 елдан бүгенге көнгә кадәр ― «Радиосвязь» ФҖП АҖ генераль директоры. 35 елдан артык гомерен Красноярскиның «Радиосвязь» предприятиесен үстерүгә багышлаган. 2007 елдан аның җитәкчелегендә завод дөньякүләм дәрәҗәдәге продукция: тропосфера һәм космик элемтә системалары, иярчен һәм навигация технологияләре җитештерүче әйдәп баручы фәнни комплекска әверелгән[4]. 2022 елда предприятие АКШның санкцион исемлегенә эләккән[5].
Себер дәүләт фән һәм технологияләр университеты профессоры[6].
Җәмәгать эшчәнлеге
[үзгәртү | вики-текстны үзгәртү]- 2018―2021 елларда ― 3нче чакырылыш Красноярск крае Закон чыгару Җыелышы депутаты[7].
- 2015 елдан — «Красноярск крае товар җитештерүчеләре, эшмәкәрләре берлеге» эш бирүчеләрнең коммерцияле булмаган партнерлыгы президенты.
Бүләкләре, мактаулы исемнәре
[үзгәртү | вики-текстны үзгәртү]- 2025 ― Россия Федерациясенең Хезмәт Каһарманы ― күренекле хезмәт казанышлары һәм илнең оборона сәләтен үстерүгә һәм ныгытуга зур өлеш керткән өчен[8]
- 2013 ― «Хәрби казанышлар өчен»[d] ордены (Россия)
- 2021 ― Почет ордены (Россия)
- 2024 ― Красноярск краеның мактаулы гражданины [9]
- күп санлы медальләр[10]
Искәрмәләр
[үзгәртү | вики-текстны үзгәртү]- ↑ https://er.ru/person/e525914f-ac9b-4287-8873-99af29cef923?ysclid=mdrjsfigiy39359107
- ↑ Галеев Ринат Гайсеевич. Newslab.Ru
- ↑ О предприятии. Радиосвязь
- ↑ Виталий Иванов. Ринат Галеев: «Я горжусь своим коллективом и предприятием».(үле сылтама) 1line.info, 25.01.2019
- ↑ Эксклюзивное интервью Рината Галеева. Rutube video, 4.04. 2022
- ↑ Галеев Ринат Гайсеевич: преподаватель в СибГУ им. М.Ф. Решетнева. vuzopedia.ru
- ↑ Депутатский корпус.Третий созыв (2016-2021).(үле сылтама) sobranie.info
- ↑ Галеев Ринат Гайсеевич. warheroes.ru
- ↑ Александра Кравцова. Почетный гражданин Красноярского края Ринат Галеев удостоен звания «Герой Труда РФ». НКК, 23.05.2025
- ↑ Галеев Ринат Гайсеевич. er.ru
Сылтамалар
[үзгәртү | вики-текстны үзгәртү]- Галеев Ринат Гайсеевич. warheroes.ru
- Галеев Ринат Гайсеевич. er.ru
- 5 гыйнвар көнне туганнар
- 1955 елда туганнар
- Әлифба буенча шәхесләр
- Стәрлетамакта туганнар
- Себер федераль университетын тәмамлаучылар
- Красноярск дәүләт техник университетын тәмамлаучылар
- Техник фәннәр докторлары
- Россия Федерациясенең Хезмәт Каһарманнары
- Хәрби казанышлар өчен ордены (РФ) кавалерлары
- Почет ордены кавалерлары
- Бердәм Россия фиркасе әгъзалары
- Шәхесләр:Красноярск