Татар дәүләт гуманитар институты

*Татар дәүләт гуманитар институты*, ТДГИ
Эшләү еллары	1995–2005
Ректор	Васил Гайфуллин
Адрес	420066 Казан, Ибраһимов проспекты, 85а;
Сайт	tggi.narod.ru

Татар дәүләт гуманитар институты
	Татар дәүләт гуманитар институты
Нигезләнү датасы	1995
Ректор	Васил Гайфуллин
Дәүләт	Россия
Административ-территориаль берәмлек	Идел буе федераль округы, Татарстан, Казан һәм Яңа Савин районы
Урам	Галимҗан Ибраһимов проспекты
Башлану вакыты	1995
Тәмамла(н)у вакыты	11 июль 2005
Адрес	420066 Казан, Ибраһимов проспекты, 85а

Татар дәүләт гуманитар институты – Татарстан республикасының беренче милли югары уку йорты. 1995-2005 елларда эшли.

1992 елда Татарстанның Министрлар Кабинеты Татарстан республикасының милли мәгариф программасын үтәү максатыннан боерык чыгара. Милли мәктәпләрне кадрлар белән тәэмин итү өчен Татар дәүләт гуманитар институты төзелә, ә Казан, Минзәлә, Арча һәм Чаллы педагогия училищеларында татар теле һәм чит телләр укытучылары әзерли торган көллият төркемнәре ачыла. 1995 елда уку йортына дәүләт укыту лицензиясе бирелә.

Сыйфатлама

Беренче һәм алыштыргысыз ректоры — В.Г. Гайфуллин. Институт 3 факультет, 7 кафедра һәм 1 үзәктән тора.

Институт кадрлар әзерләүдә чит республикалардагы һәм өлкәләрдәге туганнарыбызга да булышкан. Студентлар Башкортстан, Чувашия, Удмуртия, Мордовия һәм Мари Эл республикаларыннан. Якындагы бәйсез дәүләтләр – Әзәрбайҗан, Казахстан һәм Украинадан, Русиянең Киров, Пермь, Чиләбе, Омск, Свердловск, Төмән, Курган, Ульяновск, Самара, Красноярск, Кемерово һ.б. өлкәләреннән килгән студентлар да укыганнар.

Белгечләр әзерләү өчен уку планнары югары профессиональ белем стандарты нигезендә, милли-төбәк үзенчәлекләрен исәпкә алып төзелә. Башка уку йортларыннан аермалы буларак, гуманитар институт студентлары фәнгә тартылды. ТДГИны тәмамлаучыларның 15 проценты ел саен аспирантурага укырга керде.^[1]

2005 елда Татар-Америка төбәк институты (Мирза Мәхмүтов институты) белән бергә бетерү турында карар чыгарыла. Студентларны укыларын тәмамларга пединститутка күчерәләр. Укытучыларның да бер өлеше ТДГПУга эшкә күчә. Татарстан хөкүмәте карарын ул чактагы премьер-министр Миңлеханов имзалый.^[2]

Шәхесләр

Ректорлар

1995-2005 — Васил Гайфуллин

Укытучылар

Шулай ук карагыз: Төркем:Татар дәүләт гуманитар институты укытучылары.

яңарт | SPARQL |сурәтләр тап

Тәмамлаучылар

Шулай ук карагыз: Төркем:Татар дәүләт гуманитар институтын тәмамлаучылар.

яңарт | SPARQL |сурәтләр тап

Искәрмәләр

Чыганаклар

Әдәбият

В.Г. Гайфуллин. Язмыш борылышлары. К.: «Сүз» ҖЧҖ, 2007. 180-228 битләр. ISBN 978-5-98356-050-0

Сылтамалар

Фәрит Яхин. БӨЕК «КУШЫЛУ» ГАЛӘМӘТЛӘРЕ 2016 елның 19 август көнендә архивланган.. Хикәя.

Моны да карагыз

[1] Мәгарифкә дә көрәшчеләр кирәк

[2] Постановление Кабинета Министров Республики Татарстан от 11 июля 2005 г. N 343 "О ликвидации Татарского государственного гуманитарного института и Татарско-американского регионального института"

[1]

[2]