Смешариклар

Смешариклар
Туган телендәге исеме	рус. Смешарики ингл. Kikoriki
Сайт	http://smeshariki.ru/
Смешариклар Викиҗыентыкта

Смешариклар (рус. Смешарики, ингл. Kikoriki) — Россия мультипликацион сериалы.

«Смешариклар» сериалы — Олы Дөньядан диңгез, чүл, урман һәм тау белән аерылган Смешариклар Илендә яшәүче шарсыман җан ияләренең тормыш маҗаралары хакында сөйли. Смешариклар бергәләшеп, дуслашып яшиләр, төрле көнкүреш эшләр белән шөгыльләнәләр, кайвакыт кызык яки сәер хәлләргә дә эләгәләр.

Төп сериал 450 сериядән тора, алар арасында мавыктыргыч та, җитди һәм фәлсәфи темаларны тасвирлаганнары да бар. Шунлыктан сериалны балалар да, өлкән яшьтәгеләр дә карый. Серияләрнең озынлыгы 6 минут 30 секундтан алып 13 минутка кадәр. Кайбер серияләр 2 кисәктән торалар, «Күбәләк эффекты» — өчтән. Төп сериалга өстәмә булып «Смешариклар. Башлану» һәм берничә белем бирүче юнәлештәге серияләр бар («Пин-код», «Әлифбалар»). Мультфильм нигезендә «Шарарам» күпкулланучылы уены эшләнгән.

Мультфильм 60 илдә күрсәтелгән, 15 телгә тәрҗемә ителгән.

Төп каһарманнар

Һәр смешарик шар формасында була һәм берәр җанварга охшап тора, шулай ук аның үз тормыш тарихы һәм үз холкы бар. Смешариклар арасында тискәре каһарманнар юк диярлек, булганнары да — берничә сериядә генә күренә.

Даими каһарманнар яше буенча шартлы рәвештә ике төркемгә бүленә: «балалар» (Бәрәш, Нюша, Куяш, Керпе, Биби) һәм «олылар» (Карыч, Ябалак, Копатыч, Пин, Пошаш). «Балалар» нигездә уеннар һәм күңел ачу белән мәшгуль (гәрчә кирәк булганда җитди эшләрдә дә катнаша), а «олылар» — эшлиләр (Пошаш — фәнни тикшерүләр үткәрә, Пин — техника белән, Копатыч — авыл хуҗалыгы өлкәсендә). Өлкән буын шулай итеп «балалар» хакында хәстәрли, белем һәм тәрбия бирә, ә «балалар» исә олыларның абруен таный, әмма үзләрен иркен итеп тота.

Куяш (ингл. Krash, рус. Крош)

Мәскәүдәге «Октябрь» кинотеатрында Куян сыны

Зур колаклы зәңгәрсу төстәге куян, холерик. Гел яхшы кәефтә булып йөри. Күңелле, актив һәм максатка омтылышлы, әмма шул ук вакытта сөмсез, ыгы-зыгы килүчән һәм әңгәмәдәшне бүлдерүчән. Яңа һәм гадәти булмаган әйберләргә ябышучан, тиз мавыгып китә. Маҗаларга булган тартылуы, җавапсызлыгы, алдан күрә белмәүчәнлеге һәм какшамас оптимизмы аны Керпене ияртеп төрле авантюраларга керергә этәрә. Гипноз астында оча ала («Иллюзионист» сериясе). Аның яхшы хәтере һәм «Радиоэлемтэ инженеры» («Борыңгы хәзинәләр сере» сериясе) дәрәҗәсе бар.

Керпе (ингл. Chiko, рус. Ёжик)

Куе кызыл төсле керпе, Куяшның иң яхшы дусты, флегматик. Күзлек киеп йөри. Үз дустыннан аермалы Керпе яхшы тәрбияле, акыллы һәм сакланучан. Керпе аз гына акрын, оялчан, барсы да тыныч булганны ярата. Кәнфит тышлыкларын һәм кактусларны туплый, тәртип ярата. Шулай ук бәхәсләшеп беткәннәрне килештерә белә.

