Томас Маклир

Сэр Томас Маклир (инглиз телендә: Thomas Maclear; 1794—1879) — инглиз математигы һәм астрономы.

Тәрҗемәи хәле

Томас Маклир 1794 елның 17 мартында Ирландия төньягында Тирон графлыгында туган. Башта әтисе аны чиркәүгә багышларга теләгән, әмма яшь Маклир моны теләмәгән һәм Англиягә күчеп медицина белән шөгыльләнгән.

Табип-практик булганда инде Маклир математика һәм астрономия белән мавыга башлаган һәм хәтта үзенең кечкенә обсерваториясен оештырган. 1834 елда ул мәшһүр Дж. Гершель белән якынлашкан һәм аның Яхшы Өмет мысына барырга тәкъдимен шатлык белән кабул иткән. Монда, күпсанлы астрономик күзәтүләрдән тыш, ул градус үлчәмен башкарган, моның өчен Лондонда Король медален һәм Француз академиясеннән Лаланд медален алган («Verification and extension of La Caille’s arc of Meridian at the Cape of Good Hope», 2 т., 1866).
Маклирның метеорология, Җир магнетизмы, су күтәрелешләре һәм чигенүләре, кометалар һәм башкаларны күзәтүе күбесенчә Лондон король җәмгыяте мемуарларында бастырылган. Көньяк Африкада бөтен булганы вакыты дәверендә Маклир Англиягә бик сирәк барган һәм 1870 елда хезмәтеннән киткәч, Капштадтан бер миляда Моубрайда тора башлаган, колониянең санитар торышын караган һәм медицина белемен ярлыларны дәвалауда кулланган.
Томас Маклир 1879 елның 14 июлендә Кейптаун шәһәрендә үлгән.

Эпонимнар

Маклир хөрмәтенә Айда кратер аталган.

Әдәбият

Маклир, Томас // Брокгауз һәм Ефрон энциклопедик сүзлеге: 86 томда (82 том һәм 4 өстәмә). Санкт-Петербург: 1890—1907.
«Monthly Notices», том 40.