Саша Старович

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Саша Старович latin yazuında])
Саша Старович
Туган 19 октябрь 1988(1988-10-19) (35 яшь)
Гацко, Босния һәм Герцеговина, ЮСФҖ
Ватандашлыгы Сербия байрагы Сербия
Һөнәре волейболчы
Спорт такымы әгъзасы Verona Volley[d] һәм Panathinaikos V.C.[d]

 Саша Старович Викиҗыентыкта

Саша Старович (серб. Саша Старовић / Saša Starović; 1988 елның 19 октябре, Гацко) — серб волейболчысы, диагональ, Европа чемпионы (2011).

Спорт карьерасы[үзгәртү | вики-текстны үзгәртү]

Саша Старович босниянең «Гацко» клубы командасында уен карьерасын башлап җибәрә, 2006 елдан Подгорицаның «Будучност» клубы өчен чыгыш ясый. 2009 елда Италиянең «Лубе» (Мачерата) клубы белән контрактка кул куя, ләкин аренда хокукларында бер сезонны Уфаның «Урал»ында уздыра[1], шуннан соң Италиянең «Латин»ына күчә[2]. 2010/11 еллар сезоны нәтиҗәләре буенча А1 Италия сериясенең иң нәтиҗәле уенчысы була һәм Андрей Кузнецов[калыпны мәкаләдән алып куярга] истәлеге бүләген ала[3].

2012 елда Мачерата командасы составында Италия Суперкубогы иясе һәм милли Кубок финалчысы була. Соңыннан янә «Латин» һәм Апеннинның «Верона» һәм «Милан» клублары өчен чыгыш ясый. 2015/16 еллар сезонында «Верона» белән бергә Чакыру кубогын яулый. 2017 елда ПАОК (Сәләник) составында Греция чемпионы була. 2019 елның февралендә карьерадагы тәнәфестән соң, «Ярославич» белән контракт төзеп, волейболга әйләнеп кайта[4].

Сербия җыелма командасында Саша Старович 2007 елда Дөнья лигасы ярышларында беренче тапкыр катнаша, ә сезон дәвамында Европа чемпионатының бакыр медаленә ия була. Өч тапкыр (2008, 2009 һәм 2015 елларда) ул Дөнья лигасының көмеш призёры була; 2010 елда бу турнирның бакыр медален яулый һәм «Алты финал»ның иң нәтиҗәле уенчылары исемлегендә өченче урынны ала. Шул ук елны Италиядә узган дөнья чемпионатының бакыр призёры була.

Саша Старович ике Олимпия уеннарында чыгыш ясый: 2008 елда Пекинда ул Иван Милькович, ә 2012 елда Лондонда Александр Атанасиевич белән уен вакытын бүлешә.

2011 елда Австриядә һәм Чехиядә узган Европа чемпионатында алтын медаль яулый.

Казанышлар[үзгәртү | вики-текстны үзгәртү]

Җыелма команда составында[үзгәртү | вики-текстны үзгәртү]

  • Дөнья чемпионатының бакыр призёры (2010).
  • Европа чемпионы (2011), Европа чемпионатларының бакыр призёры (2007, 2013).
  • Дөнья лигасының Көмеш (2008, 2009, 2015) һәм бакыр (2010) призёры.

Клублар составында[үзгәртү | вики-текстны үзгәртү]

  • Черногория чемпионы (2006/07, 2007/08), Черногория чемпионатының көмеш призёры (2008/09).
  • Черногория Кубогы иясе (2007, 2008).
  • Италия чемпионатының бакыр призёры (2012/13).
  • Италия Суперкубогы иясе (2012).
  • Греция чемпионы (2016/17).
  • Чакыру кубогы иясе (2015/16), Чакыру кубогы финалчысы (2013/14).

Искәрмәләр[үзгәртү | вики-текстны үзгәртү]

  1. Волейболист сборной Сербии Старович продолжит карьеру в «Урале». «Советский спорт» (2009-08-19). әлеге чыганактан 2013-12-13 архивланды. 2012-10-04 тикшерелгән.
  2. Старович переходит в Латину. Официальный сайт ВК «Урал» (2010-05-31). әлеге чыганактан 2012-05-09 архивланды. 2012-10-04 тикшерелгән.
  3. Martedм 20 settembre su RAI Sport 1 in onda la Presentazione del 67° Campionato. I Premi di Lega 2010/11. Официальный сайт итальянской лиги (2011-09-16). әлеге чыганактан 2012-10-25 архивланды. 2012-10-04 тикшерелгән.
  4. «Ярославич» подписал серба Старовича. «Бизнес Online» (2019-02-15). 2019-03-10 тикшерелгән.

Сылтамалар[үзгәртү | вики-текстны үзгәртү]