Бәрәш (ингл. Wally, рус. Бараш)

Аксыл шәмәхә төсле бәрән. Меланхолик, шагыйрь. Тирә-яктагы кешеләрдән күп игътибар таләп итә. Еш кына башкалар өчен кайгырып тора. Лунатизм авыруы белән интегә, гәрчә йокламаган вакытта биеклектән курка. Ышандыручан, амулетларның куәтенә ышана. Йокыдан соң уяна, ә кичен төн уртасына кадәр утыра ала. Өендә даими «иҗади тәртипсезлек» күзәтелә. Серле һәм кинәт килеп чыгучы белемнәргә ия: берничә тел («Барсын оныту») һәм бәйли белү («Парлы микърамә»). «Пин-код»та фәннәргә карата тискәре фикер йөртә. Нюшага гашыйк.

Карыч (ингл. Carlin, рус. Кар Карыч)

Үткәне кызык булган ата карга: ул күп сәяхәт итте, циркта чыгыш ясады. Чит илдән чыгышлы, үз фамилиясе «фон Кар» була. Рәссам, музыка остасы һәм җырчы. Сангвиник. Оптимист. Карыч үз гомерендә булган хәлләр турында сөйләргә ярата. Смешариклар аны хикмәт һәм бай тормыш тәҗрибәсе өчен хөрмәт итәләр, еш кына аңа киңәш өчен мөрәҗәгать итәләр. Тормышындагы иң зур казанышы Гудини күрсәткән трюк кабатлау булды. Гипноз остасы. Аңа бөтенесе үз серләрен ышанып сөйли.

Копатыч (ингл. Berry, рус. Копатыч)

Соры аю, барлык Смешариклар өчен җимеш һәм яшелчә үстерүче бакчачы абый. Авыр хәлләрдә барсын үз контроль астына ала, күңел ачу һәм бәйрәмнәрне сөйми, әмма бөтен спорт төрләре буенча ярсу фанат булып тора. Кышын йоклап ята, гәрчә гел алай итми. Аның әтисе бакчачылык һәм башка «тыныч» шөгыльләнүләрне «чын аю»га хас түгел дип саный. Шуңа күрә Копатыч әтисенә алар белән мавыгуы хакында белдерми.

Нюша (ингл. Rosa, рус. Нюша)

Дуңгыз баласы, хатын-кыз затыннан, сангвиник. Гүзәл, зифа һәм мөлаем. Чибәр принцессалар турында әкиятләрне ярата. Киену модасын даими күзәтеп бара. Игътибар үзәгендә булырга ярата, кызыксынучан. Бәрәш белән катлаулы мөнәсәбәттә тора: бер яктан аның белән дуслыкта, икенче яктан — аны үз максатында куллана.

Пошаш (ингл. Dokko, рус. Лосяш)

Поши — галим, ул җитди рәвештә астрономия, биология, химия, физика белән шөгыльләнә һәм башка фәннәр белән кызыксына. Мөгезләр озынлыгы белән акыл бәйләнеше турындагы тикшерү өчен ул Нобель премиясенә лаек булды. Чынбарлыкка ышанучы. Барсын да фән күзлегеннән аңлатырга тырыша. Смешариклар арасыннан иң акыллысы, китаплар укырга ярата. Сангвиник.

Пин (ингл. Otto, рус. Пин)

Ачышлар ясаучы пингвин, алман акценты белән сөйләшә. Сангвиник. Суыткычта йоклый. «Смешариклар. Башлану» фильмында музей сакчысы булган. Күп роботлар, шул исәптә Тимердән ясалган бала караучысын һәм Бибине, ясаган. Пин өендә тәртипсезлек, әмма Пин аны бетерергә тырыша. Пин хөрмәтенә «Пин-код» сериалы аталган. Аның бер аерым ангар һәм зур файдалы әйберләр чүплеге бар.

