Тизлеккә сусау: ПроУрам
| Тизлеккә сусау: ПроУрам | |
 Уенның тышлыгы | |
| Уйлап табучы: |
EA Black Box |
|---|---|
| Чыгаручы: | |
| Композитор: |
Том Холкенборг |
| Чыгу көне: |
2007 ел, 14 ноябрь |
| Платформа: |
Microsoft Windows |
| Уен төре: | |
Тизлеккә сусау: ПроУрам(инглиз. Need for Speed: ProStreet) — ул 2007 елгы узыш видео уены, аны EA Black Box булдырган һәм Electronic Arts чыгарган. Ул Тизлеккә сусау сериясенең унберенче өлеше һәм Тизлеккә сусау: Углерод дәвамы. Канунсыз урам ярышларына игътибар итә торган үзенең элгәрләреннән аермалы буларак, ПроУрам ябык трассаларда узган канунлы түгәрәк узышларга игътибар итә. Үзенә симулятор һәм аркада узыш уеннарының тәфсилләре кертеп, уен уенчыларны төрле ярыш режимнары өчен үз машиналарын үзгәртергә мәҗбүр итә. Узышларның күбесе чын урыннарда узалар, шул исәптән Портленддагы халыкара ярыш трассасы, Монделло паркы һәм Автополис.
ПроУрам уенын ике ел дәвамында шулай ук команда булдырган, ул Тизлеккә сусау: Иң эзләнгән уенын да шулай ясаган. Бу Тизлеккә сусау сериясенең беренче уены, ул нигездә Xbox 360 һәм PlayStation 3 кебек югары резолюция консольләр өчен ясалган. Әмма Microsoft Windows, PlayStation 2 һәм Wii өчен юрамалар шулай ук чыкканнар. Уен яңа физик двигательне кертә, ул машиналарга чынрак идарә һәм бәрелешләрдән аркасындагы зыян алырга мөмкинлек бирә. Моннан тыш, ул аэродинамик торбаны өстәгән, анда уенчылар үз машиналарның аэродинамикасын күзәтә алалар. Том Холкенборг исемле җырчы уенның саундтрегын язган. Уен өчен яңа машиналар, трассалар һәм ярышлар берничә йөкләнә торган контент җыелмалары чыккан.
Үз борынгыларыннан ачык дөнья җитмәү өчен уенны тәнкыйтьли торган күзәтүчеләрдән ПроУрам катнаш күзәтүләр алган. Уендагы күпсанлы онлайн функцияләр һәм автомобильләр үзгәртү мөмкинлекләре уенның иң көчле якларның берсе дип саналган. ПроУрам бөтен дөньяда биш миллионнан артык күчермә сатуга карамастан, EA мәгълүматына караганда, ул аларның сату буенча өметләрен акламаган. Портатив юрамалар төрлечә уңыш белән кесә телефоннары, Nintendo DS һәм PlayStation Portable өчен чыккан. Гадирәк уен барышы механикаларын һәм функцияләрнең киметелгән санын тәкъдим итеп, алар үз консольләр һәм шәхси санак платформалардагы юрамаларыннан үтә аерылалар. 2008 елда Тизлеккә сусау: Каплау астында уены ПроУрам дәвамы булып чыккан.