Тимур Билялов

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Тимур Билялов latin yazuında])
Навигациягә күчү Эзләүгә күчү
Тимур Билялов
Тимур Билялов.jpg
Туган 28 март 1995(1995-03-28) (26 яшь)
Түбән Кама, Татарстан, Россия
Ватандашлыгы Русия байрагы Русия Федерациясе
Һөнәре алкалы һоккей уйнаучы
Спорт такымы әгъзасы Ак Барс

Тимур Рафаил улы Билялов (1995 елның 28 марты, Түбән Кама, Татарстан, Россия) — Россия хоккейчысы, «Ак Барс» КХЛ клубы капкачысы.

Карьера[үзгәртү | вики-текстны үзгәртү]

Тимур Билялов 1995 елның 28 мартында Түбән Камада спорт гаиләдә (әтисе — баскетбол тренеры, әнисе — спорт мәктәбе мөдире) туа. 2006 елда Казанга балалар тренеры Ленар Вилданов белән бергә күчә[1].

2012—2017 елларда Яшьләр хоккей лигасы (ЯХЛ) һәм Югары хоккей лигасы (ЮХЛ) командаларында уйный. КХЛда 2017 елдан бирле чыгыш ясый. Беренче сезонда «Ак Барс» составында — 7 һәм «Югра» составында 5 уен уздыра. 2018/19 еллар сезонын Риганың «Динамо» командасында уздыра, өстәвенә, Тимур беренче тапкыр 38 уенда бозга чыгып, команданың төп капкачысы була.

2019/20 ел сезонын «Ак Барс» составында үткәрә. Ике тапкыр атнаның иң яхшы капкачысы дип таныла, шулай ук ноябрьнең иң яхшы капкачысы дип таныла. Мондый уңышка ирешүнең бер сәбәбе булып Тимурның 316 минут 9 секундлы «коры» серияне уздыруы тора[2]. 24 яшьлек Казан капкачысы 2015/16 сезонда ук куелган Алексей Мурыгин рекордын (302 минут 11 секунд) узып китә. Шулай ук бу казаныш «коры» серия дәвамлылыгы буенча Россия чемпионатларының яңа рекорды була, 2003/04 ел сезоныннан сакланып калган «Лада» капкачысы Иржи Трвай (305 минут 56 секунд) казанышын узып китә[3].

Россия җыелма командасы составында Швециянең хоккей уеннарында беренче тапкыр чыгыш ясый. Финляндия җыелма командасына каршы беренче уенда уен башында 3 алка керттерә һәм җиденче минут азагында алыштырыла[4].

Бүләкләр[үзгәртү | вики-текстны үзгәртү]

  • Братина Кубогы Иясе (2016)
  • КХЛның иң яхшы капкачысы (2019/20)

Искәрмәләр[үзгәртү | вики-текстны үзгәртү]

Сылтамалар[үзгәртү | вики-текстны үзгәртү]