Ябалак (ингл. Olga, рус. Совунья)

Шәмәхә төсле ябалак. Элек ул физкультура укытучысы булып эшләгән, спорт һәм саф һава ярата. Сангвиник. Медицина белемнәре бар, Смешарикларда табибә һәм шәфкать туташы булып йөри. Барлык Смешарикларның саулыгын кайгырта, даими рәвештә сәламәт тормыш алып барырга һәм физик күнегүләр ясарга өнди. Хуҗабикә, өен тазалыкта һәм пөхтәлектә тота. Тәмле бәлешләр пешерә, зур тормыш тәҗрибәсенә ия. Йомшак күңелле, пыяла шар ярдәмендә киләчәкне юрый ала. Машина йөртә белә.

Биби (ингл. Robo, рус. Биби)

Пин ясаган робот, алар аталы-уллы булып санала. Биби кешечә сөйләшә белми, сигналлар белән генә аралаша, әмма шул ук вакытта акыллы һәм укый-яза белә. Вакытның күп өлешен үз эшләре белән шөгыльләнеп галәмдә уздыра, ләкин вакыт-вакыт Смешариклар белән күрешер өчен кайта һәм Пингә фотосурәтләр белән хатлар җибәреп тора.

Серияләр исемлеге

1 сезон
№	Серия саны	Чыгарылу елы
1	Эскәмия	2003
2	Нюша өчен шаһзадә	2003
3	Фанерадан ясалган кояш	2003
4	Иске ел кая китә?	2003
5	Хырылдап йоклауның энергиясе	2004
6	Тимердән ясалган бала караучы	2004
7	Язмыш бүләге	2004
8	Кем беренче?	2004
9	Әдәпсез	2004
10	Онытылган вакыйга	2004
11	Рояль	2004
12	Дусларны тиз генә җыю ысулы	2004
13	Телеграф	2004
14	Тупланма	2004
15	Лили	2004
16	Кулчатырның килеп чыгышы	2004
17	Ля	2004
18	Әдәпле җәмгыятькә керү юлы	2004
19	Нюшаның туган көне	2004
20	Гольф уены	2004
21	Өнемме-төшемме	2004
22	Гасыр вакыйгасы	2004
23	Ничек йолдыз булырга	2004
24	Куянның яңа тешләре	2004
25	Балласт	2005
26	Яхшы ял итү сере	2005
27	Суда коенып чыгу	2005
28	Матурлык	2005
29	Соңгы салават күпере	2005
30	Зур узышлар	2005
31	Магнетизм	2005
32	Яшерен җәмәгать	2005
33	Таулар һәм кәнфит	2005
34	Бөтенесенә кирәк булган	2005
35	Акыллылык өстенлеге	2005
36	Тере сәгать	2005
37	Бу татлы «бал» сүзе	2005
38	Уйна, гармония!	2005
39	Бөти	2005
40	Нюша өчен хәвеф	2005
41	Бәләкәй зур диңгез	2005
42	«Кыш Бабай» операциясе	2005
43	Сезнең хакта йолдызларда уйлап утыралармы?	2005
44	Күңелле хәбәрләр	2005
45	Күбәләк	2005
46	Археология	2005
47	Метеорология	2005
48	Диско биючесе	2005
49	Сериал	2006
50	Озак балык тоту	2006
51	Ремонт — күмәк эш ул!	2006
52	Вәгъдә	2006

2 сезон
№	Серия саны	Чыгарылу елы
53	Педагогия поэмасы	2006
54	Сау бул, Бәрән!	2006
55	Мисс Галәм	2006
56	−41 °C	2006
57-58	Футбол. 1-2 таймнар	2006
59	Томау	2006
60	Йокы хуҗасы	2006
61	Башта сүз булган…	2006
62	Копатычның умарталары	2006
63	Гаделлек көне	2006
64	Кордебалет	2006
65	Сәләт	2006
66	Зур байлык	2006
67	Тәрбиясез клон	2006
68	Төп инстинкт	2006
69	Май чабу бәйрәме	2006
70	Керпедзе	2006
71	Шигырь иҗат итү нинди кызык	2006
72	Керпе һәм сәламәтлек	2006
73	Биби һәм аның әтисе	2006
74	Искиткеч шәп әйберем	2006
75	Прогресс этәргече	2006
76	Маскарад	2006
77	Бойкот	2006
78	Биби каникулда	2006
79-80	Галәм сәяхәте. 1-2-нче эпизодлар	2006
81	Ямьсез сынамыш	2006
82	Шәхси тормыш	2007
83	Хатлардагы роман	2007
84	Кар бар, чыршы юк	2007
85	Аның исеме Нюша иде	2007
86	Томанлыктагы Керпе	2007
87	Бикләнеп	2007
88	Язмыш юллары	2007
89	Трюфель гөмбәсе	2007
90	Тормышчан	2007
91	Исемсез	2007
92	Теләкләр кая алып китә	2007
93	Җир кырые	2007
94	Уңайсызлык вакыты	2007
95	Кулинария	2007
96	Гудини сере	2007
97	Күңелсезлек бүлмәсе	2007
98	Вестибуляр аппарат	2007
99	Плутон каһарманы	2007
100	Яшәү мәгънәсе	2007
101	Чын кыйммәтләр	2007
102	Бәхетаткыч	2007
103	Лабиринт	2007
104	Дуслар нигә кирәк?	2007

