Рифат Әхмәдиев

Рифат Әхмәдиев
Туганда бирелгән исеме:	Рифат Хәсән улы Әхмәдиев
Туу датасы:	27 июль 1990(1990-07-27) (35 яшь)
Туу җире:	СССР, РСФСР, ТАССР, Балык Бистәсе районы , Уракчы
Һөнәре:	драма актеры
Гражданлыгы:	СССР РФ
Активлык еллары:	2013―х.в.
Бүләк һәм премияләр:	Дамирә Кузаева исемендәге премия
Рифат Ахмадеев

Рифат Әхмәдиев, Рифат Хәсән улы Әхмәдиев (Рифат Хасанович Ахмадеев, 1990 елның 27 июле, СССР, РСФСР, ТАССР, Балык Бистәсе районы, Уракчы) ― драма актеры, 2013 елдан Әлмәт татар дәүләт драма театры артисты. Дамирә Кузаева исемендәге (2024) һәм «Тантана» (2024) премияләре лауреаты.

Тәрҗемәи хәле

1990 елның 27 июлендә Балык Бистәсе районының татар-рус катнаш Уракчы авылында туган. Гаиләдә 2 малай булганнар. Әтисе Хәсән үзлегеннән баянда уйнарга өйрәнгән.

Авылдагы мәктәптә русча белем алган (татар теле һәм әдәбияты да кергән). Авыл мәктәбен тәмамлагач, Казан театр училищесына укырга кергән (Россия Федерациясенең атказанган сәнгать эшлеклесе (2010) Фәрит Рәфкать улы Бикчәнтәев курсы). 2013 елда Казан театр училищесын тәмамлаган һәм Әлмәт татар дәүләт драма театрына кабул ителгән.

Ырынбур дәүләт сәнгать институтында^[d] югары белем ала (режиссер профессор Булат Батыр улы Хәйбуллин курсы).

Иҗаты

2017 елда Әлмәт шәһәр башлыгы тарафыннан тапшырылучы «Ел актеры» премиясе лауреаты булган. 2024 елда Әлмәт татар драма театры актерлары составында «Иң яхшы актерлар ансамбле» номинациясендә «Тантана» республика театр премиясе лаек булган. 2024 елда Әлмәт театрының Дамирә Кузаева исемендәге премиясетапшырылган.

Иң яраткан рольләре ― Хәйбулла («Кызлар килде авылга»), Әбүзәр («Кар астында кайнар чишмә»), Илшат («Синсез килгән язлар»).

Уйнаган рольләре

• Мортай ― «Кыю кызлар» (Т. Гыйззәт),
• Самсон ― «Ромео һәм Джульетта» (У. Шекспир),
• Айдар ― «Амазонка» (И. Зәйниев),
• Сөләйман ― «Аршин мал алан» (Г. Хаҗибәков),
• Гном, Шамакай ― «Елның дүрт фасылы» (Р. Фәтхиев),
• Галим ― «Диләфрүзгә дүрт кияү» (Т. Миңнуллин),
• Бертуганның улы ― «Бистә фәрештәсе» (Б. Брехт^[d]),
• Ваня ― «Как прожить без взрослых» (Т. Воронина),
• Официант ― «Качаклар» (Н. Исәнбәт),
• Былтыр ― «Шүрәле-шоу» (Э. Шахов),
• Әбүзәр ― «Кар астында кайнар чишмә» (А. Гыйләҗев),
• Валер ― «Әҗәлгә дару бар диләр» (Ж. Б. Мольер),
• Якуб ― «Тыкрыкта булды бу хәл» (З. Хәким),
• Равил (физрук) ― «Сагынуларга ни чара» (И. Зәйниев),
• Илшат ― «Синсез килгән язлар» (З. Кадыйрова),
• Хәйбулла ― «Кызлар килде авылга» (Н. Гаетбай),
• Ифрит ― «Ак бүре соры буре» (А. Садриев)
• Салават ― «Хыял йорты» (И. Зәйниев),
• Виктор ― «Син кайда идең?» (Я. Пулинович),
• Курчак hәм авыл кешесе ― «Микулай» (М. Гыйләҗев),
• Тимерхан ― «Йөрәк сере» (Л. Әминова),
• Заман ― «Җил артыннан» (М. Спенглер, Х. Хоссейни^[d]),
• Милиционер ― «Агыйделнең аръягында» (Х. Сарьян),
• Тимур ― «Ана җыры» (З. Хәким),
• Нургали, Листунов ― «Ат карагы» (Т. Миңнуллин),
• Хамис ― «Бер хыянәт тарихы» (Р. Сабыр),
• Хәсән Минханов ― «Нечкәбил» (М. Гыйләҗев),
• Милиционер ― «Йорт» (Р. Сабыр),
• Рафаэль ― «Сөюгә сусаганнар» (Р. Насыйбуллина), һ.б.

Фильмография

• 2021 ― «Исәнмесез» (рус. Живы ли вы; режиссёр Илдар Ягъфәров фильмы, сценарий авторы Мансур Гыйләҗев) ― Тамерланның улы

Бүләкләре, мактаулы исемнәре

• 2017 ― Әлмәт шәһәр башлыгы тарафыннан тапшырылучы «Ел актеры» премиясе лауреаты ― А. Гыйләҗевның «Кар астында кайнар чишмә» спектаклендә Әбүзәр роле өчен (Булат Хәйбуллин сәхнәләштергән )
• 2024 ― Әлмәт татар драма театры актерлары составында «Иң яхшы актерлар ансамбле» номинациясендә «Тантана» республика театр премиясе ― Туфан Миңнуллин пьесасы буенча Айдар Җаббаров куйган «Ат карагы» спектакле өчен
• 2024 – Дамирә Кузаева исемендәге премия – иҗади активлыгы һәм профессионализмы өчен

Шәхси тормышы

Тышкы рәсемнәр
	Гаиләсе белән фотосурәте.

Өйләнгән. Хатыны Ләйсән Рафаэл кызы (Заһидуллина, 1994 елның 3 маенда Спас районы Ямбакты авылында туган), 2014 елдан Әлмәт театры актрисасы . Кызлары Таңсылу.

Сылтамалар

• Ахмадиев Рифат Хасанович. almetteatr.ru