Сәлимия мәчете (Никосия)

Сәлимия мәчете
	Мәчет
	Сәлимия мәчете; төр. Selimiye Camii
Ил	Төньяк Кипрның Төрек Җөмһүрияте
шәһәр	Никосия
Дин	Католиклык (1209 елдан); Ислам (1570 елдан)
Кайсы дини агымга карый	сөнни
	Төп даталар:; 1209 (католик чиркәве буларак төзелгән); 1570 (мәчет итеп үзгәртелгән)
Халәте	гамәлдә

Бу терминның башка аңлатмалары да бар, аларны карау өчен Сәлимия мәчете (мәгънәләр) битенә күчегез.

Ислам порталы

Сәлимия мәчете (грек. Τέμενος Σελιμιγιέ, төр. Selimiye Camii) — Төньяк Кипрның Төрек Җөмһүрияте башкаласы (1974 елдан) Төньяк Никосия шәһәрендә урнашкан ислам гыйбадәтханәсе, мәчет. Хәзерге вакытта мәчет — утрауның төньяк өлешендәге төп мәчет. Кипрның готика һәйкәле булып тора.

Тарих

Төп мәкалә: Кипрда ислам

1209—1325 елларда готика стилендә Изге София католик чиркәве буларак төзелгән. XV гасырда гыйбадәтханә генуэз һөҗүмнәре һәм җир тетрәүләре нәтиҗәсендә нык зыян күрә. Утрау Венеция хакимиятенә күчкәч, 1491 елда француз архитекторлары тарафыннан реконструкцияләнә. 1570 елның 15 сентябрендә 45 көнлек чолганыштан соң, Никосияне Госманлы империясе гаскәрләре яулап ала. Гыйбадәтханә утрауның төп мәчетенә әверелә. Үзгәртеп корганнан соң, мәчет аны карап тоту өчен җаваплы булган «Солтан Сәлим фонды» милкенә күчә. Аңа ике манара өстәп салына.

Мәчет янәшәсендә генә зур һәм кечкенә мәдрәсәләр төзелә.

1949 елдан имамнар азан уку өчен манарага күтәрелүдән туктый һәм аның урынына тавыш көчәйткечләр куллана башлый.

1954 елның 13 августында Кипр мөфтие рәсми рәвештә мәчетнең исемен Кипрны яулап алган вакытта Госманлы империясен җитәкләгән солтан Сәлим II хөрмәтенә «Сәлимия» дип үзгәртә.

1974 елдан башлап мәчет Төньяк Кипрның Төрек Җөмһүрияте территориясендә урнашкан.