3 сезон
№	Серия саны	Чыгарылу елы
105	Көлү бүлмәсе	2007
106	Яңа ел почтасы	2007
107	Дошман булмаганда үз-үзеңне саклау	2007
108	Иң мөһиме	2007
109	Югалган гафу үтенүләр	2007
110	Ялгызлык хакы	2007
111	Мөмкин түгел	2008
112	1 апрель	2008
113	Керпе өчен бишек җыры	2008
114	Беркемсез	2008
115	Атаклы көн	2008
116	Барсын оныту	2008
117	Уен	2008
118	Марафон йөгерүче	2008
119	Безнең Олимпия чемпионы	2008
120	Комментатор	2008
121	Яхшылык, яманлык һәм кызлар	2008
122	Ахырзаман	2008
123	Чияләр бакчасы	2008
124	Көлү бүлмәсе	2008
125	Театр	2009
126	Яшьлек төнәтмәсе	2009
127-129	Карчык эффекты. 1-3 кисәкләр	2009
130	Кызыл китап	2009
131	Таулар гына	2009
132	Тузан суыргыч	2009
133	Сомнамбула	2009
134	Тыелган җимеш	2009
135	Бар да әйт	2009
136	Һинд чәе	2009
137	Уйнап бетерик әле	2009
138	Нюша өчен диета	2009
139	Комод өчен ода	2009
140	Чумадан	2009
141	Ике тылсымчы	2009
142	Бутерброд	2009
143	Ышан миңа, Керпе	2009
144	Картография	2009
145	Татлы тормыш	2009
146	Яратучы	2009
147-148	Борыңгы хәзинәләр сере	2009
149-150	Яңа ел әкияте. 1-2 кисәкләр	2009
151	Боз	2009
152-153	Бигрәк фигуралы шуу. 1-2 кисәкләр	2009
154	Бобслей — принципиаль эш	2009
155-156	Хоккей. 1-2 кисәкләр	2009
157	Тренер	2009

4 сезон
№	Серия саны	Чыгарылу елы
158	Музотерапия	2010
159	Бизәкче әфәнде	2010
160	И, рәхмәтле!	2010
161	Табигать кочагында берничә вак-төяк	2010
162	Эрудит	2010
163	Кара ак кино	2010
164	Юмарт күк	2010
165	Ихтималлык теориясе	2010
166	Туризм	2010
167	Җепләр кемнең кулында	2010
168	Нур шәүләсе	2010
169	Син — бар	2010
170	Ихтыяр көче	2010
171	Фаталистлар	2010
172	Монологлар	2010
173	Медиум	2010
174	Психолог	2010
175	Китапханә	2010
176	Парлы микърамә	2010
177-178	Ай куяны. 1-2 кисәкләр	2010
179	Бала караучылар	2010
180	Инкогнито	2010
181	Җил ни китерәчәк	2010
182	Үксеп елау	2011
183-184	Тикшерү. 1-2 кисәкләр	2011
185	Тарихтагы урын	2011
186	Күз бәйләш һәм фәрештәләр	2011
187	Чит тавышлар	2011
188	Истәлеккә	2011
189	Иң озын төн	2011
190	Күңелгә якын	2011
191	Профилактика	2011
192	Салкын сугыш	2011
193	Африка проекты	2011
194	Күзгә күренмәс	2011
195	Австралия	2011
196	Кытыр	2011
197-198	Яңа Кытыр белән! 1-2 кисәкләр	2011
199	Таза спорт	2012
200	Шахмат	2012
201	Парашют	2012
202	Сувенир	2012
203	Бәхетле булу ысулы	2012
204	Сөтле бәхәс	2012
205	Алты хәрефле иртәнге аш	2012
206	Ничек булган ул?	2012
207	Гауга. Яңа ел!	2015

