Рөстәм Галиуллин

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Рөстәм Галиуллин latin yazuında])
Навигациягә күчү Эзләүгә күчү
Рөстәм Галиуллин
Рөстәм Галиуллин.jpg
Тугач бирелгән исеме: Рөстәм Госман улы Галиуллин
Туу датасы: 26 ноябрь 1987(1987-11-26) (33 яшь)
Туу урыны: СССР, РСФСР, ТАССР Арча районы, Наласа
Милләт: татар
Ватандашлык: ССБР байрагы СССР
Русия байрагы РФ
Эшчәнлек төре: язучы, галим
Иҗат итү еллары: 2005х. в.
Юнәлеш: проза
Иҗат итү теле: татар теле
Дебют: «Гипнозчы малай» китабы (2008, ТКН)
Премияләр: Муса Җәлил премиясе

Рөстәм Галиуллин, Рөстәм Госман улы Галиуллин (1987 елның 26 ноябре, ТАССР, Арча районы, Наласа) — язучы, «Идел» журналы баш мөхәррире (20112014), ТР ФА Тел, әдәбият һәм сәнгать институтының өлкән фәнни хезмәткәре, гыйльми сәркатибе (20152018). 2018 елдан «Казан утлары» журналының баш мөхәррире. Муса Җәлил премиясе лауреаты (2015). ТР журналистлар (2009 елдан) һәм язучылар (2009 елның 22 сентябреннән) берлекләре әгъзасы. Филология фәннәре кандидаты (2012).

Тәрҗемәи хәле[үзгәртү | вики-текстны үзгәртү]

1987 елның 26 ноябрендә Татарстан АССР Арча районы Наласа авылында укытучылар гаиләсендә туган. Наласа урта мәктәбен, Казан дәүләт университетының татар филологиясе һәм тарихы факультетын кызыл дипломга (2009), КДУ аспирантурасын тәмамлаган. «Тәүфикъ Әйди иҗаты: жанр типологиясе һәм образлар корылышы» (Творчество Тауфика Айди : жанровая типология и система образов) темасына филология фәннәре кандидатлыгына диссертация яклаган (2012, фәнни җитәкчесе проф. Т.Н. Галиуллин)[1].

Хезмәт юлы[үзгәртү | вики-текстны үзгәртү]

КДУда укыган вакытта ук «Чаян» журналында, «Шәһри Казан» газетасында эшли.

Иҗаты[үзгәртү | вики-текстны үзгәртү]

Казан дәүләт университетында укыган елларда «Әллүки» әдәби-иҗат берләшмәсенә йөри һәм иҗат дөньясына тартыла. 2005 елдан юморескалары, хикәяләре «Сабантуй» газетасында, «Чаян» журналында, соңрак «Казан утлары», «Идел», «Мәйдан» журналларында, «Шәһри Казан», «Ватаным Татарстан», «Мәдәни җомга», «Татар дөньясы» (Мәскәү) газеталарында басыла.

2008 елда беренче китабы — «Гипнозчы малай» (Казан: ТКН) дөнья күрә.

Хикәяләре рус телендә «Литературная газета», "Аврора", «Татарский мир», «Наш современник» һ. б. басмаларда басыла.

Татарстан китап нәшриятында басылган Тәүфикъ Әйдинең дүрттомлык “Сайланма әсәрләре”н (2015), “Шәхесләребез” сериясендә дөнья күргән “Таҗетдин Ялчыгол: тарихи-документаль җыентыгы”н (2019) һ. б. фәнни һәм фәнни-популяр китаплар, җыентыкларны төзүчеләрнең берсе. Аның тәрҗемәсендә В. Аксеновның “Ленд-лиз балалары” (2016, Татарстан китап нәшрияты) һәм А. Егинның “Үзбәк хан” романнары (2016) аерым китап булып чыкты. Айдар Сәхибзадәнең “Апологет” (2008), Рауль Мир-Хәйдәровның “Мартук” (2009), “Җәяүле сәйран” (2010), “Җәяүле татар” (2011), ”Диңгез аша ялгыз” (2013), Салават Юзеевның “Үлгәннәрне бүлдермә” (2012), Рөстәм Вәлиевнең “Дөнья гаме” (2016) һ. б. авторларның роман-повестьлары аның тәрҗемәсендә төрле журнал-газеталарда басылды.

Рөстәм Галиуллин әсәрләре инглиз, төрек, казакъ, кыргыз, азәрбәйҗан, рус, якут, башкорт һ. б. телләргә тәрҗемә ителеп, дөнья күргән.

2016 елда «Ата hәм ул» әсәре «Русия халыкларының бүгенге прозасы» антологиясенә тәкъдим ителде[4].

Татарстан китап нәшриятында басылып чыккан “Гипнозчы малай” (2008), “Юлларда җил ак иде...” (2012) һәм “Васыять” (2017), Мәскәүдә рус телендә дөнья күргән “Одиночество” (2013) проза китаплары, “Тәүфикъ Әйди иҗаты: образлар системасы һәм жанр типологиясе” монографиясе (2016) авторы.

Бүләкләре, мактаулы исемнәре[үзгәртү | вики-текстны үзгәртү]

  • 2006 — «Иделем акчарлагы» бәйгесендә I урын.
  • 2007 — «Иделем акчарлагы» бәйгесендә Гран-при.
  • 2007Арча районы якташлыгы җәмгыяте премиясе.
  • 2009 — «Бәллүр каләм» бәйгесе җиңүчесе («Дебют» номинациясендә).
  • 2009Гариф Ахунов премиясе (Арча районы).
  • 2009 — ТР хөкүмәте гранты.
  • 2011 — ТР яшьләр, спорт һәм туризм министрлыгы һәм ТР татар-башкорт көрәше федерациясе уздырган әдәби конкурста III урын («Чәчмә әсәр» номинцаиясендә).
  • 2015Муса Җәлил премиясе — «Юлларда җил ак иде» китабы һәм татар әдәбиятын үстерүгә керткән хезмәте өчен» [5][6].
  • 2017 — Авыл хуҗалыгы һәм азык-төлек министрлыгы уздырган әдәби конкурста "Дәвам" хикәясе өчен 1 нче урын.

Гаиләсе[үзгәртү | вики-текстны үзгәртү]

Хатыны Эльвира, улы Ирхан, кызы Камилә.

Әдәбият[үзгәртү | вики-текстны үзгәртү]

  1. Рәшит Галләм һ.б. Гасырларны кичкән Наласа (мөхәррир-төзүче Исрафил Насыйбуллин). Казан: Ихлас, 2012
  2. Ак юл. Яшь язучылар иҗаты (төзүчеләр Р. Зәйдулла, В. Нуриев). Казан: «Идел-Пресс» ПНК, 2012. ISBN 978-5-4428-0003-6

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

https://starodymov.ru/?p=4697