Сәвәнәй әби (уен)

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Сәвәнәй әби (уен) latin yazuında])
Сәвәнәй әби
Уенчылар саны
2 дән күбрәк
Уйнау урыны
өй
Физик активлык
түбән

Сәвәнәй әби — татар балалар драма уены.

Уйнау тәртибе[үзгәртү | вики-текстны үзгәртү]

Берәүне аркасына мендәр куеп, башына бүрек кигезеп «Сәвәнәй әби» итеп киендерәләр. Кулына таяк тоттыралар, өй алдына чыгаралар. Ул ишек шакый.

Эчтән:

— Тук-тук иткән кемдер ул?

— Сәвәнәй әбиеңдер ул.

Әби өйгә керә. Балалар аның утырыр төшенә берәр әйбер куеп әйтәләр:

— Әйдә, кер, кер, әби, утыр. Әби утыра да сикереп тора:

— Абау, чәнчә.

Балалар көлешеп:

— Сөртеп утыр, әби, — диләр.

Әби тезелеп утырган кешеләрнең һәммәсенә:

— Җеп җегерләргә чакыра килгән идем, бара алмассыз микән, — дип әйтеп чыга.

Тегеләр:

— Юк, бармыйбыз, — дигәч, «өенә кайтып китә». Сәвәнәй әби шул рәвешле каз өмәсенә дә чакырып карый.

Әмма тегеләр бармыйлар. Ахырда Сәвәнәй әби:

— Ашка чакырырга килдем, — дип килеп керә. Барсы да: «Барабыз», — дип сикерешеп торалар. Әби исә боларны:

— Эшемә килмәдегез, ашыма килмәкче буласыз, дип, чүпрәк-мазар белән кыйнарга тотына. Чыр-чу китә.

Чыганаклар[үзгәртү | вики-текстны үзгәртү]

  • Татар балалар фольклоры./Төзүчесе Рәшит Ягъфәров. — Казан: «Раннур» нәшрияты, 1999.