Суд процессы

2019 елның җәендә «Смешарики» мультфильмнарын ясаучылар смешаринның зур партиясен тараткан өчен кулга алына, алар ваклап сату чылбырлары аша конфетлар исеме белән контрабандага китерелә. Кондитер компаниясе, тыелган матдәләр тудыручы җир асты оешмасы белән берлектә, бу конфетлар җитештерү өчен җаваплы иде.

Татарча дубляж

2020нче елда Татарстан мәгариф һәм фән министрлыгы заказы буенча «Аксу» студиясе сериалны тәрҗемә итү эшенә тотынды. Ел эчендә иллеләп серия тәрҗемә ителде, алар Ютуб каналда урнаштырылды. Барлыгы 100 серия.

Тавышлындыруда Әбри Хәбриев, артист Марсель Мәхмүтов, артистка, тәрҗемәче Зөлфия Шәмсуарова, актер Ирек Хафизов катнаштылар.

Студиянең дубляж режиссеры Әлфия Һадиева сүзләренчә, "Смешариклар" мультфильмы хәзер интернетта актив тарала, "Шаян ТВ"да күрсәтелә.

Әлифбалар (2006—2012)

Җәмгыятьтә үз-үзеңне ничек тотарга турында сөйләгән берничә белем бирү проектлары. Серияләр озынлыгы 30 секундтан алып 6 минут 30 секундка кадәр.

Шаярулар

№	Серия	Сюжет
1	Чемпион	3D-графикада ясалган Смешариклар хакында беренче рәсми мультфильм. Тау битендә чаңгыда йөргәндә куркынычсызлык кагыйдәләре.
2	Электр энергиясе	Электр энергиянең каян килеп чыкканы.
3	Тимер юл	Серия тимер юлда үз-үзеңне тоту кагыйдәләре хакында сөйли.
4	Мисыр	Куян, Керпе һәм Пошаш Мисырда экскурсиядә.

Мультклиплар

№	Атамасы	Тасвирлама
1	Ул минем эчемдә яши	«Алйот та баламут» җырының музыкаль клибы
2	Пластилин	«Без изәбез, без изәбез» җырының музыкаль клибы
3	Кәеф	«Яхшы кәеф» җырының музыкаль клибы
4	Винт!	«Винт!» җырының музыкаль клибы
5	Ел башындагы бишек җыры	«Ел башындагы бишек җыры» җырының музыкаль клибы
6	Иске ел кая китә?	«Иске ел кая китә?» җырының музыкаль клибы
7	Эсселектә дә суыкта шар әйләнә	«Эсселектә дә суыкта шар әйләнә» җырының музыкаль клибы

Смешариклар. Башлану

2011 елның 22 декабрендә 3D форматында Смешарикларның Олы Дөнья белән танышу хакындагы «Смешариклар. Башлану» тулыметражлы анимация фильмы дөнья күрде. Бу сериядә Смешариклар телевизордан сериал караганда аны чын хәлгә саныйлар һәм сериал каһарманнарына ярдәм итәргә карар итәләр.

Смешариклар. Алтын аҗдаһа турында риваять

«Смешариклар. Алтын аҗдаһа турында риваять» — 2015 елның 1 октябрендә чыккан 3D форматындагы режиссёр Денис Черновның тулыметражлы анимация фильмы ^[1], ул «Смешариклар» мультсериалының приквелы булып тора.

Сылтамалар

• Рәсми сайт
• Новая газета 2010 елның 4 февраль көнендә архивланган