Сарман районы байрагы

Сарман районы байрагы

Татарстан Республикасы
Россия Федерациясе
Раслау вакыты	2 март 2006
Дәүләт геральдик регистрында номер	2294
Байрак авторы	Р. Хәйретдинов, Р. Салихов, И. Миңнуллин, К. Мочёнов, О. Афанасьева, К. Переходенко
Идея флага	Р. Ямашев Э. Әскарова
Нисбәте	2:3

Сарман районы байрагы (рус. Флаг Сармановского района) — Татарстанның Сарман районы рәсми символларының берсе (байрак). Байрак турында нигезләмә һәм байракның тасвирламасы 2006 елның 2 мартында Сарман муниципаль районы район шурасының 52нче карары белән раслана.
РФ дәүләт геральдика регистрына 2294нче сан белән,
Татарстанның геральдика реестрына 43нче сан белән теркәлгән.

Тасвирлама

Сарман районы байрагы киңлеге озынлыгына 2:3 нисбәттә булган туры почмаклы, яшел тукымадан гыйбарәт. Сапка якын урнашкан һәм тукыманың буш кырына (сапка каршы якка) кадәр сузылучы кызыл, өчпочмаклы чөйгә фигурасы тукыма киңлегенең 2/3 өлешен алып торучы сары сандугач сурәтләнгән

Символлар нигезләмәсе

Байрак район гербына нигезләнеп эшләнгән, символлар теле белән һәм аллегорияләр ярдәмендә район халкының мәдәни, табигый һәм икътисади үзенчәлекләрен чагылдыра.

Район байрагында сурәтләнгән сандугач образы күтәрелеш, иҗат итү символы булып тора. Җырлаучы сандугач җирле халыкның мәдәният һәм сәнгать өлкәсендәге уңышларын күрсәтә. Кошлар кешеләрдә һәрвакыт гадәти булмаган хисләр тудыра; җирдән күтәрелеп күккә оча алулары рухи үсеш һәм иҗат белән бәйле сыйфатларга ия, дип исәпләнгән.

Җирлеккә кергән кызыл чөй алга омтылыш, халыкның хезмәт сөючәнлеге, ныклыгы, оптимизмы белән ирешелә торган үсеш һәм камилләшү юлын тасвирлый.

Районның икътисади үсеше, аның хуҗалык итүенең нигезе булган авыл хуҗалыгы табигать, сәламәтлек, уңдырышлылык һәм үсеш символы булган яшел төс белән күрсәтелгән.

Сары төс (алтын төсе) — байлык, тотрыклылык, ихтирам һәм акыл символы.

Авторлар

Байрак Татарстан Республикасы Президентының Геральдика шурасы һәм РФ Геральдистлар берлеге тарафыннан эшләнгән.

Идея авторлары

• Раил Ямашев (Җәлил)
• Эльмира Әскарова (Сарман)

Байракның эскизларын әзерләүдә Җәлилдән үзешчән рәссам Раил Ямашев күп көч куя: 50 ләп эскиз ясый. Авторлар группасының ин актив әгъзасы Р. Ямашев яңа гербны һәм байракны район Советы утырышына кертер алдыннан (2006) вафат була.

Геральдик яктан төгәлләү төркеме

• Рамил Хәйретдинов (Казан)
• Радик Салихов (Казан)
• Илнур Миңнуллин (Казан)
• Константин Мочёнов (Химки)
• Оксана Афанасьева (Мәскәү)
• Кирилл Переходенко (Конаково)

Моны да карагыз

• Татарстан байраклары
• Сарман районы гербы

Әдәбият

1. Татарстан Республикасының геральдик мирасы. Геральдическое наследие Республики Татарстан. М.: Регионсервис, 2012, стр. 270—273. ISBN 978-5-9902751-2-6

Сылтамалар

• Флаг Сармановского муниципального района Республики Татарстан. Союз геральдистов России(рус.)
• Татарстан Республикасы Сарман муниципаль районы байрагы. 2020 елның 7 август көнендә архивланган. Рәсми Татарстан порталы(тат.)(рус.)