Сергей Погодин

Сергей Погодин
Туган телдә исем	Сергей Николай улы Погодин
Туган	22 март 1956(1956-03-22) (68 яшь) ССРБ, РСФСР, Хабаровск
Милләт	рус
Ватандашлыгы	ССРБ ССРБ РФ
Һөнәре	ТР хәрби комиссары
Бүләк һәм премияләре	2 дәрәҗә "Ватан алдында казанышлары өчен" ордены
Сайт	Военком Сергей Погодин

Сергей Погодин, Сергей Николай улы Погодин (рус. Сергей Николаевич Погодин, 1956 елның 22 марты, ССРБ, РСФСР, Хабаровск) — генерал-майор (2001 елдан), Татарстан Республикасының хәрби комиссары (2006 елдан). 1977 елдан 2006 елга кадәр Ерак Көнчыгыш, Киев хәрби округларында, Алманиядә совет гаскәрләре төркемендә, Байкал арты һәм Төньяк Кавказ хәрби округларында хезмәт итә. Взвод командирыннан армия командующие урынбасарына кадәр хәрби хезмәтнең барлык баскычларын уза.

Тәрҗемәи хәле

1956 елның 22 мартында Хабаровскида туган. Киев югары гомумигаскәр командирлар укуханәсен (1977), М. В. Фрунзе исемендәге Хәрби академияне (1987), РФ Коралы Көчләренең Генераль штабы Хәрби академиясен (1999) тәмамлаган.

Хезмәт юлы

1977—1982 елларда — Алманиядә совет гаскәрләре төркемендә: мотоукчы взводы командиры, мотоукчы ротасы командиры.

1982—1987 елларда — Киев хәрби округында: мотоукчы батальоны командиры урынбасары.

1987—1997 еллларда — Байкал арты хәрби округында: танк ут нокталары аерым батальоны командиры, штаб башлыгы – мотоукчы полк командиры урынбасары, пулемет-артиллерия дивизиясенең мотоукчы полкы командиры, армия корпусының аерым мотоукчы бригадасы командиры.

1999—2006 елларда — Кавказ арты хәрби базасы командиры, Төньяк Кавказ хәрби округы 58нче армия сәргаскәре урынбасары.

2002—2003 елларда Төньяк Кавказда террорчылыкка каршы операциядә катнаша.

РФ Президентының 2006 елның 2 мартындагы 235нче санлы Указы белән Татарстан Республикасының хәрби комиссары итеп билгеләнә.

Хәрби һәм махсус исемнәр

«Генерал-майор» хәрби исеме РФ Президентының 2001 елның 22 февралендәге 217нче санлы Указы белән бирелә.

Бүләкләре, мактаулы исемнәре

• Почет ордены (РФ)
• II дәрәҗә Ватан алдындагы хезмәтләр өчен ордены медале
• «Сугышчан казанышлары өчен» ордены (РФ)
• «Татарстан Республикасы алдындагы казанышлар өчен» орденының медале
• унтугыз ведомство бүләге

Гаиләсе

Өйләнгән, бер улы.

Әдәбият

1. Военком Погодин: «Всегда помните, что вы из Татарстана!» «Казань», 2019, декабрь, стр.46-50.(рус.)

Сылтамалар

• Сергей Николай улы Погодин. 2019 елның 25 декабрь көнендә архивланган. Татарстан Республикасы хәрби комиссариаты сайты
• Военком Татарстана о дедовщине: «У меня таких примеров нет!» БИЗНЕС Online, 1.04.2016(рус.)