Ринат Сабиров (1967)

Ринат Сабиров
Туган телдә исем	Ринат Касыйм улы Сабиров
Туган	26 июль 1967(1967-07-26) СССР, РСФСР, ТАССР, Казан
Үлгән	24 сентябрь 2022(2022-09-24) (55 яшь) РФ, ТР, Казан
Яшәгән урын	Рихард Зорге урамы
Милләт	татар
Ватандашлыгы	СССР→ РФ
Һөнәре	АҖ генераль директоры
Җефет	Дина
Балалар	улы Тимур, кызы Диана
Бүләк һәм премияләре

Ринат Сабиров, Ринат Касыйм улы Сабиров (1967 елның 26 июле, СССР, РСФСР, ТАССР, Казан – 2022 елның 24 сентябре, РФ, ТР, Казан) – Татарстанның административ-хуҗалык хезмәткәре, ТР фән һәм техника өлкәсендәге Дәүләт премиясе лауреаты (2008 ел), химия фәннәре кандидаты (1995 ел), «Газпром межрегионгаз Казан» АҖ генераль директоры (2020-2022 елларда), «Татнефть» ГАҖ Директорлар советы әгъзасы.

Тәрҗемәи хәле

1967 елның 26 июлендә Казанда туган. «Радиофизика һәм электроника» белгечлеге буенча Казан дәүләт университетының физика факультетын (1991), КДТУ-КХТИ аспирантурасын (1994), шулай ук Колорадо штаты дәүләт университетының (АКШ) «Эшлекле идарә итү остасы» (MBA) программасын тәмамлаган .

Хезмәт юлы

1994 елдан 1996 елга кадәр ― КДТУ-КХТИ физика һәм коллоид химия кафедрасында аспирант, кече фәнни хезмәткәр, ассистент.

1996 елдан 2003 елга кадәр ― «Татнефтехиминвест-холдинг» ААҖ маркетинг бүлегендә баш белгеч, бүлек җитәкчесе.

2003 елның июненнән августына кадәр ― ТР Президенты аппаратының оештыру бүлеге баш референты.

2003 елдан 2006 елга кадәр ― Татарстан Премьер-министрының нефтегаз-химия комплексы мәсьәләләре буенча киңәшчесе.

2006 елдан алып 2010 елга кадәр ― Татарстан Министрлар Кабинеты аппаратының нефтегаз һәм химия комплексы мәсьәләләре буенча бүлек җитәкчесе.

2010 елдан 2020 елга кадәр ― Татарстан Президенты ярдәмчесе.

2020 елның 20 июленнән 2022 елның сентябренә кадәр ― «Газпром межрегионгаз Казан» АҖ генераль директоры. Шулай ук «Татнефть» ГАҖ Директорлар советы әгъзасы.

Бүләкләре, мактаулы исемнәре

• 2008 – Татарстанның фән һәм техника өлкәсендәге Дәүләт бүләге – Татарстан Республикасында җитештерелә торган эре тоннажлы полимерлар нигезендә яңа буын композицион материаллар – динамик термоэластопластлар җитештерүне әзерләүдә һәм оештыруда катнашканы өчен
• 2021 – «ТАССР төзелүгә 100 ел» медале

Гаилә хәле

Хатыны Дина, балалары: улы Тимур һәм кызы Диана.

2022 елның 24 сентябрендә, 55 яшендә, йөрәк авыруыннан Казанда вафат. Шәмсир зиратында җирләнә .

Сылтамалар

• Скончался генеральный директор компании Сабиров Ринат Касимович // АО «Газпром межрегионгаз Казань»
• «Газпром межрегионгаз Казань» җәмгыяте башлыгы Ринат Сабиров вафат булган. Татар-информ, 25.09.2022