Ушаков ордены

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Ушаков ордены latin yazuında])
Навигациягә күчү Эзләүгә күчү
Ушаков ордены
I дәрәҗә
OrderOfUshakov1st.jpg
Ил ССБР байрагы
Төр орден
Кемгә бирелә диңгез офицерларына
Кем бирә ССРБ Югары Шурасы Президиумы
Статус Русия Федерациясе ордены буларак калдырыла
статистика
Булдыру датасы 3 март 1944 ел
Беренче бүләкләү 16 май 1944 ел (контр-адмирал П. И. Болтунов)
Соңгы бүләкләү 1968 ел (Хәрби-Диңгез Флоты академиясе)
Бүләкләүләр саны I дәрәҗә - 47, II дәрәҗә - 194
Юкка чыгару датасы 3 март 1944 ел
Чиратлылык
Олырак бүләк Суворов ордены
Кечерәк бүләк Кутузов ордены

Ушаков ордены ( урысча орден Ушакова) – ССРБ нең дәүләт хәрби флот бүләге. Русия империясенең җиңелмәс флот башлыгы Ф.Ф. Ушаков исемен йөртә.

1944 елның 3 мартында (Нахимов ордены белән бергә) ССРБ Югары Шурасы Президиумы Указы белән кабул ителде.[1]

Рәсем авторлары – 1 нче ранг капитаны Борис Михаил улы Хомич белән мигъмар Модест Анатолий улы Шипелевский.

Бөек Ватан сугышы чорында (Кырым ярымутравын һәм Акъярны алман басып алучыларыннан азат итү хөрмәтенә) кабул ителгән орден.

I һәм II дәрәҗәләргә бүленгән. I дәрәҗәлесе – югары дәрәҗә.

Статут.[үзгәртү | вики-текстны үзгәртү]

Ушаков ордены белән Хәрби-Диңгез Флоты офицерлары, Ватан өчен яуларда сан ягыннан көчлерәк дошманны җиңәргә ярдәм иткән диңгез сугышларын оста оештырган өчен бүләкләнә.

Тасвирлама.[үзгәртү | вики-текстны үзгәртү]

Ушаков ордены 3 өлештән тора. Төп өлеше – платинадан ясалган 5 почмаклы йолдыз. Аңа арттан чылбырлы көмеш ләңгәр беркетелгән. Алтыннан эшләнгән Ушаков барельефлы медальон зәңгәрсу эмаль белән капланган, ул ләңгәргә ике кыскыч ярдәмендә беркетелә. Медальон астында кечкенә урак - чүкечне дәфнә яфраклары ураткан.

II дәрәҗә Ушаков орденында кызыл йолдыз алтыннан, Ушаков барельефы көмештән ясала, медальон зәңгәр эмаль белән каплана. Дәфнә яфраклары юк.

Тарих.[үзгәртү | вики-текстны үзгәртү]

  • 1944 елның 16 маенда контр-адмирал Павел Иван улы Болтунов һәм һава флоты генерал-лейтенанты Васлий Василий улы Ермаченков I дәрәҗә Ушаков ордены белән иң беренче бүләкләнүчеләр булдылар.
  • 1 нче санлы Ушаков ордены 1944 елның 22 июлендә Кызыл Байраклы Балтыйк флотының башлыгы вице - адмирал В.Ф. Трибуцка бирелә.
  • Бөек Ватан сугышы елларында I дәрәҗә Ушаков ордены белән 22 яугир һәм хәрби оешмалар бүләкләнә (барысы 47 мәртәбә), II дәрәҗә Ушаков ордены белән 194 мәртәбә бүләклиләр.
  • Соңгы тапкыр Ушаков ордены белән 1968 елда Хәрби-диңгез академиясе бүләкләнә.
  • ССРБ таркалгач, Ушаков ордены Русия Федерациясенең дәүләт бүләге буларак сакланып кала.[2]

Әдәбият.[үзгәртү | вики-текстны үзгәртү]

1. Черников Н.Д. Ватан бүләкләре. Казан, 1975.

2. Гребенникова Г. И., Каткова Р. С. Ордена и медали СССР. М., 1982.

3. Шишков С. С., Музалевский М. В. Ордена и медали СССР. Владивосток, 1996.

4. Дуров В. А. Русские и советские боевые награды. М., 1990.

5. Дуров В. А. Награды Великой Отечественной. М., 1993.

6. Дуров В. А. Отечественные награды. 1918—1991. М., 2005.

7. Горбачёв А. Н. Многократные кавалеры орденов СССР. М., 2006.

Моны да карагыз[үзгәртү | вики-текстны үзгәртү]


Тышкы сылтама[үзгәртү | вики-текстны үзгәртү]

http://mondvor.narod.ru/OUshak.html

Искәрмәләр[үзгәртү | вики-текстны үзгәртү]

  1. Сборник законодательных актов о государственных наградах СССР. М., 1984.
  2. Постановление Верховного Совета РФ от 20 марта 1992 года № 2557-I.