Тимур Какохо

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Тимур Какохо latin yazuında])
Тимур Какохо
Туган телдә исем Тимур Геннадиевич Какохо
Туган 18 декабрь 1991(1991-12-18) (32 яшь)
РФ, ТР, Казан
Ватандашлыгы Россия байрагы РФ
Һөнәре юрист
Бүләк һәм премияләре РФ Президентының Рәхмәт хаты - 2021

Тимур Какохо, Тимур Геннадий улы Какохо (Тимур Геннадиевич Какохо, 1991 елның 18 декабре, Россия Федерациясе, Татарстан Республикасы, Казан) – юрист, «Россия юристлары ассоциациясе» гомумроссия иҗтимагый оешмасының Татарстан төбәк бүлеге башкарма комитеты рәисе (2018 елдан). ТР Иҗтимагый палатасының Хокукый мәсьәләләр һәм иҗтимагый контроль комиссиясе җитәкчесе. [1] Россия Иҗтимагый палатасы составында Татарстан вәкиле (2023 елдан). [2]

Тәрҗемәи хәле[үзгәртү | вики-текстны үзгәртү]

1991 елның 18 декабрендә Казанда туган. «Юриспруденция» белгечлеге буенча Казан (Идел буе) федераль университетының юридик факультетын (бик яхшыга, 2014), К(И)ФУ юридик факультетының конституцион һәм административ хокук кафедрасы аспирантурасын «Тикшеренүче. Укытучы-тикшеренүче» квалификациясе белән (2017 ел) тәмамлаган. РФ ЭЭМ каршындагы МГИМО Бизнес һәм халыкара компетенцияләр мәктәбендә (2020, 2021), Татар агробизнес кадрларын яңадан әзерләү институтында (2021) квалификация күтәрү курсларын тәмамлаган. Тимур Какохо ― өч тапкыр Британиянең «Оксфорд - Россия фонды» (Oxford-Russia Fund) хәйрия оешмасы стипендиаты (2011-2014 еллар), Татарстан Республикасы халкының хокукый мәгърифәте буенча рус телендә чыккан берничә мәгълүмати брошюра авторы.

Хезмәт юлы[үзгәртү | вики-текстны үзгәртү]

  • 2012 елда – «Абада плюс» ҖЧҖ юрист ярдәмчесе.
  • 2014-2015 елларда – «Тереклек дөньясын саклау өлкәсендә инновацион технологияләрне кертү үзәге» ДБУ юристы.
  • 2015 елда – «Россия юристлары ассоциациясе» гомумроссия иҗтимагый оешмасының Татарстан төбәк бүлеге юрисконсульты.
  • 2017-2018 елларда – Татарстан Республикасы халкының хокукый мәгърифәтен үстерүгә ярдәм итү фонды рәисе.
  • 2017-2018 елларда – Казан шәһәр Думасы депутаты ярдәмчесе.
  • 2018 елдан хәзерге вакытка кадәр ― «Россия юристлары ассоциациясе» гомумроссия иҗтимагый оешмасының Татарстан төбәк бүлеге (рус. Татарстанское региональное отделение Ассоциации юристов России ТРО АЮР) башкарма комитеты рәисе.

Иҗтимагый эшчәнлеге[үзгәртү | вики-текстны үзгәртү]

  • 2014-2016 елларда – «Россия юристлары ассоциациясе» гомумроссия иҗтимагый оешмасының Татарстан төбәк бүлеге каршындагы Яшь юристлар советы рәисе.
  • 2016 елдан – Татарстан Республикасы Дәүләт Советының Законлылык һәм хокук тәртибе комитеты каршындагы Экспертлар советы әгъзасы.
  • 2019 елдан – Россия Федераль монополиягә каршы хезмәтенең Татарстан идарәсе каршындагы Иҗтимагый совет әгъзасы.
  • 2020 елдан – Татарстан Республикасы Юстиция министрлыгы каршындагы Иҗтимагый совет әгъзасы.
  • 2020 елдан – Татарстан Республикасы Биектау районы Красносельский (Биектау тимер юл станциясе бистәсе) авыл җирлеге депутаты.[3]
  • Казан (Идел буе) федераль университетының юридик факультетын тәмамлаучылар ассоциациясе Советы әгъзасы.

Бүләкләре, мактаулы исемнәре[үзгәртү | вики-текстны үзгәртү]

  • ТР Юстиция министрлыгының Рәхмәт хаты (2011),
  • РФ Федераль Җыены Дәүләт Думасының Рәхмәт хаты (2013),
  • РФ Иҗтимагый палатасының Рәхмәт хаты (2019),
  • РФ Иҗтимагый палатасының Мактау грамотасы (2020),
  • Татарстан Республикасы Президентының Рәхмәт хаты (2020),
  • Россия Федерациясе Юстиция министрлыгының Мактау грамотасы (2021),
  • Россия Федерациясе Президентының Рәхмәт хаты (2021).

Шәхси тормышы[үзгәртү | вики-текстны үзгәртү]

Биектау районы Урманчы бистәсендә яши. [3]

Искәрмәләр[үзгәртү | вики-текстны үзгәртү]

  1. Какохо Тимур Геннадиевич. 2023 елның 10 март көнендә архивланган. Общественная палата Республики Татарстан
  2. В Общественной палате РТ выбрали нового представителя в ОП России. Бизнес-Онлайн, 10.03.2023
  3. 3,0 3,1 Кандидат Какохо Тимур Геннадиевич (18.12.1991). 2023 елның 10 март көнендә архивланган. Выборы России 2022

Сылтамалар[үзгәртү | вики-текстны үзгәртү]